ريتشارد دوكينز
 مقالة مقطوعة من شجرة. هاد لمقالة مقطوعة من شجرة، ما كاتوصل ليها تا شي مقالة خرة ف لموسوعة، حاول تزيد ليانات ديالها ف مقالات خرين.
|
ريتشارد دوكينز (تزاد ب سّمية كلينتون ريتشارد دوكينز نهار 26 مارس 1941)[1] هو عالم د سّلوك لحيواني وبيولوجي تطوري وكاتب. هو زميل فخري ف نيو كولّيج، وكان أستاذ ديال لفهامة لعامة د لعلوم من 1995 ل 2008.
داوكينز تعرف أول مرة ب لكتاب ديالو ف 1976 لجين لأناني (بنݣليزية The Selfish Gene)، لي شهر رّؤيا تّطورية من لمفهوم لجيني وقدّم لمصطلح ديال لميم. بلكتاب ديالو نّمط ظّاهري لموسع (1982)، قدّم ف لبيولوجيا تّطورية لمفهوم لّي كان عندو تأثير ولي كايقول بلي تّاثيرات لمظهرية ديال لجين ماكاتخصش غي لجسم ديال لكائن لحي، بل ممكن تمشي بعيد تال لبيئة. ف 2006، أسس مؤسسة ريتشارد دوكينز د لمنطق ولعلوم.
دوكينز معروف علا أنّو ملحد صريح. هو مشهور ب لنتقاد ديالو ل لخلقية وتّصميم ذّكي.[2] ف لكتاب (1986) صّناع د سّاعات لعور (بنݣليزية The Blind Watchmaker)، كايقدم حجج ضد تّشبيه ديال صّناع د سّاعات، لي هو واحد لحجة ديال لوجود د واحد لخالق مادايرش مبنية علا تّعقيد ديال لكائنات لحية. بلمقابل، كايوصف لعمليات تّطورية بلي راها كاتشبه ل واحد صّناع د سّاعات عور، لي فيها كايكون تّوالد وطّفرات ولنتخاب مامݣيدي ب تّاشي مصمم. ف وهم لإله (2006) (بنݣليزية The God Delusion) دوكينز كايأكد بلّي واحد لخالق مادايرش تقريبا ماكاينش وبلّي لإيمان دّيني غي وهم.
دوكينز حصّل علا جوائز أكاديمية وكتابية، وكايبان ف تلفازة ورّاديو ولانطرنيت، فلغالبية وهو كايناقش على لكتوبة ديالو ولإلحاد ولأفكار ديالو ولآراء ك مفكر عام.[3]
عيون لكلام[بدل | بدل لكود]
- ^ Tortoise (2 دجنبر 2019). "OMG – A ThinkIn with Richard Dawkins". youtube.com. مأرشيڤي من لأصل ف 30 غشت 2020. تطّالع عليه ب تاريخ 30 غشت 2020.
- ^ "British scientists don't like Richard Dawkins, finds study that didn't even ask questions about Richard Dawkins"
- ^ Fahy, Declan (2015). The New Celebrity Scientists: Out of the Lab and into the Limelight. Rowman & Littlefield Publishers.
|
تقدر تزيد شوف بزاف د صور و معلومات ديال Richard Dawkins ف ويكيميديا كومنز. |