خالد أيت طالب

	خالد أيت طالب
	معلومات عامة
زيادة	1966 (59/60 عام); أڭادير
لجنسية	لمغريب
لحرفة	جراح، ؤستاد جاميعي و سياسي
لّوغات لي كيعرف	لوغات أمازيغية، عربية و لفرانساوية
	معلومات خرى
لحيزب	لامنتمي

خالد أيت طالب (مزيود ف 8 يوليوز 1968 ف رّباط) هوّا وزير د صّحة ف لحوكومة د أخنوش من 14 أكتوبر 2021، ؤ كان قبل ف نفس لمنصب ف لحوكومة د لعتماني تّانية من 9 أكتوبر 2019 تال 7 أكتوبر 2021. تّعيين ديالو ف نفس لمنصب جا بعدما طلبات نبيلة رميلي لإعفاء من لپوصط ديالها باش تفرغ ل خدمتها د عمدة د دارلبيضا.^[1]

تخرج لپروفيسور خالد آيت طالب من كلية طّب ؤ صّيدلة د رباط بعدما حصل علا شهادة د دّوكتورا ف طّب. كان خدم ؤستاد ف كلية طّب ؤ صّيدلة د فاس، ؤ موراها رائيس د شّيرورجيا لباطينية ف لمركز سّبيطاري لجاميعي لحسن تّاني د فاس، ؤ تعين مودير ديالو ف 13 نونبر 2004. لپروفيسور أيت طالب كان أول واحد دخّل سيستيم أنفورماتيكي ل سّبيطارات ف لمغريب، ب لإضافة ل سيستيم د توزيع دّوايات وسط سّبيطار، بلا مانهضرو علا تقنية د شّيرورجيا ب رّوبوات. خالد أيت طالب كان عضو ف لّجنة د لخوبارا ف ويزارة د صّحة من 2008، ؤ هوّا لمومتيل لجيهاوي د مؤسسة لالة سلمى د لويقاية ؤ لمداوية د لكونصير، ؤ هوّا رئيس لمجلس لإداري ديال معهد لبحت ف لكونصير، ؤ هوّا رائيس تحالف لمراكز سّبيطارية لجاميعية ف لمغريب من 2016.^[2]

مصادر

↑ "بلاغ من الديوان الملكي". mapnews.ma (ب العربية). 14 أكتوبر 2021. Archived from the original on 2022-08-14. Retrieved 2021-10-14.
↑ "خالد أيت طالب" (ب العربية). Archived from the original on 2023-08-11. Retrieved 2021-10-14.

هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها.