حمد بوطالب
حمد بوطالب
| ||
 | ||
| معلومات عامة | ||
| زيادة | 29 غشت 1961 (64 عام) بنی سیدل | |
| لجنسية | مملكة هولاندا لمغريب | |
| لحرفة | صحافي، سياسي، طرجمان، كاتب د عمود و عمدة | |
| لّوغات لي كيعرف | لهولاندية و عربية | |
| لفاميلة | ||
| لولاد | ياسمينة أبوطالب | |
| معلومات خرى | ||
| دين | إسلام | |
| لحيزب | حزب العمل الهولندي | |
| لجوايز |
| |
   | ||
حمد بوطالب (مزيود ف 29 غشت 1961 ف بني سيدل) سياسي ؤ موطرجيم ؤ صحافي مغريبي هولاندي، كاينتامي ل حيزب د لعمال لهولاندي. و هوّا رئيس لبلدية د روطردام من 5 يناير 2009.[1]
بوطالب تزاد ف عائلة ريفية ف إقليم ناضور، و بّاه كان إمام. ف 1976 هاجر معا مّو و خوتو ل هولاندا، ملي كان ف عمرو 15 عام. من صغرو كان مختالف على دّراري لي فعمرو، ؤ كانت عندو رغبة كبيرة باش يقرا و يتعلم.[2]
بوطالب قرا جيني إليكتريك ب تخصص ف طّيليكوم، ؤ شد ليصونس ديالو من لمدرسة التقنية د هوخيري. تحوّل موراها ل صّحافة، و خدم مراسل ف ڤيرونيكا تيڤي، راديو NOS، و قناة RTL د هولاندا. خدم تا ف دّيپارطومو د لعلاقات لعمومية ف لوزارة د صّحة د هولاندا.
ف 2002، دفع ل أول منصب سياسي ديالو معا حيزب سميتو "ليستة د پيم فورتوين"، ولاكين ماخداش لمنصب حيت طرا ليه خلاف معا سّياسات د لحيزب. عام موراها نضم ل حيزب لعمال لهولاندي.
ف يناير 2004، خدا بلاصت روب أودكيرك لي كانو تابعينو فضايح، ف لمنصب ديال عضو ف لمجلس لبلدي ديال روطردام. ف 2006، ملي لحيزب ديالو دخل ل لإئتلاف لحوكومي، بوطالب شد منصب ديال سيكريتير د الدولة ف وزارة شّؤون جّتيماعية و لخدمة، وخا لقيادة د لحيزب كانت واعدات بلي غادي يشد منصب أعلى من داكشي. ف تّعيين ديالو، تلقّا نتيقادات من سّياسي ليميني خيرت ڤيلدرز حيت عندو جوج جنسيات (مغريبية و هولاندية)، شّي لي ب نّسبة ل ڤيلدرز كيعني بلي ماعندوش ولاء كامل ل هولاندا.[1]
ف 31 أكتوبر 2008، خدا تعيين كا عمدة د روطردام، ؤ بدا بشكل رسمي ف 5 يناير 2009. حمد بوطالب هوّا أول هولاندي من أصول زماڭرية و مسلمة كيشد منصب ديال عمدة ديال مدينة كبيرة.
ف 2021، كان بوطالب من بين لي ربحو لجايزة ديال أحسن عمدة، لي كاتعطيها لمؤسسة د لعمدات د لمدينة لعالمية.
بوطالب كيعجبو شّيعر لعربي، و طرجم متلاً لقصايد ديال أدونيس ل لهولاندية. ف يونيو 2010، عرض بعض لأعمال ديالو لمطرجمة ف مهرجان شّيعر لعالمي ف روطردام.[3] ف 2013 كان عضو ف لّجنة تّحكيمية ديال نفس لمهرجان.[4]
- ساهم معا كتّاب خرين ف Islam & Europe: Crises are Challenges [لإسلام و ؤروپا: لأزمات راهوم تحديات]. 2010. doi:10.2307/j.ctt9qf1dm.4.
- Droom & daad [حلمة و فعلة] (ب الهولندية). 2015. ISBN 9789059653245. OCLC 925390769.
- De roep van de stad [التعييطة د لمدينة] (ب الهولندية). 2015. ISBN 9789035252875. OCLC 921140930.
- 1 2 "Mayor and Muslim in the Netherlands, a Question of Loyalty?". Archived from the original on 2022-11-06. Retrieved 2022-11-06.
- ↑ كوترز, ستيفي (15 نونبر 2008). "Ahmed Aboutaleb". de Volkskrant (ب الهولندية). Archived from the original on 17 أكتوبر 2017.
- ↑ "Writers Unlimited, Ahmed Aboutaleb" (ب الإنجليزية). Archived from the original on 2023-02-06. Retrieved 2022-11-06.
- ↑ "Ahmed Aboutaleb juryvoorzitter". 5 يوليوز 2013. Archived from the original on 2022-11-06. Retrieved 2022-11-06.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |