أنضورا
أنضورا
| ||||
|
Andorra (ca)
| ||||
| نشيد | إل ڭران كارلماني
| |||
| لعاصيمة | أنضورا لقديمة | |||
| الساكينة | ||||
| شحال دالسكان | 85,101 (2023) | |||
| السمية ديال السكان | أنضوري، أنضورية، أنضوريين, أنضوريات | |||
| اللوغات الرسمية | لكاطالانية | |||
| لجغرافيا | ||||
| لميساحة | 468 كم² | |||
| لقمة لعالية | كوما پيدروسا (2,942 م) | |||
| لبلاصة الطايحة | ڭران ڤاليرا (840 م) | |||
| تاريخ | ||||
| أعياد | راس لعام (1 يناير) نهار الدستور (14 مارس) نهار ميريتشيل (8 شتنبر) عيد لميلاد (25 دجنبر) | |||
| لإدارة | ||||
| نضام الدولة | إمارة مقاسمة و برلمانية | |||
| لأمير لفرانساوي لأمير د لكنيسة |
خوان إنريك ڤيڤيس إمانويل ماكخون | |||
| لوزير اللّول د أندورا | شابيير إسپوت سامورا | |||
| لبرلمان | لمجلس لعام د أنضورا | |||
| لقتيصاد | ||||
| الناتج الداخلي لكامل | 3,325,145,407 $ (2021) | |||
| مؤشر التنمية لبشرية | 0.858 (2021) | |||
| لفلوس | أورو | |||
| معلومات خرة | ||||
| توقيت ديال لبلاد | التوقيت د وسط أوروپا أوروپا/أنضورا | |||
| رمز لبلاد | AD | |||
| رمز لانترنيت | .ad | |||
| رمز التيليفون | +376 | |||
| نماري د ليرجونس | 112، 110، 116 و 118 | |||
| جيهة د صوڭان | ليمن | |||
| السيت الرسمي | govern.ad | |||
أنضورا، ولا رسميا إمارة أنضورا (بلكاطالانية: Principat d'Andorra)، هي بلاد ماعندهاش بحر و ميكروبلاد جات ف جبال لپيريني ف لجنوب لغربي د أوروپا مابين فرانسا و صبانيا اللي حادينها بجوج. عايش فيها تقريبان فيها 80 ألف واحد و لعاصمة ديالها هي أنضورا لقديمة. كايحكمها مقيم عام صبليوني و رئيس ديال فرانسا، و لحوكومة هي ديموقراطية برلمانية.[1]
أنضورا هي دولة لاباس عليها بسباب سياحة أساسا؛ كايزورها سنويا 10.2 مليون سائح.
أنضورا ماداخلاش فلإتحاد لأوروبي، و واخا هاكاك كاتخدم لأورو.[2]
لوغة رسمية هي لكاطالانية و فنفس لوقت كاتستعمل صبليونية، لفرانساوية، و لبرتغالية.
رياضة[بدل | بدل لكود]
أنضورا معروفة برياضات ديال شتوة، عندها أراضي كبيرة ديال هبطات د سكي ف جبال لپيريني (3100 هكتار و350 كلم ديال لهبطات) و جوج ديال محطات د سكي، ݣراندڤاليرا هو أكبر واحد منهم و لي مشهور كتر. رياضات خرين كيتعلبو ف أنضورا بحال لكورة، ريݣبي، لباسكيط، ولهوكي بجراير.
بنسبة لهوكي بجراير، أنضورا موالفة تلعب فلبوطولة د ؤروپا و كاس لعالم. فـ2011، نضمات أنضورا لفاينال أيت د بوطولة د ؤروپا د لفراقي.
ف كورة لبلاد ممتلة ب لمونتاخاب د أنضورا د كورة. لفرقة ربحات أول ماتش رسمي ديالها ف 13 أكتوبر 2004 ضد مقدونيا فتصفيات د كاس لعالام، و أول ماتش ربحاتو ف تصفيات د كاس ؤروپا كان ف 11 أكتوبر 2019 ضد مولدوڤا.[3] لكورة ف أنضورا مكلفة بيها لجاميعة لأنضورية د كورة لي تأسسات ف 1994، لي كاتنضم لمسابقات د كورة (پريميرا ديڤيزيون، كاس دوستور، و سوپيركوپا) و لفوتصال. أنضورا دخلات ليويفا و ل فيفا ف نفس لعام، ف 1996. إف سي أنضورا، لي كاين ف أنضورا لقديمة و تأسس ف 1942، كيلعب ف شومپيونات د صبانيا.
ريݣبي هي رياضة شعبية ف أنضورا، حيت مأترة بزاف بشعبية ديالها ف لجنوب د فرانصا. لمونتاخاب د أنضورا د ريݣبي، لي مسميين عليه إلس إزاردس، كيشارك ف نيڤو دولي ف ريݣبي د سبعة و ريݣبي د خمسطاس.[4] ڤي پي سي أنضورا 15، لي هي فرقة د ريݣبي ف أنضورا لقديمة، كاتلعب ف لبوطولة د فرانصا.
شعبية ديال لباسكيط طلعات ف أنضورا ف تسعينات، ملي فرقة من أنضورا بي سي أنضورا طلعات لقيسم لول د صبانيا.[5] مور 18 لعام لفرقة عاود رجعات لنفس نيڤو ف 2014.[6]
رياضات خرين كيتلعبو ف أنضورا، بحال پيكالات، لڤولي، جودو، لكورة د ؤسطراليا، لهوند، لعومان، جيمناستيك، تينيس، و لماطر. ف 2012، أنضورا قادات أول فرقة ديالها د لكريكيت ولعبات ماتش ف بلادها ضد فرقة من هولاندا، لي هو أول ماتش ملعوب ف تاريخ أنضورا ف علو ديال 1300 ميترو.[7]
أنضورا شاركات لمرة لولا ف لعاب لؤلمپية ف 1976، من داك لعام ولبلاد ديما مشارك ف لعاب لؤلمپية د شتوة. أنضورا كاتشارك حتا ف لعاب ديال لبلدان صغار د ؤروپا، لي نضماتهم جوج د لمرات ف 1991 و 2005.
-
لعابة من أنضورا ف لفتيتاح د لعاب لؤلمپية د شتوة 2010 -
لور سوليي، بياطليط ؤلمپية -
لورون ريكوديرك ف رولان ݣاروس 2010 -
بوطولة لعالام د بيݣالات د جبال 2015 ف ڤالنور -
ڤولطا ألس پورتس د أنضورا، طواف د پيكالات ديال لبلاد -
إسطادي كومونال د أنضورا لا ڤيلا
عيون لكلام[بدل | بدل لكود]
- ^ "cia.gov". مأرشيڤي من لأصل ف 2020-12-21. تطّالع عليه ب تاريخ 2019-09-24.
- ^ "estadistica.ad".
- ^ "Andorra end 21 year wait for Euro win". BBC (ب نڭليزية). 2019-10-11. مأرشيڤي من لأصل ف 16 أكتوبر 2022.
- ^ "USA and Andorra improve rating in rankings". irb.com (ب نڭليزية). 2014-03-31. مأرشيڤي من لأصل ف 22 ماي 2014.
- ^ Pablo M. Otero (2012-11-14). "El BC Andorra quiere volver a la Liga más bella". Marca (ب صبليونية). مأرشيڤي من لأصل ف 29 يوليوز 2023.
- ^ "El River Andorra regresa a la ACB 18 años después". El Mundo (ب صبليونية). 2014-03-22. مأرشيڤي من لأصل ف 29 يوليوز 2023.
- ^ "Netherlands Based FFOP CC Beats Andorra National Team". Cricket World (ب نڭليزية). 2012-09-03. مأرشيڤي من لأصل ف 29 يوليوز 2023.
|
تقدر تزيد شوف بزاف د تّصاور و لمعلومات ديال Andorra ف ويكيميديا كومنز. |