حسن لفد

حسن لفد
معلومات عامة
زيادة	24 نونبر 1962 (63 عام) الدار البيضا
لجنسية	لمغريب كانادا
لحرفة	فنان كوميدي، ممتيل د التلفازة، مومتيل، ممتيل د لأفلام، مومتيل مسراحي، عازف ساكسفون، سيناريست و موخريج
لّوغات لي كيعرف	عربية، لفرانساوية و الداريجة لمغريبية
معلومات خرى
لأعمال	لكوپل (2003) رحمة (2016) كبور ولحبيب

حسن لفد، تولد فـ24 نونبر 1962 ف دار لبيضا، هو ممتيل مغريبي.

حياتو لفنية

ف عام 1999،  خدم حسن لفد لأول مرة مع قناة اللولة كايدير مقاطع كوميدية قصيرا ف بدية د شهر رمضان سميتو وجهي فوجهك لي لقا نجاح كبير، و هنا كتاشفو لجمهور لمغريبي لأول مرا و بان ف بزاف د لأعمال سينمائية وتلفزية و حتا ف لمسرح. ؤ ف عام 2013 بان حسن لفد بشخصية لكبور ف سلسلة لكوپل مع لفنانة دنيا بوطازوت لي كان كايدوي ف مواضيع بطريقة كوميديا شعبية. و ف عام 2014 بان ف لجزء الثاني لنفس السلسلة. و شخصية لكبور لي تشهر بيها بانت تاني ف سلسلة جديدا عام 2015 لي سميتها  كبور ولحبيب، و ف عام 2016 بان مع لممتيلة نرجس لحلاق ف سلسلة سلوى والزبير، وف عام 2017 بدا يبان بزاف ف لإشهارات د شركة إينوي.

شخصية كبور

بدات شخصية "كبّور" فالسلسلة الكوميدية "لكوبل" (يعني الزوجين) اللي دارها حسن الفد فموسمي 2013 و2014، ومن بعد كمل بها فـ"كبّور ولحبيب" اللي تْعرضات فـ2016 و2018. ومن بعد رجع بها فـ"التي را التي" (أنتِ هي أنتِ) فـ2022، واللي ما زال كيديرها حتى فهاد الموسم فـسلسلته الجديدة "مدام السميرس"، اللي اختار هاد العام يبثّها فـقناتو على يوتيوب وصفحاتو فمواقع التواصل الاجتماعي.

شنو كال على ل فكاهة

بصراحة ما كنعتبرش راسي ناقد فني، يمكن كندير ل فكاهة بطريقة ساهلة وعلى قدّ ل مستوى ديالي، ولكن ماشي متخصص لا فالنقد الفني لا فتوثيق العمل الإبداعي لا فالمغرب لا فالعالم العربي.

كنعيش المسار الفني ديالي ببساطة، وما عارفش بزاف شنو كيدور خارج المغرب، ولكن نقدر نقربك شوية من اللي واقع عندنا، حيث الحركة الكوميدية ولات ناشطة بزاف فهاد العشر سنين الأخيرة، بفضل الشباب المغربي اللي عندو شغف كبير بالفكاهة، واللي قدّم تجارب زوينة بزاف كتمتع المغاربة بأنواع مختلفة ديال الضحك والفكاهة، هاد الشباب بصح مبدعين ومتألقين.

نقدر نقول باللي وجود "مهرجان مراكش للضحك" مثلاً عطا دفعة زوينة للتجارب اللي درناها فالتلفزة المغربية، وكذا للأعمال اللي دارتها الفنانة حنان الفاضلي فمجال التقليد، وحتى الفنان سعيد الناصيري، اللي كل واحد فيهم خلّى بصمة فقلوب الشباب وخلق فيهم الشغف. ومن بعد بداو البرامج ديال المواهب.

السيتكومات والمسلسلات

• لكوبل (L’Couple) – سيتكوم دار بزاف ديال النجاح، تعرض فـ2013 و2014، وكيجمع بين حسن الفذ ودنيا بوطازوت فدور "الشعيبية"، وعاود بطريقة مضحكة على الحياة الزوجية المغربية.
• كبّور ولحبيب – سلسلة مصغّرة تعرضات فـ2016 و2018، وولات فيها شخصية "كبّور" من أكثر الشخصيات المحبوبة عند المغاربة.
• الفذ تيفي / الفد تي في (Hassan El Fad TV) – سلسلة من الحلقات الكوميدية القصيرة، كيلعب فيها حسن الفذ بزاف ديال الأدوار والشخصيات بطريقة ساخرة.
• الفذ تيفي 2 و3 – أجزاء جديدة من نفس الفكرة، كتناقش مواضيع اجتماعية وسياسية بطريقة مضحكة.
• طوندونس (Tendances) – مسلسل كوميدي كيهضر على الظواهر الجديدة فالمجتمع المغربي ومواقع التواصل.
• التي را التي (2022) – مسلسل رجع فيه حسن الفذ بشخصية "كبّور"، وكيحاول فيه يدمج بين الكوميديا والسخرية من الواقع الاجتماعي.

مصادر

هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها.