تاونات

تاونات
‫تاونات‬ (ar) ⵜⴰⵡⵏⴰⵜ (tzm)
لبلاصة
لبلاد	لمغريب
لإقليم	إقليم تاونات
السكان
شحال دالسكان	39,114 (2024)
شحال دلفاميلات	8,583 (2014)
لجغرافيا
لعلو	566 م
معلومات خرين
الرمز لجغرافي	2530155

تاونات مدينة مغريبية و جماعة ترابية حضرية كاينة ف إقليم تاونات، جهة فاس مكناس، ساكنين فيها 37608 واحد، على حسب لإحصاء لعام 2014.

اصل السمية

كلمة تاونات هي كلمة عربية فينيقية لأصل من "تانيت" أو "تانيتا" وكتعني المرا أو بلاد المرا فالأصل ديالها ، و كيتقال بلي كتعني جبالة أي سكان الجبال، وهي السمية اللي مرتبطة بالطبيعة لجغرافية ديال لمنطقة. ​

وكاين اللي قال بلي كتعني لمكان لعالي لمراقبة لعدو، حيت فالمغريب بزاف ديال لمناطق خداو سميتهم من داكشي اللي موجود فيهم. وحساب الرأي ديال الأستاذ أحمد بونيف، لباحث فالثقافة لأمازيغية، أصل لكلمة بالأمازيغية هو تانوَّالت، ويمكن تحرفات وولات كتقرا تاونات. ​

و"تانوَّالت" دخلات للعربية لمحلية وولات هي نْوالة، اللي هي كوخ كيتبنى من لغصان ديال الشجر والوراق ديالهم، وكتكون مخبأ كيتستعمل غالباً للحراسة والمراقبة، ويمكن تسمى بهاد السمية فاش كانوا لمعارك لقديمة. ​

وقيل عاوتاني بلي معناها "لعقبة"، وكاين اللي قال بلي أصلها هو: "نْطُو ونِيتْ" وكتعني "طلع وهبط"، ويمكن خفاف التحريف ديالها حتى ولات كتقرا هكا. ويقدر يكون هدا هو اسمها الأصلي حيت المنطقة جات فوق تل، واللي بغا يوصل لراس هاد التل من أي جهة خاصو يطلع ليه بالتمارة، واللي كان فوقو وبغا يمشي لشي بلاصة أخرى خاصو ينزل منو. ​

وهاد لمنطقة كانت كتسمى فكتوب التاريخ القديمة بـ "مزيات، ومزاتة، ومزياتة". كيقول ابن خلدون: "مزاتة، ومزيات أو مزياتة تجمع قبلي كينحدر من أوروبة، كاين فـحوض ورغة، وبالضبط على الضفة الليسرية ديال هاد الواد". وقال عاوتاني: "وفتح أبو لقاسم بلاد مزاتة ومطماطة وهوارة". ​

وذكرها مول كتاب "التشوف إلى رجال التصوف" فاش كان كيهضر على "أبو زيد عبد الرحمان بن هبة الله" وبين بلي هو: "من أهل ورغة من بلاد مزياتة". والضريح ديال هاد لولي الصالح جا فالمنطقة اللي دابا سميتها: تاونات. ​

ويقدر يكون سبب هاد السميات "مزيات ومزاتة ومزياتة" هو الشجر ديال الزيتون اللي كان تما من قديم، وحيت ماليها معروفين بإنتاج الزيت وبيعها، واللي شاف فهاد لأمر كيلقى باللي شجر الزيتون كاين تما من زمان، عكس لمناطق اللي دايرة بيها اللي يلاه تغرس فيها هادي مدة قصيرة. والزوار ديال تاونات كيلاحظ باللي كاينين شي مرتفعات ومنحدرات من كاع لجهات، وهادشي كيخلي لمدينة تكون بحال شي عقبة كبيرة. ​

التاريخ

تاريخ تاونات كيرجع لزمان لموحدين؛ فداك لوقت مشات لقبايل ديال مزيات والجاية ورغيوة لمنطقة زرهون اللي حدا مكناس باش يستقرو فالموقع الحالي ديال تاونات. كتميز تاونات ببزاف ديال لقصبات، وأشهرهم قصبة جبل أمركو اللي كتشهد على المرور ديال لمرابطين.

جغرافيا

تاونات جات فجنوب جبال الريف فـشمال غرب جهة فاس-مكناس. و كيحد لمدينة من الشمال الحسيمة و شفشاون، ومن لجنوب فاس، ومن الشرق تازة، ومن لغرب إقليم سيدي قاسم.

لبنية التحتية و الطرقان

فـ 2016، علنات لحكومة لمغربية على خطة باش تطور الطريق السريعة اللي خاصها تكمل فـ 2035. منطقة تاونات غادي تستافد من هاد لخطة باش يتصلح و يتقال الطريق السريع اللي كيتسمى "لمحور ديال فاس تاونات". فغرب تاونات كاين باراج لوحدة على واد ورغة، وهو أكبر سد ف وتاني أكبر باراج ف إفريقيا.

تعليم

• نسبة لأمية (نّاس لّي ما كايعرفوش يقراو ولا يكتبو) : 26,3%
• نسبة سّكان لّي قاريين فوق الليسي (ليسي و جامعة): 22,2%

قتيصاد

• نسبة نّاس نّشيطين (لّي يقدرو يخدمو): 43,9%
• نسبة لبطالة (نّاس لّي ما خدامينش و تايقلبو على خدمة): 18,9%
• نسبة نّاس اللي خدامين ف دّولة (ولا لبيطاليين اللي سبق ليهوم خدمو): 25,1%
• نسبة نّاس اللي خدامين ف لپريڤي (ولا لبيطاليين اللي سبق ليهوم خدمو):35,9%

الاقتصاد ديال تاونات كيعتمد بزاف على لفلاحة، وخصوصاً زراعة الكرموص ، وزيد عليها زراعة حب الملوك ، البعويد ، التفاح والزيتون. ​

كيتعتابر الكسيبة ولإنتاج ديال لحبوب و لخشب حتى هوما من لأنشطة لمهمة فالمدينة، ونفس الشيء بالنسبة للحشيش اللي كاين بزاف فالمنطقة من ناحية الزراعة والتجارة فيه. ​

تاونات كانت غير مركز قروي تابع لمدينة فاس، حتى تعينات مركز للإقليم سنة 1977؛ وهي مدينة متواضعة اقتصادياً، حيت وخا دازت كتر من 40 سنة على تعيينها مركز للإقليم، لحجم ديالها بقى صغير وما عرفاتش شي توسع كبير مقارنة بمناطق أخرى. ​

مصادر

هادي زريعة ديال مقالة خاصها تّوسع. تقدر تشارك ف لكتبة ديالها.