إمانويل ماكخون
.jpg)
إمانويل ماكخون (ب لفرانسوية: Emmanuel Macron) تزاد ف أميان ف 21 دجنبر 1977[1]، هو سياسي ؤ مصرفي ديال ستيتمار فرانساوي. هو تامن رائيس د لجمهورية لفرانسوية لخامسة. خدا لمنصب ديالو نهار 7 ماي 2017. تيتعتابر أصغر رئيس داز على التاريخ د فرانسا.
بدا ماكخون لمسيرة السياسية ديالو ف 2006 ملي دخل ل لحيزب ليشتيراكي لفرانساوي، و ف 2012 تعيًن نائب د لأمين لعام د الرئاسة د لجمهورية لفرانساوية عند فرونسوا هولاند، و من موراها وزير د ليقتيصاد والصناعة وليقتيصاد الرقمي، وبقا ف ديك لمنصب تال 2016. فديك لعام النًيت غادي يأسس لحزب ديالو "إلى لأمام" ويترشح معاه ل نتيخابات د 2017 اللي غادي يكون فيها ضد مارين لوپين وغايربحها مورا ماجاب 66% د لأصوات ويولًي الرئيس د فرانسا ف 14 ماي 2017.
ف 24 أبريل 2022، عاود تّنتاخب ماكرون رئيس د فرانسا ل مدة 5 سنين، ب نسبة ديال 58,6% موقابيل 41,4% ل مارين لوپين رّئيسة ديال حيزب تّجمع لوطني لفرانساوي.[2]
حياتو[بدل | بدل لكود]
ماكخون متزوج ب بريجيط طرونيو (ب لفرانسوية: Brigitte Trogneux) لي كبيرة عليه ب 24 عام تقريبا، وهاد لمرا كانت لموعلّيمة ديالو ف مدرسة "لا پروڤيدونس" ليسي ف أميان، تلاقاو بجوج بيهم فاش كان كيقرا عندها ماكخون ملي كانت عندو 15 لعام، وتصحابو فاش ولا عندو 18 لعام.
لواليدين ديالو ف لول حاولو يبعدوهوم على بعضياتهم وصيفطوه لباريز باش يكمل لعام لخر ديالو ف لقراية حيت شافو هاد لعلاقة ماشي تا لتما، ولكن ماكخون و بريجيت بقاو على علاقة حتى تخرج، وتزوجو ف 2007. ودابا كيعيشو بجوج بيهم مع ولاد من راجلها لي قبل.
شوف تا[بدل | بدل لكود]
عيون لكلام[بدل | بدل لكود]
- ^ "ماكرون - أصغر رئيس في تاريخ فرنسا - الجزيرة (2017)". مأرشيڤي من لأصل ف 2022-05-22. تطّالع عليه ب تاريخ 2020-08-01.
- ^ "Macron bleibt Präsident" (ب لالمانية). 25 أبريل 2022. مأرشيڤي من لأصل ف 2023-06-08. تطّالع عليه ب تاريخ 2022-04-25.
|
تقدر تزيد شوف بزاف د تّصاور و لمعلومات ديال Emmanuel Macron ف ويكيميديا كومنز. |
 هادي زريعة ديال مقالة خاصها تّوسع. تقدر تشارك ف لكتبة ديالها. |