بوعبيد لبكري
بوعبيد لبكري
| ||
| معلومات عامة | ||
| زيادة | 1014 (ڭريڭوري) ولبة (خلافة قرطبة) | |
| لموت | 1094 (ڭريڭوري) (79/80 عام) قرطبة (لمرابطين) | |
| لجنسية | خلافة قرطبة طائفة قرطبة طائفة إشبيلية | |
| لحرفة | جغرافي، توارخي و بوطانيست | |
| لّوغات لي كيعرف | عربية | |
| معلومات خرى | ||
| دين | إسلام سني | |
| لأعمال | ||
بوعبيد عبد الله بن عبد لعزيز بن محمد بن إيوب بن عمرو لبكري (مزيود ف 1014، توفى ف 1094) كان ترايخي و جغرافي و عشاشبي كبير إلا ماكان منبين الجّغرايفيا اللوالا د بلاد لأندلوس.[1]
زمم كتوبا معروفين من بيناتهوم "كتاب المسالك و الممالك" اللي كايهضر فيه على الجغرافيا د بلاد لأندالوس و شمال إفريقيا و اللي فيه كايوصف الطرقان د لقوافل. لڭزو ديال كتاب لمسالك لي كايدوي فيه على لمغريب عنوانو "المُغرب في ذكر بلاد إفريقية و المَغرب".
بوعبيد لبكري كان كينتامي للقبيلة لعربية ديال بني بكر،[2] و تزاد ف فاميلة مرفحة حيت جدو و باه كانو ميورا على هويلبة "huelva" و شلطيش "Saltes" جوج مدون ف لغرب د شبه لجزيرة ليبيرية و كاينين على لمحيط لأطلسي. هاد لإمارة كانت تأسسات ف ف عام 1031 بعدما طاحت خلافة قرطبة.[3][4] باه تبزز عليه باش يرحل ل ݣورضبة من بعد ما لاحوه و حوزو عليه لميورا د شبيلا. مورا هادشي، بوعبيد قرا ف ݣورضُبة اللي كانت هاد لوقت هيا الصونطر د صيونص ف لغرب لإسلامي. تما فين تعلم الليطر[ماواضحش] و تامتاويت[ماواضحش] د لكلام، منبعد خدم سفير د لمير ديال ألميريا عند لعديان د باه ف شبيلا، ولايني عاود رجع ل بلادو اللي كبر فيها ݣورضبة، مورا ما لمرابطيا صفّاو لمير ديال شبيلا لمعتامد بن عباد، و من تما بدا كايبرك على لقراية و التألاف د لكتوبا واخا كان مبلي ب الطاسة و لقصارة.
توفى لبكري ف قرطبة و ما عمّرو ما زار لبلايص لي هضر عليهم ف كتوبو.[5]
بوعبيد لبكري هضر ف كتوبو على ؤروپا، و شمال إفريقيا، و حتى شبه الجزيرة لعربية. من بين جميع الأعمال ديالو، غير جوج بقاو دابا. واحد من هاد الجوج هو "معجم ما استعجم"، و فيه ليستة ديال السميات ديال لبلايص، أغلبهم ف شبه الجزيرة لعربية، و مسبوق بمقدمة فيها شوية على الجغرافيا ديال لمنطقة.
أما أشهر كتاب عندو فا هو "كتاب المسالك و الممالك"، و دارو عام 1068، ماشي بناءً على رحلاتو الشخصية، ولايني بالإعتماد على الكتوبا لي سبقوه و على الشهادات ديال التجار و الرحالة، بحال محمد بن يوسف الوراق (904–973) و براهيم بن يعقوب مول "كتاب لإستبصار".[5][6]
هاد لكتاب مهم بزاف ف لفهم ديال تاريخ إفريقيا لغربية، حيت كيقدم معطيات أساسية على إمبراطورية غانا، و على لمرابطين، و على تجارة لعبور الصحراوية.[6] و واخا لبكري نقل بزاف على الورّاق و على وقائع من لقرن 10، راه زاد معلومات على أحدات وقعات قريب للوقت لي كتب فيه لكتاب.[6]
لبكري ف كتابو "المسالك و الممالك" هضر على لمدون اللوالا اللي دخل ليها لإسلام ف شبكة التجارة عبر الصحرا. و ف أواخر لقرن 10، كانت ڭاو وحدة من مدون قلال على جناب واد النيجر اللي كانو فيها مسلمين ولاد لبلاد. من بعد، تبعوها مدون خرين على منحنيات واد النيجر، بحال:[7]
معا لبدية د لقرن 11، وصلو للأندلس ف جنوب شبه لڭزيرة لإيبيرية تقارير على هاد لمدون لإسلامية اللي كانت مزداهرة، و داكشي عطى للبكري لمادة باش يكتب. و من بين ما كتب: "مدينة غانة كتتكوّن من جوج ديال لمدون لي كاينين فوق سهل. وحدة منهم ساكنين فيها لمسلمين، و فيها 12 جامع، و كيجتمعو ف واحد منهم ل صلاة الجمعة. كاينين أئمة و مودنين خدامين ب لفلوس، و حتى فقها و عولاما."[7]
لخدمة ديال بوعبيد لبكري معروفة ب لحيادية النسبية ف الطريقة اللي كيقدم بها لمعلومات. يعني، ماشي بحال بزاف ديال الكتاب لي كانو كيبالغو ولا كيزوّقو، هو كان كيقيّد بكل هدوء شنو كاين. ف كل منطقة كيهضر عليها، كايعطي وصف دقيق على الناس لي ساكنين فيها، لعادات ديالهم، الجغرافيا، لمناخ و لمدون لكبيرة. نفس النوع ديال لمعلومات كاين حتى ف الجغرافيا لي كتب على شبه الجزيرة لعربية، و حتى ف واحد لعامال موسوعي كيهم لعالم كامل كان خدم عليه. و كان حتى كيزيد فهاد لأعمال ديالو قصص و حكايات على كل منطقة. ولايني، بعض لڭزوّات من خدمتو الرئيسية ضاعت، و حتى اللي بقا منها، كاينين ڭزوّات عمرهم ما تنشرو.[6]
- فوهة لبكري ف لقامار تسمّات عليه[8]
- ↑ Lévi-Provençal, E. (24 April 2012). "Abū ʿUbayd al-Bakrī".
- ↑ Hermes, N. (2012). The [European] Other in Medieval Arabic Literature and Culture: Ninth-Twelfth Century AD. Springer. "Judged as the greatest geographer of al-Andalus, polyvalent scholar Abu ʿUbayd ʿAbd Allah al-Bakri belonged to the powerful Arab tribe of Bakr ibn Wail"
- ↑ Lévi-Provençal 1960, p. 155
- ↑ "Al-Bakrī, Ab | Encyclopedia.com". www.encyclopedia.com. Retrieved 2022-07-11.
- 1 2 Vernet 1970
- 1 2 3 4 Levtzion & Hopkins 2000, pp. 62–63
- 1 2 "Saudi Aramco World : From Africa, in Ajami". Archived from the original on 2014-11-30. Retrieved 2011-09-23.
- ↑ "Al-Bakri". Gazetteer of Planetary Nomenclature. USGS Astrogeology Research Program.
