فوييلة (أناطوميا)
لفوييّلة ؤ الجماعة ديالها فوييلات، (ب لعربية: خصية، ب لاتينية: Testis) هوما واحد جوج د لݣلونضات ب سيفة ديال فولات ؤلا بيضات داخلين ف السيستيم النسلي و كاينين عند الدكورا ديال ݣاع لبهايم من بيناتهوم بنادم. هاد لݣلونضات عندهوم جوج خدمات : كاينتجو لبهايم د لماني ؤ كاينتجو حتا لهورمونات النسلية اللي هوما الدكروجينات (بحال الطيسطوسطيرون).[1]
لفوييلات عند الدكورا كايقابلو لبوييضات عند النتوات ؤ بجوجهوم خاضعين للݣلونضة النخامية لقدامية اللي كاتكومونضي فيهوم بجوج هورمونات هوما ل FSH ؤ LH.
هاد لݣلونضات كايكونو ف لغالب خارجين على لكسدة (من غير الطيورا، لفيران، زّواحف، ؤ لبالينات اللي عندهوم داخلين ف لكرش...) و موضْعهوم كاين ف لحجر لاحقاش باش يكونو خدامين مزيان خاصهوم واحد سخونية ديال 30°س بينما سخونية ديال لكسدة هيّا 37°س. لفوييّلات كايكونو مجموعين ؤ مغطيين بواحد الجيب جلدي سميتو السكرطمان ؤاللي موهيم بزاف ف التعدال ديال هاد السخونية، حاجة خرا هيا هاد الجلدة اللي كاتغطيهوم زايدة فيها شوية ديال لميلانين داكشي علاش كايكون لونها مغموق ؤ باش نفصلو كتر ف لغالب الإنتاجية ديالهوم مكاتكونش بحال بحال داكشي علاش تقدر يكون حجم واحد لفوييّلة كبر من لخرا.
- ↑ "britannica, testis". Retrieved 2025-06-26.
 |
ويكيميديا كومنز عندا تصاور و معلومات على فوييلة (أناطوميا). |
 هادي زريعة ديال مقالة خاصها تّوسع. تقدر تشارك ف لكتبة ديالها. |
