دراݣون بول
دراݣون بول هي واحد لفرانشايز د لميديا و لكوميكس دارها أكيرا طوريياما. لمانݣا لأصلية ديالو كتبها ورسمها طوريياما وتنشرات ف شونن دجامپ من عام 1984 و حتال عام 1995 و فيها 519 شاپيطر و 42 كتيّب (طانكوبون) و كانت كاتنشرها شركة د شوويشا. دراݣون بول مهزوزة من من رواية شينوية رحلة ل لغرب تتهضر على لمغامرات تاع صون ݣوكو من الطفولة ديالو حتى بدا تيتريني وتيدور لعالم باش يقلب على كورات تّينين لي تتسدعي تنين تيحقق لأمنيات يلا تجمعات. و ف الرحلة ديالو تيتصاحب معا بزاف تلأصدقاء و تيدابز مع بزاف تلأشرار بزاف منهم بغاو كورات تّينين.[1]
دراݣون بول تأضبطا لأنيم مقسم نجوج دلأجزاء: دراݣون بول و دراݣون بول زد، من طرف شّركا ديال طووي أنيميشن. لأنيم كان كيدوز فتلفزيون ف جاپون مابين 1986 و 1996 ف لإداعا ديال فوجي طيڢي.[2] فلعالم لعربي كان كيدوز فلإداعة ديال سبايستون.
حاليا دراݣون بول كتعتابر من بين أكتر سيريات نجاحا فتاريخ. 42 كتيب ديال لمانݣا تباعو كتر من 260 مليون مرا فلعالم[3]، و لأنيم داز فكتر من 80 دولة.
عيون لكلام[بدل | بدل لكود]
- ^ "Dragon Ball" (ب نڭليزية). مأرشيڤي من لأصل ف 24 شتنبر 2023. تطّالع عليه ب تاريخ 2022-03-13.
- ^ "Dragon Ball Z" (ب نڭليزية). مأرشيڤي من لأصل ف 7 شتنبر 2023. تطّالع عليه ب تاريخ 2023-09-09.
- ^ Hale، Asher (2021-07-12). "15 Best-Selling Manga Of All Time (& How Many Copies Were Sold)". CBR (ب نڭليزية). مأرشيڤي من لأصل ف 20 شتنبر 2023. تطّالع عليه ب تاريخ 2023-09-09.
شوف تا[بدل | بدل لكود]
 هادي زريعة ديال مقالة خاصها تّوسع. تقدر تشارك ف لكتبة ديالها. |