إلانتريس
إلانتريس
| ||
 | ||
| معلومات عامة | ||
| عنوان أصلي | Elantris | |
| نوع د لكتاب | فانطازيا | |
| طبعات ؤ طرجمات | Elantris | |
| مؤلف | براندن سانديرسن | |
| لبلاد لأصلية | الولايات المتاحدة د ميريكان | |
| لّوغة لأصلية | نڭليزية | |
| تاريخ د نّشر | 21 أبريل 2005 | |
إلانتريس (ب نّݣليزية: Elantris) رواية د لفانطازيا ديال لكاتب لميريكاني براندن سانديرسن، نشراتها دار طور بوكس ف 21 أبريل 2005 ؤ كانت أول رواية ديال ساندرسن. هاد رّواية عرفات نجاح كبير ؤ تطرجمات ل 20 لوغة.[1] كيطراو لأحدات ديالها ف لكون لخيالي لي سميتو "كوزمير" ؤ لي طاريين فيه بزاف د رّوايات ديال ساندرسن، منهوم سّيرية د ميستبورن، ولاكين ف كوكب أخور سميتو "سيل" Sel.[2]
جوج قيصاص قصار كتبهوم ساندرسن ف نفس سّيرية هوما "لأمل د إلانتريس" و رّوح د لإمبراطور. هاد لّخرة ربحات جايزة هوݣو ل لقصة لقصيرة ف 2013.
ساندرسن ݣال بلي باقي معوّل يكتب جوج روايات ف نفس سّيرية، لي معوّل باش يخرّجهم ف 2029 و 2030.[3][4]
لقصة كاتطرا لأحدات ديالها ف واحد لبلاد سميتها Arelon "أريلون"، 10 سنين مورما أقوى مدينة فيها لي سميتها "إلانتريس" تعرّضات ل واحد لّعنة خلّات جميع نّاس ديالها يمرضو مرضة غريبة، بعدما كانو معروفين كا أقوى شعب ف جميع لبلدان. لأحدات ديالها كيتبعو لأمير و ولي لعهد ديال أريلون راودن Raoden لي واحد نّهار فاق ب نفس لمرضة، و خطيبتو سارين Sarene أميرة ديال مملكة طيود Teod، و صحابو لي كيحاولو ينقدو أريلون و طيود من جتياح ديال إمبراطورية فيوردن Fjorden.[1]
- 1 2 3 "Elantris". Archived from the original on 2023-06-15. Retrieved 2022-09-28.
- ↑ "What Are The Names Of The Cosmere Planets?". Archived from the original on 2022-10-01. Retrieved 2022-09-28.
- ↑ "Stormlight hiatus, Mistborn Era 3 and Elantris sequels: Brandon Sanderson outlines the next phase of the Cosmere". 2023-12-21. Retrieved 2025-06-26.
- ↑ "Another Long and Rambling Post on Future Books". 12 أكتوبر 2010. Archived from the original on 17 أكتوبر 2010.
- ↑ "Romantic Times Reviewers' Choice Award". Archived from the original on 2010-01-13. Retrieved 2022-09-28.
