نضرية الروينة
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
نضرية الروينة (النݣليزية: Chaos Theory) هي واحد المجال متعدد الديسيپلينير د الدراسات العلمية ؤ شعبة ف لماط للي كاتهتم ب لپاطيرنات لمخبعين ؤ لقوانين لحتميين د السيسطيمات الدينامية للي حساسة بزاف ل الشروط د البدية، ؤ للي كانو ف واحد لوقيتة كايحسابوهوم على أنهم عندهم حالة عشوائية د لفوضى ؤ اللاتقاديد (irregularity).[1] النضرية د الروينة كاتڭول بلي ف وسط ديك العلاين-عشوائية للي ممكن تتخايل لينا ف السيسطيمات المرونة ؤ لمعقدة، مخبين پاطيرنات، ارتباطات، فيدباكات متواصلة، تعاويدات، تشابيه داتي، فراكطال، ؤ تنظيم داتي. مفعول لفراشة للي هو واحد المبدأ للي داخل تحت مفهوم الروينة، كا يشرح كيفاش تغيير صغير بزاف ف حالة من الحالات ديال شي سيسطيم لا-سطري ؤ حتمي ممكن يتسبب ف تبديلات كبيرة بزاف ف لحالات للي كا تجي من بعدو (ب معنى أنه كايكون حساس ؤ معوّل بزاف على الشروط د البدية).[2] واحد الميطافور لهاد السولوك هو أن الحركة د الجناح د فراشة ف لبرازيل ممكن تتسبب ف طورنادو ف طيكساس.[3][4][5]
تفنفينات صغيرة ف الشروط د البدية، بحال دوك للي كاتسبب فيهم لأخطاء د التقياس ؤلا وخدان لعبار ؤلا لأخطاء د مور الفاصيلة ف لحساب الرقمي، ممكن تنتج عليها نتائج متباعدة بزاف ب النسبة لهاد السيسطيمات الدينامية، الشي للي كايخلي التنبأ ب السولوكات متاعهم على لمدى لبعيد قضية علاين مستحيلة.[6] هادشي كايجرى واخّا هاد السيسطيمات حتمية، بمعنى أن التطور ديالهم ف المستقبل تايتبع طريق وحدانية ؤ للي ديطيرميني كليا ب الشروط د البدية ديالهم،[7] بلا حتى عوامل ديال لعشوائية داخلة ف لموضوع.[8] ب أسلوب أخور، الطبيعية لحتمية د هاد السيسطيمات ما كا تكفيهمش باش يكونو قابلين للتنبأ.[9][10] هاد السولوك معروف ب الروينة لحتمية ؤلا غا ب الروينة. هاد النضرية كان لخصها إدوارد لورينز ب:[11]
الروينة: فاش لحاضر كايتحكم ف لمستقبال، ولكن التقريب ديال لحاضر ما كاتديطيرمينيش ليك لمستقبل ب التّقريب
السولوكات لمرونة كاينة ف بزاف تاع السيسطيمات الطبيعية، بحال: الدليع د السايل (fluid flow)، اللاتقاديد د دقات لقلب، الطقس، المناخ.[12] كاتوقع عاوتاني ب عفوية ف سيسطيمات للي عندها مركبات صطيناعيين، بحال البورصة ؤ التسركيل د الطرقان. هاد السولوك ممكن يتدرس على طريق التحليل د موضيلات د لماط لمرونة، ؤلا لپلوط د لمعاودة (recurrence plot) ؤ التطبيق د پوان كاري. النضرية د الروينة عندها عرّام د التطبيقات ف ديسيپلينات مختالفين بحال لميطورولوجيا، لونطروپولوجيا،[13] الصوصيولوجيا، عولوم د البيئة، لانفورماتيك، لهندسة، لقتيصاد، ليكولوجي، ؤ المنادجمنت د الجايحات.[14][15] النضرية كانت الساس للي عليه تبناو ضومينات جداد بحال السيسطيمات الدينامية لمعقدة، لقنت د الروينة Edge of) Chaos)، ؤ لعمليات د التركاب الداتي.
- ^ "chaos theory - Definition & Facts". Encyclopedia Britannica (ب نڭليزية). مأرشيڤي من لأصل ف 2023-07-05. تطّالع عليه ب تاريخ 2019-11-24.
- ^ Weisstein، Eric W. "Chaos". mathworld.wolfram.com (ب نڭليزية). مأرشيڤي من لأصل ف 2023-05-13. تطّالع عليه ب تاريخ 2019-11-24.
- ^ Boeing، Geoff (26 مارس 2015). "Chaos Theory and the Logistic Map" (ب نڭليزية). مأرشيڤي من لأصل ف 2023-05-27. تطّالع عليه ب تاريخ 2020-05-17.
- ^ Lorenz، Edward (1993). The Essence of Chaos. University of Washington Press. pp. 181–206.
- ^ Shen، Bo-Wen؛ Pielke، Roger A.؛ Zeng، Xubin؛ Cui، Jialin؛ Faghih-Naini، Sara؛ Paxson، Wei؛ Atlas، Robert (2022-07-04). "Three Kinds of Butterfly Effects within Lorenz Models". Encyclopedia. 2 (3): 1250–1259. doi:10.3390/encyclopedia2030084. ISSN 2673-8392.
- ^ Kellert، Stephen H. (1993). In the Wake of Chaos: Unpredictable Order in Dynamical Systems. University of Chicago Press. ص. 32. ردمك 978-0-226-42976-2.
- ^ Bishop، Robert (2017)، "Chaos"، ف Zalta، Edward N. (إيديتور)، The Stanford Encyclopedia of Philosophy، Metaphysics Research Lab, Stanford University، مأرشيڤي من لأصل ف 2022-11-14، تطّالع عليه ب تاريخ 2019-11-24
- ^ Kellert 1993, p. 56
- ^ Kellert 1993, p. 62
- ^ Werndl, Charlotte (2009). "What are the New Implications of Chaos for Unpredictability?". The British Journal for the Philosophy of Science. 60 (1): 195–220. arXiv:1310.1576. doi:10.1093/bjps/axn053. Unknown parameter
|s2cid=ignored (معاونة) - ^ Danforth، Christopher M. (April 2013). "Chaos in an Atmosphere Hanging on a Wall". Mathematics of Planet Earth 2013. مأرشيڤي من لأصل ف 2023-04-01. تطّالع عليه ب تاريخ 12 يونيو 2018.
- ^ Ivancevic، Vladimir G.؛ Tijana T. Ivancevic (2008). Complex nonlinearity: chaos, phase transitions, topology change, and path integrals. Springer. ردمك 978-3-540-79356-4.
- ^ Mosko M.S., Damon F.H. (Eds.) (2005). On the order of chaos. Social anthropology and the science of chaos. Oxford: Berghahn Books.CS1 maint: extra text: authors list (link)
- ^ Piotrowski، Chris. "Covid-19 Pandemic and Chaos Theory: Applications based on a Bibliometric Analysis". researchgate.net. تطّالع عليه ب تاريخ 2020-05-13.
- ^ Weinberger، David (2019). Everyday Chaos - Technology, Complexity, and How We're Thriving in a New World of Possibility. Harvard Business Review Press. ردمك 9781633693968. مأرشيڤي من لأصل ف 2022-11-14. تطّالع عليه ب تاريخ 2022-11-14.