پلاج مانسمان
پلاج مانسمان
| ||
| پلاج فمدينة المحمدية | ||
 | ||
| الدولة | ||
| المغرب | ||
| العمالة | المحمدية | |
| الجماعة | المحمدية | |
| الخط دالطول | 7.369247 | |
| دائرة دالعرض | 33.709923 | |
| لبحر | لمحيط الأطلسي | |
| لمساحة | 11,5 كم2- جزيرة مانسمان: 7 كلم² | |
| الطور | 1583 م | |
| لعرض | 155 م | |
| لإرفتاع | 3 م | |
| النوع | ||
| پلاج ديال الرملة و ديال لحجر | ||
پلاج مانسمان (ب لفرانساوية: Plage Mannesmann) كاين ف مدينة لمحمدية ف لمغريب، تايستقبل عدد كبير ديال الزوار فالصيف، لي تايميزو هو بلي راه تايجمع بين پلاج ديال الرملة و پلاج ديال الصخر في نفس الوقت، و فيه جزيرة كاتبان فلوقت ديال لماريا، و هو بلاصة معروفة عند الصيادين ف القصبة، تايمارسو فيه هاد لهواية.[1]
الأصل ديال التسمية ديال هاد لپلاج كاترجع لإسم عائلة ألمانية ستوطنات هاد لبلاصة، متكونة من 6 ديال لخوت، سكنو فالمغريب قبل من لحماية الفرانساوية على المغريب، فالوقت لي كان فيه التنافس الإمپريالي على المغريب. لخوت مانسمان خدمو على مشروع مصنع ديال لمَّاس ف مدينة لمحمدية (فضالة قبل)، و كانو معطيين ليهم بزاف ديال لإمتيازات خلاتهم يملكو بزاف دالأراضي ديال لفلاحة على الشط ديال المحمدية، ب الخصوص على الشط ديال پلاج مانسمان[2]، ولايني الإتفاق لي كان بين فرانسا و ألمانيا، دفع عائلة مانسمان تتخلى على هاد المنطقة ل عائلة هيرسنت لفرانساوية.[3]
هاد لپلاج كاين فالجماعة د لمحمدية، العمالة د لمحمدية، فالجهة ديال دار البيضا السطات، بين لپلاج ديال ميرامار، و لپلاج ديال مونيكا. بعد الماريا، كاتبان حدا لپلاج جزيرة من الحجر سميتها جزيرة مانسمان، فيها لأكواخ ديال الصيادين.[4]
هاد لپلاج تايزوروه الناس بزاف فالصيف، من المحمدية و كازا، ب لخصوص لعائلات، حيت لعومان فيه مناسب للدراري الصغار. كاينين فلپلاج البياعة لي تايدورو، و لي تايكريو لباراسولات والكراسي والطبالي و البوݣيات والخيل للزوار، كيف ما معروف هاد لپلاج بالناس لي تايصيدو بالقصبة.[5]
للپلاج ديال مانسمان مافيهش كورنيش، دايرين بيه غير الكابانويات و شي قهاوي، لكن في الأعوام اللخرة، تبناو إقامات سياحية دالسكنة قريب من لپلاج، هاد لپلاج تايخوي فيه قادوس كبير خاص بالماء ديال الشتاء.[6][7]
الانتقادات لي كاتوجه لهاد لپلاج قليلة مقارنة مع ليپلاج لأخرين ديال المحمدية، حيت الما ديالو تايبان صافي، لكن القادوس ديال الما دالشتا لي دارو فيه، خلى المدافعين على البيئة فالمدينة يطرحو بزاف ديال الأسئلة عليه و على الإقامات دالسكنة لي قريبة ليه.[8][9]
- ↑ HAITAMI, PDG : Mohammed. "شاطئ مانسمان.. فضاء يغري بالاصطياف في مدينة الزهور". الصحراء المغربية. Archived from the original on 21 أبريل 2022. Retrieved 2022-04-21.
- ↑ "محطات ومشاهد وذكريات .. أيام وروائح المدينة اللغز "فضالة"". 2021-04-22. Archived from the original on 2022-04-21. Retrieved 2022-04-21.
- ↑ "Retour sur «Mannesmann»…". Archived from the original on 2021-06-22. Retrieved 2022-04-21.
- ↑ "نبذة تاريخية على التوسع العمراني لمدينة المحمدية خلال المائة سنة الأخيرة/ الجزء 2". حرة بريس HorraPress. 2021-01-02. Archived from the original on 2022-04-22. Retrieved 2022-04-21.
- ↑ ": مانسمان.. شاطئ واحد بطقوس متعددة". web.archive.org. 2022-04-21. Archived from the original on 21 أبريل 2022. Retrieved 2022-08-08.
- ↑ "المحمدية : بسباب البناء فوق رمال شاطئ مانسمان الساكنة تنظم وقفة إحتجاجية – جريدة السفير 24 Assafir". web.archive.org. 2022-04-21. Archived from the original on 21 أبريل 2022. Retrieved 2022-08-08.
- ↑ لديب, محمد (2019-07-14). "تشييد مساكن على شواطئ المحمدية يثير الاستياء". هيسپريس (ب العربية). Archived from the original on 2022-04-21. Retrieved 2022-08-08.
- ↑ شبل, عبد الإله (2017-05-18). "الشرطة البيئية تحقق في تلوث الشاطئ بالمحمدية". هيسپريس (ب العربية). Archived from the original on 2022-04-22. Retrieved 2022-08-08.
- ↑ شبل, عبد الإله (2018-02-11). "مواد سامة سوداء تلوث شاطئ المحمدية .. والوافي تعد بفتح تحقيق". هيسپريس (ب العربية). Archived from the original on 2022-04-22. Retrieved 2022-08-08.
