مقدونيا الشمالية

سمع (فيشي)
من ويكيپيديا
مقدونيا الشمالية

Република Северна Македонија (mk)

نشيد النشيد لوطني د شمال مقدونيا

[[فيشي:|100px]]

لعاصيمة سكوپيا
الساكينة
شحال دالسكان 1,836,713 (2021)
السمية ديال السكان مقدوني، مقدونية، مقدونيين, مقدونيات
اللوغات الرسمية لمقدونية
لألبانية
متوسط ديال لعمر 75.703 (2016)
لجغرافيا
لميساحة 25,713 كم²
لقمة لعالية جبل كوراب (2,764 م)
لبلاصة الطايحة ڤاردار (50 م)
لإدارة
نضام الدولة جمهورية برلمانية
رئيس مقدونيا الشمالية ستيفو بنداروفسكي
رئيس وزراء جمهورية مقدونيا ديميتار كوفاتشيفسكي
لبرلمان لمجلس د شمال مقدونيا
لقتيصاد
الناتج الداخلي لكامل 13,825,049,832 $ (2021)
مؤشر التنمية لبشرية 0.77 (2021)
لفلوس دينار مقدوني
معلومات خرة
توقيت ديال لبلاد ڭرينيتش + 1
رمز لبلاد MK
رمز لانترنيت ‎.mk‎
رمز التيليفون +389
نماري د ليرجونس 112، 192، 193 و 194
جيهة د صوڭان ليمن
السيت الرسمي vlada.mk



مقدونيا الشمالية، ولاّ شمال مقدونيا،و لاّ مقدونيا (سمية قديمة تبلادت ف 2018) ،رسميا لجمهورية د مقدونيا الشمالية (بلمقدونية: Република Северна Македонија - بلألبانية: Republika e Maqedonisë së Veriut) هي بلاد ماكاطلش على لبحر جات ف لجنوب الشرقي د أوروپا، و بالضبط ف الشبه لجزيرة د لبلقان. تاتحدّها كوسوڤو من الشمال لغربي، صربيا من الشمال، بلغاريا من الشرق، ليونان من لجنوب، و ألبانيا من لغرب.

مقدونيا الشمالية عندها تاريخ قديم، و جايبة سميتها من لمنطقة د مقدونيا، اللي فيها طرف كاين ف ليونان، و كان مخلي لبلدان بجوج مدابزين على السمية. بحال دابا لإسكندر لمقدوني تولد ف لمنطقة اللي هي دابا محسوبة على ليونان، ولكن كانت هي و مقدونيا الشمالية ف بلاد وحدا كانت سميتها لمملكة د مقدونيا (ف لقرن 4 قبل لميلاد). مقدونيا الشمالية دازو عليها بزاف د لحضارات بحال لفارسيين و الرومان و السلاڤيين. قبل لعصور لوسطانية تدابزو لبلغاريين و لبيزانطيين و الصربيين على لمنطقة، ولكن ف لقرن 14 دخّلاتها الدولة لعتمانية لأراضي ديالها، و بقات فيها تال 1912. من مورا لحرب لعالمية التانية، دخلات مع يوݣوسلاڤيا، و تسمّات لجمهورية ليوݣوسلاڤية د مقدونيا. ف 1991، من مورا ما تفككات يوݣوسلاڤيا، ستاقلات لبلاد و سمّات راسها لجمهورية د مقدونيا، و لكن ليونان حتجّات عليها و كانت لأمم لمتحدة كاتخدّم السمية د "لجمهورية ليوݣوسلاڤية د مقدونيا اللي فاتت". تحلاّت لمشكلة ف 2018 ملّي بدلات لبلاد رسميا سميتها للجمهورية د مقدونيا الشمالية، و هي السمية اللي عندها تال دابا.[1]

تيسكنو ف مقدونيا الشمالية شويا كتر من 2 د لمليون د الناس، و لعاصمة ديالها هي سكوپيا. اللغات الرسمية د لبلاد هوما لمقدونية و لألبانية، و عاد كاين لغات جهوية معتارفا بيها الدولة، هوما: التركية و الصربية و لبوصنية و الروماني. لفلوس اللي كاتخدّم ف لبلاد هي الدينار لمقدوني. مقدونيا الشمالية داخلة مع بزاف د لمنضمات الدولية بحال لأمم لمتحدة و لبنك الدولي و منضمة التجارة لعالمية و لمجلس ديال أوروپا (من 2005) و الناطو (من 2020). من 2005 و هي مرشحة باش تدخل للإتحاد لأوروپي.

عيون لكلام[بدل | بدل لكود]

  1. ^ "مقدونيا تغير اسمها رسميا وتنضم لحلف شمال الأطلسي - يورونيوز بلعربية (2019)". مأرشيڤي من لأصل ف 2022-10-24. تطّالع عليه ب تاريخ 2021-05-05.
Wikimedia Commons تقدر تزيد شوف بزاف د تّصاور و لمعلومات ديال North Macedonia ف ويكيميديا كومنز.