التشرميل
 مقالة ناقصينها تصاور. هاد لمقالة ناقصينها تصاور، حاول تزيد تصاور ماعليهاش كوپيرايت ف/من كومنز. باش تعرف كيفاش تزيد تصويرة ف مقال، شوف صفحة لمعاونة. يلا بان ليك بلي هاد لمقال مامحتاجش ل تصاور، زيد التصنيف تصنيف:ستيتناء من طاݣ ناقصين تصاور ف لّخر معا التصنيفات و حيّد هاد لموضيل.ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط! |
التشرميل هي واحد ضاهْرة جتماعية نتاشرات ف لعقد جّاوج د لألفينات (جوايه ديك 2014) و صحابها كايتسماو مشرملين. هاد الضاهْرة دارت واحد لخلعة كبيرة بين لمغاربا حيتاش كاتهدد لامان ديالهوم. عدد كبير د لمدون لمغريبية تأترو ب هاد ضّاهرة، منهوم كازا، رّباط، طانجا، فاس، مراكش، ؤ لحسيمة.[1]
كلمة "تشرميل" جات من صّوص د شّرمولة لي كاتّستعمل ف طّياب لمغريبي.
لمشرملين كيكونو عادتن دراري ف لعمر د لمراهقة ؤلا شّباب، لي خارجين من لقراية ؤ ماعندهومش خدمة. علا حساب لبانكة دّولية نّص د شّباب ف لمغريب كانو ف هاد لوضعية ف 2015.[2] لمشرملين غالبا كايكونو جايين من فاميلات مكحطة و من دروبا شعبيين، كايلبسو شي سورفيطة (غالبا ماركا د لاكوسط) و شي سبرديلة إيرماكس و كايديرو شي حسانات ماشي عادية. زيد عليها بلي كايتمزكو لمزيكة ديال الراي و سيرتو ل"واي واي" اللي عندها شطحة خاصة بيها و اللي كاتميز هاد لماركة د ناس. ويلّا كان لمشرمل عندو شي شوية د لفلوس كايشري شي موطور ؤلا كايربي واحد لكلب و غالبا ماكايكون واحد لمالينوا و لا واحد لبيرجي، هادشي وزيد عليه كايبقاو يعمرو قدام لكوليجات ؤ الليسيات. التشرميل غالبا ماكايربطوه بلݣريساج و الضريب و التخدام دالتبويقة بحال لحشيش و لقرقوبي و ليكسطة و لمعجون. لهواية ديال هاد لمشرمل هيا يبقا يورّي ف لمواقع د تاجماعت سيوفا ؤ لغنايم اللي ربحها من الشفرة.
ف 7 أبريل 2014، لماليك محمد سّادس عطا لأوامر باش تنفد حملة بوليسية كبيرة ضد هاد ضّاهيرة، لي نتجات عليها بزاف د تّوقيفات.[1]
- ^ a b "SECOUÉES PAR LE ROI, LES FORCES DE L'ORDRE SE MOBILISENT" (ب لفرانساوية). 7 أبريل 2014. مأرشيڤي من لأصل ف 2021-08-27. تطّالع عليه ب تاريخ 2021-08-07.
- ^ "Morocco's Tcharmils 'consider jail home' [لمشرملين د لمغريب كيعتابرو لحبس بحال 'دارهوم']" (ب نڭليزية). 27 فبراير 2015. مأرشيڤي من لأصل ف 1 دجنبر 2020.
 هادي زريعة ديال مقالة خاصها تّوسع. تقدر تشارك ف لكتبة ديالها. |