لمنتخب لوطني النيجيري د لكورة

لمنتخب لوطني النيجيري د لكورة
معلومات عامة
بلاد	نيجيريا
سپور	كورة
كلاص د التنافس	كورة د الرجال
تابع ل	اتحاد نيجيريا لكرة القدم
كوض د فيفا	NGA
ترتيب د فيفا	5
لموقع الرسمي	https://www.thenff.com
معلومات إضافية
مشاركات	كاس لعالم د 2002، كاس لعالم د 2014، كأس العالم 1998، كأس العالم 1994 و كاس لعالم د 2010
مودريب	جوزيه بيزيرو
كاپيتان	جون أوبي ميكل

لمنتخب لوطني النيجيري د لكورة هوّ لفرقة لي كاتمتّل نيجيريا بشكل رسمي ف لبوطولات لعالمية د لكورة د رّجال، ؤ هوّا عضو ف لفيفا، ؤ لكاف.

هاد لفرقة كاتسيّرها الجامعة د كورة د نيجيريا NFF، و عندها ف رصيدها تلاتة د لكيسان د إفريقيا، اللخراني فيهوم دّاتو ف 2013. ف أبريل 1994، تكلاصات لخامسة ف لكلاصمة د لفيفا، لي كان أعلى كلاصمة وصل ليه منتخب من إفريقيا. لمنتخب د نيجيريا تأهل ل كاس لعالم 6 د لمرات من بين 8 د النوساخ اللخرين (ماطلعش ف 2006 و 2022)، و وصل ل الدور التاني 3 د لمرات.

تاريخ

لعبات لفرقة د نيجيريا من التلاتينات د لقرن 20 بشكل ماشي رسمي، ضد مستعمرات خرين تابعين ل بريطانيا. أول ماتش رسمي ديال هاد لمنتخب كان ف أكتوبر 1949، ف لوقت لي كانت باقة لبلاد مستعمرة.

لمنتخب لعب لمرة اللولة ف كاس إفريقيا ف 1963، و جا ف ڭروپ معا السودان و الجمهورية لعربية لمتحدة، و ماطلعش ل الدور التاني. أول رباح ليه كان ب لميدالية د الدهب ف لألعاب لإفريقية 1973، و موراها جا التالت ف جوج نوساخ ديال كاس إفريقيا د 1976 و 1978. قدرو يدّيو كاس إفريقيا 1980 لمرة اللولة ف تاريخهوم ملي تلعبات ف لاڭوص، نيجيريا، ب لعّابا بحال سيڭون ؤديڭبامي ، بيست ؤڭيديڭبي و لكاپيتان كريستيان تشوكوو.

لمنتخب د الرجال قدر يدّي لميدالية د الدهب ف لألعاب لؤلامپية 1996، بعدما ربح ضد لميكسيك، لبريزيل و لارجونتين، و ف لألعاب لؤلامپية 2008 عاودو لعبو لماتش د لفينال ضد لارجونتين، ولاكين خسرو هاد لمرة.

عيون لكلام

هادي زريعة ديال مقالة خاصها تّوسع. تقدر تشارك ف لكتبة ديالها.