يوو ݣي يوو! دويلات لوحوش
يوو ݣي يوو! دويلات لوحوش
| ||
| ||
| النوع | أنيمي و مانڭا ديال أكشن، أنمي ومانغا خيال، أنيمي و مانڭا ديال لمغامرات و كوميديا دراما أنمي ومانغا | |
| لإخراج | Kunihisa Sugishima | |
| لموسيقى | شينكيتشي ميتسوموني | |
| لبلاد | الجاپون | |
| اللوغة | جاپونية | |
| لينتاج | ||
| الشركة د لينتاج | ستوديو غالوب | |
| التوزيع | نتفليكس، كرانشي رول و هولو | |
| لبت ولعرض | ||
| لبدية | 18 أبريل 2000 | |
| النيهاية | 29 شتنبر 2004 | |
| شحال د لحلقات | 224 | |
| شحال د لمواسيم | 5 | |
| لقنوات اللي داز منها | تلفزيون طوكيو | |
 
| ||
يو ݣي يوو! معروف ف الجاپون ب سمية (جاپونية: 遊☆戯☆王デュエルモンスターズ، يووݣييوو ديوويرو مونسطآزو، يوو ݣي يوو دُوِيلات لوحوش) هي سيرية آنيمي تلفازي جاپونية تحركات من ستوديو ݣالوپ،[1] و مبازية على لمانݣا يوو ݣي يوو! د كازوكي طاكاهاشي. هي لآضاپطتسيو د لآنيمي التانية على لمانݣا بعد السيرية د لآنيمي التلفازية د عام 1998 لي نتجها ستوديو طوويي آنيميشون. لآنيمي كايضور على لولد الشاب د الليسي يووݣي مووطو لي كايتباطا ضد لمنونافسين ديالو ف لعبة د لكارطا على دويلات لوحوش. السيرية كاتبدا من الشاپيطر 60 ف الطانكووبون السابع قبل مايآضاپطيو غير ب لفن الشاپيطرات لباقيين د لمانݣا لأصلية ب تبدال شي حوايج ف لقصة لي كاتعاكس معا لحدات لكانون لي ف لمانݣا.
يوو ݣي يوو! توسعات باش تولي فرانشايز. دويلات لوحوش غادي تبعها يوو ݣي يوو! جي إكس، يوو ݣي يوو! 5دييز، يوو ݣي يوو! زيكسال، يوو ݣي يوو! آرك ڤي، يوو ݣي يوو! ڤيراينز، يوو ݣي يوو! سيڤينس، و يوو ݣي يوو! ݣو راش!!. تلاتة د لأفلام مبازيين على السيرية تطلقو: هرم الضو (2004)، رابيطة مور الزمان (2010)، و الجيهة لمضلمة د لأبعاد (2016).
هادي 3000 عام، كانت النقطة د التحوول د واحد لفاميلة لحاكمة ف مصر لقديمة، الروح د لفرعون تختمات ف واحد لآتار قديمة سميتها لپوزل د لالفية، بعد ما عتق لمملكة من لجيش د لعدو. دابا، ف الزمان لحاضر، لپوزل د لالفية لقاها واحد لولد صغير، يووݣي مووطو، لي فك الروح د لپوزل و تسكن ب الروح د لفرعون لقديم، لي خسر ݣاع السوڤونيرات من حياتو لقديمة. كا عربون د الشكير ل الروح لي عتقاتو من لحݣارا و عطاتو صحاب جداد، يووݣي قرر يعاون ديك الروح و يلقى شي طريق باش يرجع ليه السوڤونيرات لي تمحاو و يسيفطو ل مور الدنيا.
- يووݣي مووطو ب صوت شونسكي كازاما
- يووݣي لمضلم/ لفرعون آطيم ب صوت شونسكي كازاما
- كاتسويا جوونووتشي ب صوت هيروكي طاكاهاشي
- سيطو كايبا ب صوت كينجيروو تسودا
- آنزو ماصاكي ب صوت ماكي صايطوو
- هيروطو هونضا ب صوت طاكايوكي كونضو (الصوت 1)، هيديهيرو كيكتشي (الصوت 2)
- ^ "Yu-Gi-Oh! (TV 2/2000)". تطّالع عليه ب تاريخ 2025-01-11.