إيمينتانوت

إيمينتانوت
إيمنتانوت (ar) ⵉⵎⵉ ⵏ ⵜⴰⵏⵓⵜ (tzm)
لبلاصة
لبلاد	لمغريب
لإقليم	إقليم شيشاوة
لإدارة
لعمدة	عبد الاله عمارة
السكان
شحال دالسكان	25,049 (2024)
شحال دلفاميلات	6,367 (2024)
لجغرافيا
لعلو	877 م
معلومات خرين
الرمز لجغرافي	6546617

إيمينتانوت مدينة مغريبية و جماعة ترابية حضرية كاينة ف إقليم شيشاوة، جهة مراكش آسفي، ساكنين فيها 25.049 واحد، على حسب لإحصاء لعام 2024.

تعليم

• نسبة لأمية (نّاس لّي ما كايعرفوش يقراو ولا يكتبو): 30,1%.
• نسبة سّكان لّي قاريين فوق ليسي (ليسي و جامعة): 15,3%.

قتيصاد

• نسبة نّاس نّشيطين (لّي يقدرو يخدمو): 42,8%.
• نسبة لبطالة (نّاس لّي ما خدامينش و تايقلبو على خدمة): 14,6%.
• نسبة نّاس لي خدامين ف دّولة (ولا لبيطاليين لي سبق ليهوم خدمو): 18,7%.
• نسبة نّاس لي خدامين ف لپريڤي (ولا لبيطاليين اللي سبق ليهوم خدمو): 34,7%.

نبذة عن لمدينة

إمنتانوت أو إيمي ن تانوت (بتشلحيت: ⵉⵎⵉ ⵏ ⵜⴰⵏⵓⵜ) هي مدينة مغريبية كاينة فـ جبال لأطلس لكبير، على علو 1050 متر، تابعة لـ إقليم شيشاوة، فجهة مراكش آسفي. كتواجد على لمحور طّرقي بين مراكش وأگادير عبر طّريق سيّار A3. وكتبلغ لمساحة ديالها حوالي 30 كيلومتر مربع، وكان عدد سكّان ديالها 20,837 نسمة سنة 2014، بكثافة سكّانية كتقارب 568 نسمة ف لكيلومتر لمربع، وبهذا كتعتبر أكبر مدينة ف لإقليم. وكتحدّها لجبال من شّمال ولجنوب، بحيث تّضاريس لجبلية كتشكل حوالي 80٪ من لمجال لجهوي.

تسمية

اسم إمنتانوت أو إيمي ن تانوت اسم أمازيغي، وب ضبط من تشلحيت، ويمكن كيعني حرفياً فم لبير صغير أو حدا لبير صغير. ولمقصود ب لبير صغير هنا منبع ديال لما فيه جهد ديال لما مهم. وهاد نّوع ديال تّسميات معروف بزاف عند شلوح، وكاينين بلايص خرين بنفس لبنية لغوية بحال إيمي ن دونيت وإيمي ن واداي وإيمي ن تيلي.

لجغرافيا

كتوجد إمنتانوت ف نّواحي ديال لجزء لغربي من لأطلس لكبير، بين لجنوب وشّمال، وك يحيط بها سّهول من لجهات لأخرى. وكيدوز منها واد كينبع من جبال، ولكن جهد ديالو كيكون ضعيف بزاف، وكيقدر ينشف ف فصل صّيف.

لمناخ

بحكم لموقع لجغرافي ديالها، كتعرف إمنتانوت مناخ جبلي جاف، شتا فيه بارد، وصّيف سخون. أما تّساقطات لمطرية فمتوسطة وكتختلف من عام لعام.

ديموغرافيا

سّاكنة ديال إمنتانوت أغلبها من فئة شّباب، وعدد سكان كيزيد بسرعة. ونتيجة لهاد نمو، لمدينة كتعرف توسع عمراني مهم، وهاد شّي باين ف لبني ديال تجهيزات جديدة وفتح أوراش ومشاريع ف نّواحي ديال لمدينة.

لبنيات التحتية

كتبعد إمنتانوت بحوالي 44 كلم على مدينة شيشاوة، و110 كلم على مدينة مراكش، و125 كلم على مدينةأگادير. وفيها عدة مرافق وتجهيزات، منها مدارس وإعداديات وتانوية، وقاعة رياضية، ومركز إداري، ومحكمة ابتدائية، ومفوضية لشرطة، ومركز لدرك لملكي، ومكاتب لكهرباء ولماء، ولبريد، وشركات تأمين، وعدة وكالات بنكية، وزيد عليهم فنادق متعددة.

تقافة

أغلب سكان من أصول شلوح، ولّغة لأم ديالهم هي تشلحيت. وكتعتبر إمنتانوت تاني أهم مدينة فـ إقليم شيشاوة، حيث كتقوم بدور مركز إداري واقتصادي مهم ب نسبة لدواوير ولمناطق لمجاورة. ومن تّظاهرات ثّقافية لمعروفة ف لمدينة: موسم سيدي علي، كيتنظم فشهر أكتوبر وكيدوم تقريباً أسبوع. مهرجان إمنتانوت، كيتقام ف صّيف وكيستقطب فنانين مغاربة، خصوصاً لمغنين لأمازيغيين لمحليين ولوطنيين. لمدينة معروفة كذلك برقصة أحواش إمنتانوت، وهي من لفنون لأمازيغية تّقليدية. ف فترة عيد لأضحى، بعض لأحياء كينظمو كرنفال بيلماون لمعروف أيضاً ب اسم بوجلود.

شخصيات معروفة

جاك بيرك عالم اجتماع ومفكر فرنسي، خدم فإمنتانوت ما بين 1947 و1953 بصفة مراقب مدني و ياسين بنجلى؛ مغني راب فرنسي مغريبي تزاد ف لمدينة سنة 1985.

مصادر

هادي زريعة ديال مقالة خاصها تّوسع. تقدر تشارك ف لكتبة ديالها.

ويكيميديا كومنز عندا تصاور و معلومات على إيمينتانوت.