ميستبورن
ميستبورن
| ||
| ||
| معلومات عامة | ||
| لعنوان لأصلي | Mistborn | |
| نوع أدابي | فنتازيا عليا و فانطازيا | |
| لكاتب | براندن سانديرسن | |
| لّوغة لأصلية | نڭليزية | |
| لعام د نّشر | 2006 | |
| لجوايز | ||
ميستبورن (ب نّݣليزية Mistborn، ب معنى مزيود من ضّباب) هيّا سيرية أدابية من نوع لفنطازيا لملحامية ؤ لخيال لعلمي ديال لكاتب لميريكاني براندن سانديرسن، ؤ نشراتها دار طور بوكس. هاد سّيرية خرجو فيها تال دابا سبعة د رّوايات ؤ جوج روايات قصيرة، ؤ باقين روايات مبلانية باش تخرج ف شّهورا ؤ لأعوام جّاية. سّيرية لّولة كانو فيها 3 د رّوايات هوما لإمبراطورية لّخرانية، لبير د لمعراج ؤ لبطل د لأزمان، لي من بعد تزادت عليها سيرية تانية من 4 د رّوايات كيطراو لأحدات ديالهوم ف نفس لعالم مور 300 عام.[1][2] كاينة سيرية تالتة من 3 د رّوايات ف نفس لعالم د ميستبورن لي مبلانية باش تخرج ف لأعوام جّايين.
براندن سانديرسن ݣال بلي لإلهام لّول باش يكتب هاد سّيرية، كان جاه ملي كان كيقرا رّوايات د هاري پوطر، ؤ بغا يكتب قصة لي، لعكس ديالها، كاتبدا مورما نتاصر فيها لحاكم شّرير ؤ قدر يقتل لبطل ؤ شنو غادي يطرا مورا داكشي. لفيكرة تّانية كانت من سّيرية د لأفلام ؤوشنز (لي منها فيلم ؤوشنز 11)، لي لبطل ديالها شفّار ؤ كيدير فيها سطو على بانكة، ؤ بغا ساندرسن باش يدمج هاد لفيكرة معا نّوع لأدابي د لفانطازيا لملحامية. أما لفيكرة ديال ضّباب فا كانت جاتو ملي كان كايصوݣ وسط ضّباب ف أيداهو، ؤ لي فكّراتو ف لمشهد ديال لكاطيدرالية لوطنية د واشينطون مضوية من لداخل.
كينقاسمو لكتوبا د مسيتبورن على حساب لفترة د زّمان لي كيطراو فيها، ل تلاتة د لفترات: لفترة لّولة، لفترة تّانية (300 عام مورا لّولة)، ؤ لفترة تّالتة (مورا تّانية ف وقت باقي مامحددش). تقدر تكون تا إيرا (فترة) رابعة مورا داكشي ولاكين تّايملاين ديالها باقي مامحددش.
| # | عنوان | صفحات | شاپيطرات | ؤديو | كلمات | تاريخ د نّشر | سيرية |
|---|---|---|---|---|---|---|---|
| 1 | ميستبورن:لإمبراطورية لخرانية | 541 | 38 | 24h 39m | 208.253[3] | 17 يوليوز 2006 | لفترة لّولة |
| 2 | ميستبورن:لبير د لمعراج | 590 | 59 | 28h 56m | 245.672[4] | 21 غشت 2007 | لفترة لّولة |
| 3 | ميستبورن:لبطل د لأزمان | 572 | 82 | 27h 25m | 235.114[5] | 14 أكتوبر 2008 | لفترة لّولة |
| 4 | ميستبورن:لأشابة د لقانون | 336 | 20 | 10h 48m | 97.000[6] | 8 نونبر 2011 | لفترة تّانية |
| 5 | ميستبورن:ضّلال د دّات | 384 | 26 | 12h 37m | 112.000[6] | 6 أكتوبر 2015[7] | لفترة تّانية |
| 6 | ميستبورن:لبانضات د لحداد | 448 | 31 | 14h 41m | 127.000[6] | 26 يناير 2016 | لفترة تّانية |
| 7 | ميستبورن:تاريخ سري | 151 | 25 | 5h 29m | 50.000 | 26 يناير 2016 | كتاب مرافق ل لفترة لّولة ؤ تّانية |
| 8 | ميستبورن:لمعدن لمفقود | 149.000[8] | 15 نونبر 2022 | لفترة تّانية | |||
| 9 | ميستبورن:لفترة تّالتة كتاب 1 | متوقع ف 2025[9] | قصة جات مورا لفترة لّولة ؤ تّانية | ||||
| 10 | ميستبورن:لفترة تّالتة كتاب 2 | 2026 | |||||
| 11 | ميستبورن:لفترة تّالتة كتاب 3 | 2027 | |||||
لمجموع:
|
3.022 | 281 | 124h 35m | 1.075.039 |
ف لأصل كان سانديرسن كيسمّي ميستبورن "تّلاتية د تّلاتيات"، حيت كان معوّل باش يكتبها على شكل تلاتة د تّلاتيات روائية. سّيرية لّولة كانت نيت تلاتية (فيها 3 د رّوايات)، ولاكين لكتاب د لأشابة د لقانون هرّس هاد لبلان حيت رّد سّيرية تّانية رباعية روائية، ؤ باقين جوج إيرات ؤلا فترات خرين غادي يطراو فيهوم جوج سيريات روائية باقين ف طور تّحضير، باش يكونو ف لمجموع 4 د سّيريات لفرعية ف سّيرية د ميستبورن.[10]
- ^ "تويتات نونبر 12–19". Brandonsanderson.com. 19 نونبر 2010. مأرشيڤي من لأصل ف 23 نونبر 2010. تطّالع عليه ب تاريخ 24 نونبر 2010.
- ^ سانديرسن، براندن (18 دجنبر 2015). "State of the Sanderson 2015". مأرشيڤي من لأصل ف 14 يناير 2016. تطّالع عليه ب تاريخ 20 يناير 2016.
The original pitch was for three trilogies. The Wax and Wayne books expanded this to four series. (You can imagine Wax and Wayne as series 1.5, if you want.) This means there will still be a contemporary trilogy, and a science fiction trilogy, in the future.
- ^ "The Final Empire Text Stats". أمازون. مأرشيڤي من لأصل ف 7 دجنبر 2016. تطّالع عليه ب تاريخ 7 دجنبر 2016.
- ^ "The Well of Ascension Book Details". AR BookFinder. تطّالع عليه ب تاريخ 7 دجنبر 2016.
- ^ "The Hero of Ages Book Details". AR BookFinder. تطّالع عليه ب تاريخ 7 دجنبر 2016.
- ^ a b c Ahlstrom، Peter (22 شتنبر 2015). "Alloy of Law is 97k. Shadows of Self is 112k. The Bands of Mourning is 127k". مأرشيڤي من لأصل ف 2022-06-22. تطّالع عليه ب تاريخ 2022-06-22.
- ^ "Mistborn Fans Will Get TWO New Novels Next Year!". Tor.com. Macmillan Publishers Ltd. مأرشيڤي من لأصل ف 19 دجنبر 2014. تطّالع عليه ب تاريخ 18 دجنبر 2014.
- ^ Sanderson، Brandon (5 غشت 2021). "[TLM] The Lost Metal Update #2". Reddit. مأرشيڤي من لأصل ف 2023-01-28. تطّالع عليه ب تاريخ 2022-06-22.
- ^ "r/Mistborn - [TLM] The Lost Metal Update #1". reddit (ب نڭليزية). مأرشيڤي من لأصل ف 2023-01-20. تطّالع عليه ب تاريخ 2021-04-29.
- ^ "Brandon Sanderson Explains His Planned Final Cosmere Timeline". 30 يونيو 2020. مأرشيڤي من لأصل ف 27 يوليوز 2022.