واساخ:حمد بوطالب

من ويكيپيديا
هادا واساخ ديال مقالة تراجعات.
لمقالة كاينة دابا ف لمجال سّمياتي رّئيسي هنا. يلا بغيتي تزيد تّعرف على سّياسة د لواساخ، شوف لحكام د لواساخ.

.

حمد بوطالب


حمد بوطالب (مزيود ف 29 غشت 1961 ف بني سيدل) سياسي ؤ موطرجيم ؤ صحافي مغريبي هولاندي، كاينتامي ل حيزب د لعمال لهولاندي. و هوّا رئيس لبلدية د روطردام من 5 يناير 2009.[1]

حياتو[بدل لكود]

بوطالب تزاد ف عائلة ريفية ف إقليم ناضور، و بّاه كان إمام. ف 1976 هاجر معا مّو و خوتو ل هولاندا، ملي كان ف عمرو 15 عام. من صغرو كان مختالف على دّراري لي فعمرو، ؤ كانت عندو رغبة كبيرة باش يقرا و يتعلم.[2]

بوطالب قرا جيني إليكتريك ب تخصص ف طّيليكوم، ؤ شد ليصونس ديالو من لمدرسة التقنية د هوخيري. تحوّل موراها ل صّحافة، و خدم مراسل ف ڤيرونيكا تيڤي، راديو NOS، و قناة RTL د هولاندا. خدم تا ف دّيپارطومو د لعلاقات لعمومية ف لوزارة د صّحة د هولاندا.

ف 2002، دفع ل أول منصب سياسي ديالو معا حيزب سميتو "ليستة د پيم فورتوين"، ولاكين ماخداش لمنصب حيت طرا ليه خلاف معا سّياسات د لحيزب. عام موراها نضم ل حيزب لعمال لهولاندي.

لكاريير السياسية[بدل لكود]

ف يناير 2004، خدا بلاصت روب أودكيرك لي كانو تابعينو فضايح، ف لمنصب ديال عضو ف لمجلس لبلدي ديال روطردام. ف 2006، ملي لحيزب ديالو دخل ل لإئتلاف لحوكومي، بوطالب شد منصب ديال سيكريتير د الدولة ف وزارة شّؤون جّتيماعية و لخدمة، وخا لقيادة د لحيزب كانت واعدات بلي غادي يشد منصب أعلى من داكشي. ف تّعيين ديالو، تلقّا نتيقادات من سّياسي ليميني خيرت ڤيلدرز حيت عندو جوج جنسيات (مغريبية و هولاندية)، شّي لي ب نّسبة ل ڤيلدرز كيعني بلي ماعندوش ولاء كامل ل هولاندا.[1]

ف 31 أكتوبر 2008، خدا تعيين كا عمدة د روطردام، ؤ بدا بشكل رسمي ف 5 يناير 2009. حمد بوطالب هوّا أول هولاندي من أصول زماڭرية و مسلمة كيشد منصب ديال عمدة ديال مدينة كبيرة.

ف 2021، كان بوطالب من بين لي ربحو لجايزة ديال أحسن عمدة، لي كاتعطيها لمؤسسة د لعمدات د لمدينة لعالمية.

أعمال[بدل لكود]

بوطالب كيعجبو شّيعر لعربي، و طرجم متلاً لقصايد ديال أدونيس ل لهولاندية. ف يونيو 2010، عرض بعض لأعمال ديالو لمطرجمة ف مهرجان شّيعر لعالمي ف روطردام.[3] ف 2013 كان عضو ف لّجنة تّحكيمية ديال نفس لمهرجان.[4]

كتوبا[بدل لكود]

  • ساهم معا كتّاب خرين ف Islam & Europe: Crises are Challenges [لإسلام و ؤروپا: لأزمات راهوم تحديات]. 2010. doi:10.2307/j.ctt9qf1dm.4.
  • Droom & daad [حلمة و فعلة] (ب لهولاندية). 2015. OCLC 925390769. ردمك 9789059653245.
  • De roep van de stad [التعييطة د لمدينة] (ب لهولاندية). 2015. OCLC 921140930. ردمك 9789035252875.

عيون لكلام[بدل لكود]

  1. ^ a b "Mayor and Muslim in the Netherlands, a Question of Loyalty?".
  2. ^ كوترز، ستيفي (15 نونبر 2008). "Ahmed Aboutaleb". de Volkskrant (ب لهولاندية).
  3. ^ "Writers Unlimited, Ahmed Aboutaleb" (ب نڭليزية).
  4. ^ "Ahmed Aboutaleb juryvoorzitter". 5 يوليوز 2013.
هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها.