بيرطراند راسل

من ويكيپيديا
بيرطراند راسل
بيرطراند راسل
معلومات عامة
زيادة 18 ماي 1872
Trellech
لموت 2 فبراير 1970 (97 عام)
Plas Penrhyn
طريقة دلموت موتة طبيعية
سباب لموت إنفلونزا
لجنسية نڭليز (1927–)
لمملكة لمتاحدة د بريطانيا لكبيرة و إيرلاندا (–1927)
لحرفة ماطيماتيسيان، ناقد اجتماعي، كاتب مقالات، منطقي، فيلسوف نظرية المعرفة، فيلسوف لغات، ناشط سياسي، ميتافيزيقي، فيلسوف تحليلي، كتاتبي د سيرة داتية، كاتب، فيلسوف، ؤستاد جاميعي، كاتب خيال علمي، فيلسوف العلوم، سياسي، ناشط سلام و صحافي
لّوغات لي كيعرف نڭليزية
لفاميلة
لواليد جون راسل (فيكونت أمبرلي)
لواليدة Katharine Russell, Viscountess Amberley
خوت Frank Russell, 2nd Earl Russell
شريك Alys Pearsall Smith (1894–1921), طلاق
دورا راسل (1921–1935), طلاق
Patricia Russell, Countess Russell (1936–1951)
إديث فينش راسيل (1952–1970)
لولاد Conrad Russell, 5th Earl Russell
Lady Katharine Tait
John Russell, 4th Earl Russell
Lady Harriet Russell
معلومات خرى
دين لاأدرية
لحيزب حزب العمال البريطاني (1922–)
الحزب الليبرالي (1907–1922)
لأعمال
تأتر ب إقليدس، جون ستيوارت مل، جوزيبه بيانو، أغسطس دي مورغان، جورج بول، جوتلوب فريجه، جورج كانتور، خورخي سانتايانا، Alexius Meinong، باروخ سبينوزا، إرنست ماخ، ديفيد هيوم، غوتفريد لايبنتس، لودفيغ فيتغنشتاين، ألفريد نورث وايتهيد، جورج إدوارد مور، بيرسي بيش شيلي و George Frederick Stout
لجوايز
Bertrand Russell signature.svg
IMDB: nm0751017 Facebook: russellbertie iTunes: 2064319 Musicbrainz: d90bd17d-7720-4c93-b386-ec8080672241 Find a Grave: 21194 Modifica els identificadors a Wikidata


بيرطراند أرثر ويليام راسل (مزيود ف 18 ماي 1872، مات ف 2 فبراير 1970) هوّا فيلسوف، ماطيماتيسيان، ؤ عالم موسوعي بريطاني. لأعمال ديالو كانو سيرتو ف لفلسفة، لماط ؤ لّوجيك، ؤ كان عندهوم تأتير كبير على نضرية د لمجموعات، لّانڭويستيك، دكاء صّطيناعي، صيونص د لإدراك، لانفورماتيك، ؤ بزاف د لفروع د لفلسفة تّحليلية بحال لفلسفة د لماط، لفلسفة د لّوغة، لإيپيستيمولوجيا، ؤ لميطافيزيك. كان راسل أيضا موتقاف عومومي، توارخي، ناقد جتيماعي، ناشط سياسي، ؤ خدا لجايزة د نوبل د لأداب ف 1950.[1]

راسل كيتّعتابر من أعضم لعولاما د لّوجيك ف لقرن 20، ؤ واحد من لمؤسسين ديال لفلسفة تّحليلية، معا فلاسفة خرين بحال ڭوطلوب فريڭي، جورج إدوارد مور، ؤ تلميدو لودڤيك ڤيتڭنشطاين. راسل ؤ مور كانو لقادا د تّورة لفيكرية لبريطانية على لمدراسة لميتالية، ؤ معا لؤستاد ديالو ألفريد نورث وايتهاد، راسل ألّف لكتاب د پرينكيپيا ماطيماتيكا ؤلا لمبادئ د لماط، لي كانت أهم محاولة ل ختيزال لماط كامل ف لقواعد د لّوجيك.[2]

راسل كتب حتا ف مواضيع جتيماعية ؤ سياسية، ؤ كيتقارن بزاف ب ڤولطير، حيت بجوج كانو عندهوم كتابات فلسافية عميقة ؤ ف نفس لوقت كانت عندهوم شعبية كبيرة عند جمهور عريض بسباب لكتابات ديالهوم لي موجّهة ل لعامة. راسل عتابر لحرب لعالمية تّانية ضد ألمانيا نّازية بلي كانت أهون شّرور، ؤ كان ضد دّيكتاتورية سّطالينية، ؤ كان من لموساندين ديال تحياد سّلاح نّووي. راسل بقا ناشط كا موتقاف عومومي حياتو كلها حتا مات على عمر د 97 عام.[2]

حياتو ؤ لكاريير ديالو[بدل | بدل لكود]

برطراند راسل تزاد ف 1872، ف ريڤنزكروفت ف تريليك، إقليم مونماوثشر، ف شّرق د ويلز. على عمر د عاماين ماتت ختو ؤ مو، ؤ عاماين مورا داكشي ف 1876 مات بّاه. غادي ياخدو جدّو لورد دجون راسل، لي كان واحد لوقت رائيس د لووزارا ف بريطانيا، باش يتربّا معاه. جدّو غادي يموت حتا هوّا مورا عاماين، ؤ غادي تّكلف جدّاتو ب تّربية ديالو ف لوندريس. ف 1883، برطراند بدا يتعلّم تّسطار من عند خوه فرانك. ف 1890 بدا يقرا ف جامعة ترينيتي كوليدج، ؤ تماك تلاقا ب ؤستادو ألفريد نورث وايتهاد.[2]

ف 1893 خدا ليصونص ديالو ف لماط، ؤ عام مورا داكشي تعيّن أطاشي ديپلوماسي د بريطانيا ف پاري، ؤ تجوج ب أليس پيرصال سميث. ف 1895، بدا كيقرا ف جامعة برلين. ؤ ف 1896 ولّا موحاضير ف مدراسة لندن د لقتيصاد، ؤ دار موحاضرات ف لميريكان ف جامعة دجونز هوپكينز ؤ جامعة برين ماور. ف 1899 بدا كيقري ف ترينيتي كوليدج. ف 1901، ولّا موحاضير ف جامعة كامبريدج، ؤ ف نفس لعام كتاشف لپاراضوكس د راسل. ف 1905 راسل طوّر أهم موساهمة ديالو ف لّانڭويستيك، لي هيّا نّضرية د تّوصيفات.[2]

راسل ترشح تلاتة د لمرات ل لبرلمان نّڭليزي ف 1907، 1922 ؤ 1923 ؤ فشل فيهوم كاملين. طلّق ؤ تجوج شحال من مرة، زار بزاف د لبلدان منها روسيا، شّينوا، جّاپون ؤ ؤسطراليا، ؤ عطا موحاضرات ف جامعات ف فرانسا، نّڭليز ؤ لميريكان. خدا شلا جوايز، منها ميدالية دي مورڭان ف 1932، ميدالية سيلڤيستر ف 1934، جايزة كالينڭا ف 1957، جايزة لقدس ف 1963 ؤ جايزة نوبل د لأداب كا عتيراف ب كتاباتو لمتنوعة ؤ لهامّة لي كاتنتاصر ل لقيام لإنسانية ؤ ل لحرية د لفيكر.[2]

لأعمال ديالو[بدل | بدل لكود]

برطراند راسل عندو عشرات د لأعمال منشورين مابين 1896 ؤ 1969، من بينهوم:

  • German Social Democracy [دّيموقراطية شّتيراكية لألمانية]. 1896.
  • An Essay on the Foundations of Geometry [مقالة على سّاس د تّسطار]. 1897.
  • A Critical Exposition of the Philosophy of Leibniz [تقديم نقدي ل لفلسفة د لايبنيتس]. 1900.
  • The Principles of Mathematics [لمبادئ د لماط]. 1903.
  • Philosophical Essays [مقالات فلسافية]. 1910.
  • Principia Mathematica [پرينكيپيا ماطيماتيكا]. 1910–1913.CS1 maint: date format (link)
  • The Problems of Philosophy [لپروبليمات د لفلسفة]. 1912.
  • Our Knowledge of the External World as a Field for Scientific Method in Philosophy [لمعرفة ديالنا ب لعالم لخرجاني كا مجال ديال لمنهج لعلمي ف لفلسفة]. 1914.
  • Justice in War-time [لعدالة ف وقت لحرب]. 1916.
  • Introduction to Mathematical Philosophy [تقديم ل لفلسفة د لماط]. 1919.
  • The Analysis of Mind [تحليل لعقل]. 1921.
  • The Problem of China [لموشكيلة د شّينوا]. 1922.
  • Free Thought and Official Propaganda [لفيكر لحور ؤ لپروپاڭاندا رّسمية]. 1922.
  • The ABC of Atoms [لّيفبا د دّرات]. 1923.
  • The ABC of Relativity [لّيفبا د نّسبية]. 1924.
  • What I Believe [باش كانآمن]. 1925.
  • On Education, Especially in Early Childhood [على تّعليم، سيرتو ف لبدية د صّغُر]. 1926.
  • The Analysis of Matter [تحليل لمادة]. 1927.
  • Why I Am Not a Christian [علاش أنا ماشي مسيحي]. 1927.
  • Selected Papers of Bertrand Russel [مقالات مختارة ديال برطراند راسل]. 1927.
  • Marriage and Morals [جّواج ؤ لأخلاق]. 1929.
  • Education and the Social Order [تّعليم ؤ نّيضام جّتيماعي]. 1932.
  • Freedom and Organization, 1814–1914 [لحرية ؤ تّنضيم]. 1934.
  • Religion and Science [دّين ؤ صّيونص]. 1935.
  • Which Way to Peace? [إينا طريق ل سّلام]. 1936.
  • Power: A New Social Analysis [لقوة: تحليل جتيماعي جديد]. 1938.
  • An Inquiry into Meaning and Truth [تحقيق ف لمعنى ؤ لحاقيقة]. 1940.
  • The Bomb and Civilisation [لقنبولة دّرية ؤ لحضارة]. 1945.
  • A History of Western Philosophy and Its Connection with Political and Social Circumstances from the Earliest Times to the Present Day [تاريخ لفلسفة لغربية ؤ علاقتها ب ضّوروف سّياسية ؤ جّتيماعية من زّمانات لّولة حتال دابا]. 1945.
  • Human Knowledge: Its Scope and Limits [لمعرفة د بنادم: لإمكانيات ؤ لحدود ديالو]. 1948.
  • Authority and the Individual [سّلطة ؤ لفرد]. 1949.
  • New Hopes for a Changing World [أمال جديدة ل عالم كيتبدل]. 1951.
  • The Impact of Science on Society [تّأتير د صّيونص ف لمجتمع]. 1952.
  • Satan in the Suburbs and Other Stories [شّيطان ف ضّواحي ؤ قيصاص خرين]. 1953.
  • Human Society in Ethics and Politics [لمجتمع د بنادم ف لأخلاق ؤ سّياسة]. 1954.
  • Logic and Knowledge: Essays 1901–1950 [لّوجيك ؤ لمعرفة: مقالات 1901 تال 1950]. 1956.
  • Understanding History and Other Essays [لفهم د تّاريخ ؤ مقالات خرين]. 1958.
  • The Will to Doubt [لإرادة د شّك]. 1958.
  • Common Sense and Nuclear Warfare [تّخمام لمشاع ؤ لحرب نّووية]. 1959.
  • My Philosophical Development [تّطور لفلسافي ديالي]. 1959.
  • Wisdom of the West: A Historical Survey of Western Philosophy in Its Social and Political Setting [لحكمة د لغرب: مسح تاريخي ديال لفلسفة لغربية ف لخلفية جّتيماعية ؤ سّياسية ديالها]. 1959.
  • Bertrand Russell Speaks His Mind [برطراند راسل كيهضر بصراحة]. 1960.
  • Fact and Fiction [لواقعة ؤ لخيال]. 1961.
  • Has Man a Future? [واش بنادم عندو موستقبال؟]. 1961.
  • Essays in Skepticism [مقالات على تّشكيكية]. 1963.
  • Unarmed Victory [نتيصار بلا سلاح]. 1963.
  • On the Philosophy of Science [على لفلسفة د صّيونص]. 1965.
  • War Crimes in Vietnam [لجرايم د لحرب ف ڤيطنام]. 1967.
  • The Autobiography of Bertrand Russell [لوطوبيوڭرافيا د برطراند راسل]. 1951–1969.CS1 maint: date format (link)

عيون لكلام[بدل | بدل لكود]

  1. ^ The Life of Bertrand Russell [لحياة ديال بيرتراند راسل]. كنوپف. 1976. ص. 119. ردمك 978-0-394-49059-5.
  2. ^ a b c d e "موسوعة سطانفورد د لفلسفة، بيرطراند راسل" (بنڭليزية).

لمزاود[بدل | بدل لكود]