ثمود

لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.

صالح و الناقة

قوم ثمود هما قبيلة ؤلا تحالف قبايلي عربي تدكرو ف لقرأن، ؤ كانو ف لڭزيرة لعربية مابين لقرن 8 ق.م (فاش دكروهوم لأشوريين) و لقرن 5 ق.م فاش بانو ف سّجلات رّومانية.

التاريخ

كانو ثمود قبيلة ولا قبايل تتسكن فشبه الجزيرة العربية، وحسبوهم النسابون المسلمين القدام من العرب القدام، وتيسكنوا فالحجاز غرب المملكة العربية السعودية، وتتسمى مدائن صالح. أقدم الكتابات ليتكتاشفات على ثمود تترجع لنقش لسرجون الآشوري، تيرجع تاريخ ديالو للقرن ثامن قبل الميلاد، وقعات بينهوم وبين الآشورين معارك. وتذكرات سمية ثمود فمعبد إغريقي فشمال غرب الحجاز، تبنى فعام 169 م، وحتا فمؤلفات أرسطو وبطليموس و بلينيوس، وفكتوب بيزنطية من القرن الخامس، وحتا فنقوش أثرية من مدينة تيماء، وبزاف تاع القصايد اللي ستشهدو بعاد وثمود أمثلة تاع البأس والقوة والمنعة.

ف لمصادر لإسلامية

على حساب لمصادر لإسلامية كانو تينحتو الجبال باش يسكنو فيهم، و تيتاخدو سّهول ديالها قصورا ليهم، و تذكرات سمية ثمود فنصوص تاع لأشوريين فوحدا من معارك سرڭون التاني.

وقوم ثمود من لعرب البائدة، وهما قوم صيفط ليهم الله صالح نبي عليهم، تيدعيهم لعبادة الله ويخليو الأوثان وستاجبو ليه، وبزاف منهوم تحداوه وقتلو ناڭة ليصيفطها ليهوم الله وتسعود منهوم دارو فخ باش يقتلو صالح وعائلتو، فهللك الله اللي ظلموا منهم ونجى صالح والمؤمنين.

ثمود مدكورين ف بزاف لأيات لقرآنية، من بينها ف سورة فصلت:

	وَأَمَّا ثَمُودُ فَهَدَيْنَاهُمْ فَاسْتَحَبُّوا الْعَمَى عَلَى الْهُدَى فَأَخَذَتْهُمْ صَاعِقَةُ الْعَذَابِ الْهُونِ بِمَا كَانُوا يَكْسِبُونَ وَنَجَّيْنَا الَّذِينَ آمَنُوا وَكَانُوا يَتَّقُونَ
—سورة فصلت

النسب ديالهوم

تسمات ثمود من جدهوم ثمود بن غاثر بن إرم بن سام بن نوح. و تڭال ثمود بن عاد بن إرم، و تڭال ثمود بن عابر بن إرم بن سام و تڭال ثمود بن جابر بن سام بن نوح و هما من لعرب.