راضي بن عبدسلام

من ويكيپيديا
اذهب إلى التنقل اذهب إلى البحث
راضي بن عبدسلام
راضي بن عبدسلام
معلومات عامة
زيادة 28 فبراير 1929
الراشيدية
لموت 4 أكتوبر 2000 (71 عام)
فاس
طريقة دلموت موتة طبيعية
سباب لموت داء قلبي إقفاري
لجنسية لمغريب
لحرفة عداء مسافات طويلة و منافس ألعاب قوى
رياضة
رياضة ألعاب القوى
تخصص ماراطون
IMDB: nm8097073 Olympic.org: abdesiem-rhadi-ben-abdesselem Modifica els identificadors a Wikidata

راضي بن عبدسلام ولا عبد السلام الرّاضي (خلاق ف ظهر سّوق، إقليم تاونات ف 28 فبراير 1929 - توفّا ف 4 أكتوبر 2000 ف فاس) جرّاي مغريبي كان متخصّص ف لمسافات نصف طّويلة (ضّومي فون). هو أول مغريبي دّا ميدالية ف لألعاب لأولمپية (روما - 1960).

حياتو[بدل | بدل لكود]

الراضي ف يّامات لحيماية كان خدّام ف لجيش لفرانصاوي، لّي تطوع فيه ف 1950، و تمّا فين بانت لميولات رّياضية ديالو ب حيت كان كان كايقدر يجري مسافات طويلة بزّاف.[1]

الراضي كان يمكنليه يلعب ب الراية د فرانسا ولا بلجيكا ف لألعاب لأولمپية د 1956 ف ميلبورن - ؤسطراليا، غير هو ختار يلعب ب تّوني د المغريب.[2]

الراضي شارك ف لألعاب لأولمپية د روما ف 1960 و كان دّا ميدالية فضّية ف لماراطون. لّي كان دّا دّهبية هو جّراي لأسطوري لإيتيوپي أبيبي بيكيلا.

ف فرانسا كانت صّحافة رياضية كاتلقبو ب "رّياضي مول 5 كيلو د لميداليات" ب سباب لألقاب لكتيرة ديالو.[3]

ف 1960 كان فاز ب بطولة العالم د العدو الريفي ف ݣلاسݣو، سكوتلاندا.[2]

الراضي كان بقا شادّ أغلبية لأرقام لقياسية لمغريبية ديال دومي فون و لمسافات طّويلة ( لعشرالاف متر و لماراطون) تّال فاش حطّموهوم ف تّمانينات لجيل د سعيد عويطة، خالد السكاح، ابراهيم بوطيب و من بعد منهوم صلاح حيسّو و لخوت بولامي (ابراهيم ؤ خالد).[3]

الراضي قاسا بزّاف ف حياتو و مانفعو ب والو لإنجاز ديالو. من بعد ما حبسات لانتريت ديالو لّي كانت كاتجيه من عند لعسكر د فرانسا (1300 درهم ف تلت شهور)، خدم ف الإنعاش الوطني ب صالير ديال 900 درهم ف الشهر، و خدّموه شاوش ف الولاية ديال فاس (مكلف ب التّوجاد د أتاي). لفقر و تّنحسيرة لمادّية رغموه باش يبيع لميدالية لفضّية ديالو .[2] خدم تا عساس د طوموبيلات ف واحد لفترة.[3]

ف لّخر د حياتو قدر لوالي ديال فاس محمد الظريف يضبر ليه ف ݣريمة ديال طاكسي صغير.[2]

سالا حياتو عايش كتيئاب ل مدة طويلة و عانى من لكونسير.[3] مات ب سّدان د شرايين د لقلب[2] و هو عندو 71 عام.

عيون لكلام[بدل | بدل لكود]

  1. ^ "عبد السلام الراضي: أول مغربي يتوج المغرب في الألعاب الأولمبية". anwarpress.com (بلعربية). 14 يونيو 2018.
  2. ^ a b c d e محمد الشبوني (12 غشت 2009). "عبد السلام الراضي الذي قتلته «الفقصة» قبل أن يجهز عليه المرض". المساء (بلعربية).
  3. ^ a b c d "الراضي صاحب أول ميدالية أولمبية للمغرب يقاوم السرطان". الشرق الأوسط (بلعربية). 14 شتنبر 2000.
Wikimedia Commons تقدر تزيد شوف بزاف د صور و معلومات ديال Rhadi Ben Abdesselam ف ويكيميديا كومنز.