لمعهد لوطني د لإحصاء و لإقتصاد التطبيقي

لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.

مقالة ؤلا فقرة ناقصينها عيون لكلام. لمعلومات لّي ف هاد لمقالة ؤلا هاد لفقرة ناقصين ف توتيق، خاصّ يتزادو فيها عيون لكلام باش تكون موتوقة. شوف هنا كيفاش تزيد لعيون. ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط!

مقالة ؤلا فقرة تقدر تكون مامحايداش لحيادية د هاد لمقال مشكوك فيها. عافاك شوف الصفحة د لمداكرة يلا كانو نيقاشات عليها، و حاول تصلح لمقال باش يكون كيمتّل جميع وجهات النضر على لموضوع لي عندها وزن.

لمعهد لوطني د لإحصاء و لإقتصاد التطبيقي
معلومات أساسية
نوع د لمؤسسة	كلية جامعية، معهد د لأبحات و مدرسة تعليم عالٍ
لبلاد	لمغريب
تاريخ د تّأسيس	1961
سّيت رّسمي	insea.ac.ma

لمعهد لوطني د لإحصاء و لإقتصاد التطبيقي، اللي كيتسما تا إنصيا INSEA، هو مدراسة د لمهندسين كاينة ف مدينة العرفان ف الرباط. هو المعهد المغربي. العالي ل تكوين لمهندسين. تأسس ف عام 1961 باش يجي ف بلاصة مركز تشكيل المهندسين ف الأعمال الإحصائية ب ظهير ملكي عام 1967 ب لمساعدات ديال لمفوضية لإقتصادية د أفريقيا.

هاد لمعهد مهتم بالدراسة ديال لإحصاء و فيه 6 ديال الشوعاب، لي هوما لأكتوارية و الفينونس actuariat finance و علم الداطا data science و الهندسة ديال الصوفتوير و الداطا data and software engineering و لإحصاء و لإقتصاد لمطبّق statistique économie appliquée و الديموغرافيا و الداطا الكبيرة statistique démographique et big data و البحث العملياتي و المساعدة على لماخدة د القرار recherche opérationnelle et sciences de la décision. لمعهد كايعطي ديپلوم د مهندس دولة فهاد 6 ديال الشوعاب مورا تلت سنين ديال لقراية. وكاتبقا لإنصيا أحسن مدرسة ديال الداطا و الاكتوارية و البحث العملياتي ف المغرب، حيت عندها أساتذة واعرين و مواكبين التطورات ديال هاد الشوعاب.

شي لي كايتميز بيه هاد المعهد ف المغرب هو التخصص ديالو فالداطا و لأكتوارية و البحث العملياتي، وفهاد التخصصات كانلقاو شوية ديال الرياضيات خاصة التحليل و لإحتمالات و لإحصاء لي كاتعاون ف فهم هاد الشوعاب، داكشي علاش الطلبة ديال لعام لول كايبداو معاهم هاد الرياضيات من الزيرو و كاتكون مرخوفة على ديال لپريپا.

ف لعام اللول كيكون جذع مشترك، هاد 6 ديال الشوعاب كايقراو 60% ديال المواد كيف كيف، ولاكن العام التاني و التالت هوما عامين ديال التخصص 2ans de spécialité.

نقدرو نقولو بلي لإنصيا، هيّ المدرسة الوطنية المختصة ف لإحصاء يعني لقاعدة الرياضياتية ديال الداطا. كاينة شعبة الداطا صاينص data-science، و كاتطبق هاد التخصص و هاد لمعرفة ف لإقتصاد و التأمين و الفينونس بحال شعبة لأكتوارية finance-actuariat، ولا ف دراسة أحوال السكان و الساكنات لإحصائية و التنبؤ و توقع ختياراتهم بحال شعبة الديموغرافيا démographie et big data، ولا ف علم لماخدة د القرار بأحسن طريقة ممكنة بمراعاة لإكراهات optimisation، لي كاينة فجميع لمجالات بحال اللوجيستيك و لإقتصاد فشعبة sciences de la décision et recherche opérationnelle ولّا حتى فهندسة الصوفتوير و البرمجة لي كاين فشعبة data et software engineering وأخيرا كاينة شعبة كاتطبق نتائج الداطا على لإقتصاد فشعبة statistiques-économique.

كاتبان بيلا هاد 6 ديال الشوعاب بيناتهم بزاف ديال لحوايج مشتركين zone de chevauchement شي لي كايميز المتخرجين ديال المعهد، كاتكون عندهم معرفة بالتخصص ديالهم و وزاد معرفي مهم ف الشوعاب أخرى، هادشي كايعطيهم أسبقية و أفضلية ف سوق الشغل.

لأنشطة

بما أن هاد لمعهد مهتم بلانفورماتيك، كان أول معهد يدخل البيسي للمغرب وكان هادشي فعام 1974.

لانطيرنا

فإنصيا كاينة وحدة من أحسن لانطيرنات فالمغرب، حيت فيها شومبرات منفردة فالعام التاني و التالت chambre individuelle فيها ريسطو كايعطي كتر من 700 پلاطو فكل وجبة و فيها بلاصة ديال البيار و پلاي و بيڤات buvette و2 بلايص دلقراية 2salles d'études و مكتبة bibliothèque.

دلقراية salle d'étude.

پاراسكولير

فانصيا كاين كتر من 6 ديال النوادي clubs مهتمة ببزاف دلمجالات مختلفة، منها:

1. كاين كلوب سپورتيف club sportif هو لي كيقادّ دوريات د لكورة و التينيس و لڤولي و كايقادّ الجورني journée olympique لي كايتعتابر من أهم الأحداث ف العام.
2. كاين كلوب فوروم forum génie entreprise هو المسؤول على الجانب المهني ف تلت سنين ف لإنصيا و كايقادّ بزاف ديال لإنڤينتات les événements بشراكة مع أكبر الشركات لي كاتخدم فلمجالات لي كايقراوها ولاد المعهد و هاد لكلوب هو لي كاينظم الفوروم لي كايتدار كولا شهر 10.
3. كاين كلوب لإيدج innovation edge هو لي كايهتم بالمعلوميات و كاينظم مسابقات فالبرمجة hackatons..etc و كايدير بزاف د لقاءات و المحاضرات و الورشات التدريبية فهاد الجانب.
4. كلوب شاريتي insea charity هو كلوب ديال المساعدات الخيرية و جمع ديال التبرعات و كاينظمو قافلات باش يديو هاد المساعدات لناس لي ساكنين فالكلاس.
5. كلوب الفن insea art هو كلوب مهتم بالفن بحال الرسم و الكتابة و الغنا و الكوميديا، موالف ينظم سيمانة المثقفة semaine culturelle كولا عام.
6. كلوب ڭولدن مين golden mean هو كلوب مهتم بالدعوة لله و واقف على الجامع ديال المعهد و كايقادو بزاف دلفعاليات ديال الوعظ و لإرشاد.