غنم
غنم
| ||
 | ||
| لعيشة | ||
| لمودة د لعيشة | حتال 22.8 عام | |
| كايعيش ف | pen | |
| خصايصو | ||
| صوت لي كايدير | ثغاء | |
| كاين منو | ضأن مستأنس *ضأن | |
| لخواص طبيعية | ||
| معلومات خرين | ||
| لكائن مصدر ديال | صوف *Q118869033 | |
| رمز ديال ليونيكود | 🐑، 🐏 | |
| ستيعمالات | لحم *حليب *صوف | |
لغنم ولا شّيا ولا نّعاج، هما كسيبة من شكل Ovis aries. لغنم يقدر يكون لأصل ديالهم هوّ لخروف لبري ديال ؤروپا و أسيا، و كاتّعتابر إيران هيّ لمركز فين بدات التربية د الشياه.[1]
- دّكر سميتو لحولي (جامع: لحوالا)
- دّكرة سميتها لنعجة (جامع لّي كايتحسب: لنعجات)
- صغير دكّر حتّا لعام: خروف (جامع: خرفان)
- صغيرةحتّا لعام: خروفة (جامع: خروفات)
- دّكرة من عام حتّا تولد: حولية (جامع حوليات)
تيرحالين (نعجة رحلّية ديال جبل)
قطعة نتاع تمهاديت في لاتلاس لموتاواست
- ميرينوس (رومي)
فاش نّعجة كاتبغي لحولي، كانڭولو : كاتصوع ولا كاتطرڭ. ف لماغريب، كايبدى ف لبداية ديال صيف، فاش طْول ديال نّهار بدا ينقص.
فاش كاتكون صايعة ولا طارڭة، اغلابيان كاتكون ضارّة.
ضّرورية كاتبقى خمس شهور.
لايّام قبل تولد، كاتحين : هيّا محينة. لمعنة : دّرع ديالها كبر و قاصح.
نهار باش غاد تولد، كاتوجغ (كاتزحم باش يخرج تّيلاد).
فاش كايتحل فم ديال والدة، كاتخرج سّڭيّة .لمعنة جوج كورات: واحدة فيها لما جارية (نڭليزية: allantoid) و واحدة فيها لما زيتي (نڭليزية: amnion).
منبعد، كايخرج لخروف ولا لخروفة, ولا جوج حتّا خمسات خرفان.
كاينوضو فيساعة و كاييمشو يرضعو.
قليل كايوقع : لنعجة (اغلابيّان لحوليّة) ما كاتبغي ولدها. كانڭولو : كاتنفرو؛ هيّا نافرة.
نعجة والدة 4 خرفان (كروازية دمّان / لاكون)
لغنم كاتبغي تيساع باش تسرح، وخّا ربيع قليل. كيف ڭالو زّامان:
لغنم كاتڭول:
عطيني ربيع على ڭد شفّار عينيا
و عطيني تيساع على ڭد يشوفو عينيا.
ولا
لغنم: عطيني سارح درّاج
و ربيع ڭد شفّار عينيا
و دّبح لمتليا فيّا.
 |
ويكيميديا كومنز عندا تصاور و معلومات على لغنم. |
- ↑ Alberto, Florian J.; Boyer, Frédéric; Orozco-Terwengel, Pablo; Streeter, Ian; Servin, Bertrand; De Villemereuil, Pierre; Benjelloun, Badr; Librado, Pablo; Biscarini, Filippo; Colli, Licia; Barbato, Mario; Zamani, Wahid; Alberti, Adriana; Engelen, Stefan; Stella, Alessandra; Joost, Stéphane; Ajmone-Marsan, Paolo; Negrini, Riccardo; Orlando, Ludovic; Rezaei, Hamid Reza; Naderi, Saeid; Clarke, Laura; Flicek, Paul; Wincker, Patrick; Coissac, Eric; Kijas, James; Tosser-Klopp, Gwenola; Chikhi, Abdelkader; Bruford, Michael W.; et al. (2018). "Convergent genomic signatures of domestication in sheep and goats". Nature. 9 (1): 813. Bibcode:2018NatCo...9..813A. doi:10.1038/s41467-018-03206-y. ISSN 2041-1723. PMC 5840369. PMID 29511174. S2CID 3684417.
 هادي زريعة ديال مقالة خاصها تّوسع. تقدر تشارك ف لكتبة ديالها. |
