بارباريا

من ويكيپيديا
خاريطة د لقرن 17 كان صاوبها لجغرافي لهولاندي يان ياصونيوس كاتبيّن بارباريا

بارباريانّڭليزية Barbary) ؤلا سّاحل لبربرينّڭليزية Barbary Coast) هوّا موصطلح كانو كيخدّموه لؤروپيين، سيرتو لأنڭلوفونيين، مابين لّخر د لقرن 15 ؤ لّخر د لقرن 19، باش يشيرو ل لمناطق د شمال إفريقيا لي جات على سّاحل د لبحر شّامي، لي كان تابعة ل لإمبراطورية لعتمانية ب لإضافة ل لمملكة لمغريبية. لموصطلح مشتق من كلمت barbarus لّاتينية لي منها تشتقات Berbers لي كاتعني أمازيغ.[1]

ف لقرن 16 لحكّام ديال بارباريا تبّعو سياسة ديال لجهاد لبحري لي ب نّڭليزية تسمات Barbary piracy (لقرصنة لبربرية) كا مصدر د دّخل لقتيصادي، ؤ لي فيها كانو كيشدّو لباطوات لؤروپية ؤ كياخدو سّلعة ؤ رّكاب ؤ طّاقم لي فيها، لي كيولّيو عادتن عبيد ؤ ماكيطلقوهوم غير موقابيل فدية. هاد نّشاط د لقرصنة عندو ؤصول قديمة من فترة د قبل لميلاد، ولاكين مورما طاحت لقسطنيطنية ف يد لعتمانيين، ؤ تطردو لموريسكيين من سپانيا، تزاد هاد نّشاط بشكل كبير ؤ ولّا حرفة عند لقراصنة د بارباريا، سيرتو ف مدون بحال لجزائر ؤ سلا.[1]

لموصطلح ديال بارباريا خاصنا نميزوه على موصطلحات بحال ليبيا لقديمة، شمال إفريقيا، لمغريب لكبير ؤلا لمغريب لعربي، ؤ تامازغا، لي وخا كيشيرو ل نفس لمنطقة تقريبا، كانو ؤلا باقين مستعملين ف سياقات تاريخية ؤ جيوسياسية ؤ إيديولوجية مختالفة.

عيون لكلام[بدل | بدل لكود]

  1. ^ a b The Department of State bulletin. 1939. ص. 3.
Midori Extension.svg
هادي زريعة ديال مقالة خاصها تّوسع. تقدر تشارك ف لكتبة ديالها.