مصطفى سوينݣا
مصطفى سوينݣا
| ||
_(cropped).jpg)
| ||
| معلومات عامة | ||
| زيادة | 1986 (37/38 عام) إيمينتانوت | |
| لجنسية | لمغريب | |
| لحرفة | يوتوبر، لاعب سيرك و بيزنيسمان | |
| لّوغات لي كيعرف | عربية و لوغات أمازيغية | |
| لجوايز |
| |
    
| ||
مصطفى لفكاك (إمينتانوت - 1986[1])، و اللي معروف ب سميت مصطفى سوينݣا، هو يوتوبر مغريبي، معروف بلبرنامج اللي كيدير ب دّارجة، و اللي سميتو "أجي تفهم". ف 2014، ربح سوينݣا لجائزة د الشخصية د لعام ف النسخة السابعة د لمسابقة د ماروك ويب أواردس ف لفئة ديال لإبداع.[2]
تولد مصطفى سوينݣا ف إيمينتانوت ف 1986، ولكن ملًي كان صغير رحلو دارهم للدار لبيضا وتمًا فين كبر تا خدا لباك و موراها الشهادة د تقني متخصص فلمعلوميات. خدم مصطفى عام و نص ولكن من بعد خرج من لخدمة حيت ماعجبوش لحال يبقا خدًام غي موظف و ماعندو تا أحلام.[3]
مشا مصطفى ل سلا وتمًا قرا السيرك تلت سنين، و تخرًج فنان د السيرك مؤدي، ومخرج مسرحي متخصص ف السيرك. بدا سوينݣا ف ليوتوب مع عبد الله أبو جاد، قبل ما يولًي تيخدم لراسو و دار لبرنامج ديال أجي تفهم و تا الشركة ديالو. الاصل ديال لّقب ديالو "سوينݣا" هي حركة بهلوانية كاتدار فالسيرك عندها نفس سّمية.[مصدر؟]
ف نونبر 2022، خرّج سيرية جديدة ديال "أجي تفهم" على تّاريخ د لمغريب معا توارخي نبيل مولين.[4]
- ^ "مصطفى سوينغا - من السيرك إلى تشكيل الرأي العام المغربي - إيديطو 24 (2019)". مأرشيڤي من لأصل ف 2021-02-07. تطّالع عليه ب تاريخ 2020-08-19.
- ^ "الرابحين ف ماروك ويب أواردس د 2014 (ب لفرانساوية)". مأرشيڤي من لأصل ف 2021-10-17. تطّالع عليه ب تاريخ 2020-08-19.
- ^ "قصة مصطفى الفكاك المعروف ب "سوينكا" صاحب قناة أجي تفهم - موتيڤيني". مأرشيڤي من لأصل ف 2022-07-05. تطّالع عليه ب تاريخ 2020-08-19.
- ^ "Swinga lance une nouvelle web série dédiée à l'histoire du Maroc" (ب لفرانساوية). لو ماطان. 2022-11-07. مأرشيڤي من لأصل ف 2023-08-01. تطّالع عليه ب تاريخ 2022-11-07.
|
تقدر تزيد شوف بزاف د تّصاور و لمعلومات ديال Mustapha Swinga ف ويكيميديا كومنز. |
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |