ديب
 مقالة ؤلا فقرة ناقصينها عيون لكلام.لمعلومات لّي ف هاد لمقالة ؤلا هاد لفقرة ناقصين ف توتيق، خاصّ يتزادو فيها عيون لكلام باش تكون موتوقة. شوف هنا كيفاش تزيد لعيون. ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط! |
ديب
| ||
| ||
| معلومات عامة | ||
| سمية لعيلمية | Canis lupus (كارولوس لينيوس، 1758) | |
| لخاصية د ترتاب | نوع | |
| تابع ل | كلب | |
| حالة د لحماية | ||
 | ||
| مامهددش | ||
| UICN | 3746 | |
|---|---|---|
| لعيشة | ||
| لمودة د لعيشة | حتال 20.6 عام | |
| وقيتة لعيشة | cathemeral | |
| لمناسلة | ||
| شحال كايولد ف دقّة | 6 | |
| خصايصو | ||
| ضربات د لݣلب | 90 ضربة ف دقيقة | |
| الجهد دلعضة | 136 | |
| كاياكل | أرنب أوروبي، قواع أوروبي، موظ، بيسون، جيفة، رنة، أيليات، ثور المسك، خنزير بري، ضأن شرقي، ماعز المنحدرات، وعل، لاموس، ساكنات الحقل، قندسية، كبش، بهايم، كلب، مش، ثمرة لبية، تفاح، بواويد، عنب، حشيش، سلمون، أيل طويل الأذنين، يحمور أوروبي، أيل حمر، ثعلب أحمر، الكيب، كلب الراكون الشائع، طير، حوت، أروية كورسيكا، الإلكة و إهدار الطعام | |
| لخواص طبيعية | ||
| لخاريطة ديال فين عايش لكائن | ||
| ||
| معلومات خرين | ||
| رمز ديال ليونيكود | 🐺 | |
ديب (السمية لعيلمية canis lupus، كانيس لوپوس؛ جمع: دياب)، معروف عاوتاني ب سمية ديب رمادي، هو حيوان من ݣنس لكلبيات مستوطن أصلي ل أوراسيا و أمريكا الشمالية. كتر من 30 نوع فرعي د لكانيس لوپوس تسجل حتى ل دابا، منهم لكلب و دينݣو، وخا كيفما مفهوم شعبيا، الدياب كاتجمع غير النواع لفرعية لي كاتكون موجودة ف لبرّية. الديب هو أكبر عضو باقي كاين ف فاميلة لكلبيات، و تقدر تفرزو ب خيشومو و ودنيه لي ناقصين ف التقمقيم مقارنة ب النواع لخرى د نفس لفاميلة، زيد ݣسدتو قصيرة و قزيبتو طويلة مقارنة معا النواع د لكانيس لخرى. وخا هاكداك، الديب مرتابط ب شكل قريب ل النواع د لكانيس لي صغر، بحال لقيوط و بن آوى الدهبي ب شكل كافي باش يقدرو يولدو تكرويزات خصبة. لفرو د الديب ف لعادة مزوق ب لبيض، لقهوي، الرمادي، و لكحل، وخا النواع لفرعية د الديب لي كاتعيش ف لمناطيق القطبية يقدرو يكون لفرو ديالهوم تقريبا كامل ب لبيض.
من بينات ݣاع لعضاء د ݣنس لكانيس، الديب أكتر واحد متخصص ف لعبة الصيادة ب التعاون كيفما كايبان ف لآضابطاسيو لجسدية ديالو ب التلقية ل فرايس كبر منو، طبيعتو لجتيماعية، و السلوك ديالو التعبيري لي زايد بزاف، منها لعوعاوة لفردية و لجاماعية. الديب كايسافر ف عائيلات مكونة من كوپل معاهوم ولادهوم، ولادهوم يقدرو يمشيو بحالهوم باش يصايبو لقطيع لخاص بيهوم ف لوقيتة د لبلوغ ولا كا رد فيعل على التنافوس على لماكلة ف نفس لقطيع. الدياب حتى هوما حدوديين، و لمطايفة على وديت لمنطاقة من لسباب الرئيسية ف لموت ديالهوم. الديب حيوان لاحم ب شكل رئيسي و كايتغدى على لبزوليات لحوافر لكبيرة و حتى لبزوليات الصغيرة، لماشية، الجيفة، و الزبل. الدياب لوحيدة ولا لكوپلات لمجاوجة عندهوم موعدال نجاح طالع ف الصيادة على لقطعان لكبيرة، لعدوى و لپارازيط، ب الضبط ڤيروس السعر، يقدر يقيص الدياب.
التعداد د الدياب لبرية ف لعالم كايوصل تقريبا ل 300,000 ف 2003 و كايتعتابر نوع مامهددش على حساب لتيحاد الدولي ل لمحافضة على لبيئة. الدياب عندها تاريخ طويل معا التافاعولات معا بنادم، كانت كاتحتاقر و كاتتصيد ف ݣاع لموجتاماعات لي كايربيو لماشية، ب سباب لهجمات ديالهم على لماشية، ف لوقيتة لي كايتحتارمو ف شي موجتاماعات زيراعية و صيادا-لمجموعين. وخا لخوف من الدياب كاين ف بزاف د لموجتاماعات لبشرية، أغلبية د لهجمات لمشجلة على بنادم، كانت ب سباب السعر، لهجمات د الدياب على بنادم نادرة بزاف، حيتاش الدياب كايعيشو بعاد على الناس، و طورو لخوف من بنادم ب سباب التجارب معا لقناصا، لفلاحا، مالين لفيرمات، و السراحا.
كلمة ديب ب الداريجة مشتقة من كلمة ذئب ب لعربية لفوصحى.
الديب الرمادي (كانيس لوپوس) هو أكبر حيوان بري من فاميلة لكلبيات، لوزان د لبالغين منهوم كايكون من 18 لكيلوݣرام حتى ل 80، هادشي على حساب لجنس و التوزيع لجوغرافي، الدياب عندهوم نيطاق موحيطي من أمريكا الشمالية، ل أوروپا و آسيا. النيطاق لعريض د لموايل الطابيعة فين دياب تقدر تتزوهر كايعكس التأقلوم ديالهوم كا نوع، منها لغابات، الجبال، التونضرا، الطايݣا، التيرّات د لما و الصحرا. ف أمريكا الشمالية، الدياب ف لعادة كايفتارسو لبزوليات من لحوافر لمتوسطة حتى ل لكبيرة، بحال لموض، لإيلك، لأيل بو قزيبة بيضا، لأيل لبغل، لكاريبو، تور لمسك، و التور لميريكاني (بايصن). الدياب عندهوم سيقان طويلة لي مآضاپطا على الجرا، كاتخليهم يتحركو ب الزربة و يسافرو بعيد باش يقلبو على لماكلة، و عندهوم جماجم و فكوك كبيرة لي مختصة ف قبيط و فتيراس بزوليات كبيرة. زيد الدياب عندهوم حاسة د الشمان، السميع زايدة، لي كايخدموها باش يقلعو لفرايس و الدياب لخرين. كايختالف اللون د لفرو ف الدياب كتر من أي نوع آخر، من لبيض، ل لݣري، ل لقهوي ل لكحل لفاخري.
التواصول بينات لقطعان د دياب كايتكون من لوغة لجسد. هاد التواصول فيه سلوكات متخصصة و وضعيات جسد باش يعاون ف نقيص لعنف بينات لأفراد د لقطيع. لوغة لجسد كاتعاون للأفراد د لقطيع يعيشو ب سلام معا بعضياتهوم.
التعبيرات د لوجه كاتتخدم باش تبين لعواطيف. الدياب تقدر تلمح لشي سلوك مسيطر ب التكشار على النياب ولا ب تقيام د لودنين للقدام. السلوك لخاضع يقدر يبان ب السدان د لفم، ولا ب تزيار لعينين، ترجاع لودنين ل اللور ولا ب تطياح الراس ل لتحت.
التعبيرات د لقزيبةالدياب كايخدمو عاوتاني لوضعيات د لقزيبة باش يتواصلو عاطيفيا. الدياب كايبينو سينيالات على لعونف، ب تقيام لقزيبة ل لفوق تقريبا ب شكل عمودي، ف لوقيتة لي الدياب لخاضعة كتيطيحو قزيبتهوم قبل من لفراد لمسيطرة د لقطيع، ب خشيان لقزيبة بينات فخادهوم.
لحاسة د الشم عند الديب كتر ب مية مرة على لي عند بنادم، تحت ضوروف ميتالية، ديب يقدر يشم شي حاجة بعيدة عليه ب 1.6 كيلوميطر ولا كتر. الريحة وسيلة فعالة ل لتواصول بين الدياب، و بين لقطعان لحدوديين (طيريطوريال) ب شكل زايد. الروايح كاتخدم باش يعلمو لحدود د النيطاقات ديالهوم، باش يبينو لملك ولا باش يدافعو على داك النيطاق من قطعان اخرى، باش يعلمو لماكلة ديالهوم، ولا يقدرو يخدمو الروايح بحال شي خاريطة د الطريق ل لقطيع. الريحة طريقة ل الديب باش يخلي لحضور ديالو طول وخا مورا ما يمشي لشي بلاصة اخرى. لبول هو أكتر فورم شايع ف التعلام د الريحة. الدياب كاينتجو الريحة من واحد لغوداد بينات صباعهوم.
التواصول الصوتي بين الدياب كايتكون من مجموعة من لعوعاوات، النين، تݣرݣيرات و النباحات. وخا ݣاع لوضايف د لعوعاوة مامعروفاش، لعولاما مآمنين بلي الدياب يقدرو يعويو باش يقدرو يجمعو لقطيع ديالهوم، يبينو بلي داك النيطاق ديالهوم، باش يحدرو لمسلتين، ولا باش يعرفو دياب اخرين فين كاينين. الدياب كايعويو مور لغروب و ف صباح بكري، و ف الصيف منين كايكونو الجراوا صغار، و ف وقيتة وسط د الشتا ف فصل لمجاوجة. خرافة لي كاتقول بلي الدياب كايعويو مقابلين معا لݣمرة. و لكين بصح كايڤيزيو ب لخيشوم ديالهوم قبالة السما باش يعويو. ملي كايعويو و هوما راسهوم لفوق، هادشي كايخلي الصوات يوصلو بعيد. الدياب عندهوم حاسة السمع مجهدة، و ف شي ضوروف معينة يقدرو يسمعو لعوعاوة ل 6 د لأميال ف لغابة و 10 د لأميال ف لرض لمحلولة. لعوعاوة د الديب عميقة و كاتبقى مستامرة تقريبا من نص تانية حتى ل 11 التانية. الدوݣري د الصوت كابقى تابت ولا كايتبدل ب سلاسة. حصة د لعوعاوة د ديب واحد كاتبقى ل 35 تانية كا متوسط هادشي ملي ديب كايعوي بزاف د لخطرات متقطعة. حصة د لعوعاوة د شي قطيع كاتوصل ف لمتوسط ل 85 تانية. كيبداها ديب واحد، و مور لعوعاوة اللولى ولا التانية الدياب لخرين حتى هوما يقدرو يجيو. الدياب لآلفا (لمسيطرة) ف لعادة كايعويو ب دوݣري د صوت هابطة و كيبدا يعوي ب شكل منتاضم مقارنة ب الدياب لخاضعة و لي تحت منهوم ف لهرمية. الجراوا كايترينيو لعوعاوة حتى كايبداو يبلغو، ب تقليد الدياب لبالغة. الدياب لوحيدة يقدرو مايعويوش باش يسترو بلاصتهوم من لقطعان د الدياب. من غير لغوات د الجراوا لي الدوݣري د الصوت ديالهوم طالع، لعوعاوة د الدياب تقريبا عمرها ماكايكون فيها النباح. النين ف لغالب كايتخدم ملي كايكونو ف لوكر، من عند النتوات لبالغات ب شكل رئيسي. كايتعتاقد بلي هاد لأصوات د النين كايعبرو على لعاطيفة. التݣرݣير كايتخدم ف حالات د لعونف و ديما كايجي من شي دكر مسيطر.