لمنتخب لوطني الجزايري د لكورة
لمنتخب لوطني الجزايري د لكورة
| ||
| معلومات عامة | ||
| بلاد | جزاير | |
| لقب د لمنتخب | The Greens، Les Fennecs، Les Verts، The Foxes، Fennec Foxes، Desert Warriors و Desert Foxes | |
| سپور | كورة | |
| كلاص د التنافس | كورة د الرجال | |
| تابع ل | لإتحادية الجزايرية د كورة | |
| كوض د فيفا | ALG | |
| ترتيب د فيفا | 15 | |
| لموقع الرسمي | http://www.faf.dz/category/equipe-nationale-a/ | |
| معلومات إضافية | ||
| مشاركات | كاس لعالم د 1982، كاس لعالم د 1986، كاس لعالم د 2014، كاس لعالم د 2010 و كأس العرب 2021 | |
| مودريب | فلاديمير بيتكوفيتش | |
| كاپيتان | رياض محرز | |
| ممول | أديداس | |
لمنتخب لوطني الجزايري د لكورة (ب لعربية: منتخب الْجَزَائِر لِكُرَّةُ الْقَدَم) هوّ لفرقة لي كاتمتّل الدزاير بشكل رسمي ف لبوطولات لعالمية د لكورة د رّجال، ؤ هوّا عضو ف لفيفا، ؤ لكاف.
لمنتخب ديال الدزاير كيتلقّب ب "لخوضر"، "لأفناك"، "التعالب"، و "لمحاربين د الصحرا". نضمات الدزاير ل فيفا ف 1 يناير 1964، عام و نص مورما خدات لإستقلال من عند فرانسا. لمنتخب ديال الدزاير دابا هوّ لي عندو اللقب ديال لكاس لعربية اللخرة.
لخصوم التقليديين ديال لمنتحب د الدزاير هوما لمغريب، مصر، و تونس. لمنتخب كايلعب ماتشات تنافسية كبيرة ضد فراقي خرين بحال نيجيريا، سيرتو ف التمانينات، لي عاش فيها وحدة من أحسن لفترات ديالو، ضد مالي لي كاتشارك معاها الدزاير ف لحدود، و ضد السينيڭال.
أول نتيصار كبير ديال لمنتخب د الدزاير كان ضد ألمانيا لغربية ف كاس لعالم 1982 ب 2 ل 1، لي كان شوك كبير ل بزاف د الناس ف لعالم. لمنتخب ديال الدزاير كان قريب يطلع ل الدور التاني، ولايني حيت لماتشات الجوج اللخّرين ديال لڭروپ ماكانوش كيتلعبو ف نفس لوقت ديك الساع، اللّعابا ديال ألمانيا لغربية و لوطريش تّافقو بيناتهم باش تربح اللولة ب 1 ل 0، و بقاو غير كيضوّرو كورة بيناتهم، باش يتأهّلو بجوج و تّقصى الدزاير. فيفا من بعد بدّلات لقانون ديال توقيت اللعب ف لماتشات د لڭروپات، باش مايعاودش يطرا هادشي.[1]
الدزاير نتجات عدد ديال اللعابا لي كيتّعتابرو من بين لأفضل ف التاريخ د كورة ف إفريقيا. ف كاس لعالم 2014 ف لبريزيل، ولّات الدزاير أول منتخب إفريقي كيماركي 4 د لبيوتا ف ماتش واحد ديال كاس لعالم، و كان هادشي ضد كوريا الجنوبية.
- ^ Smyth، Rob (25 فبراير 2014). "No3: West Germany 1–0 Austria in 1982". The Guardian. تطّالع عليه ب تاريخ 23 يونيو 2014.
 هادي زريعة ديال مقالة خاصها تّوسع. تقدر تشارك ف لكتبة ديالها. |