واد ماسة
واد ماسّة واد مغريبي طّول ديالو 120 كلم. لمنبع ديالو ف لأطلس صّغير ف لمنطقة د سيدي رّباط و كايصب ف لمحيط لأطلسي ف ماسّة. الحوض ديالو كاين فـالجنوب ديال المنطقة جهة سوس ماسة، اللي كاتكون من منطقة سوس فالشمال وواد ماسا فالجنوب.
ف لمصب ديالو كاين لپارك لوطني د سوس ماسة.[1]
على بعد 50 كم ف جنوب أݣادير، حدا دوار سيدي رݣبات، شتوكة-آيت باها، جهة سوس ماسة. الواد كيتلاح فلمحيط لأطلاسي.
المصب ديال الواد، اللي كيتأثر ب حركة المد و الجزر، كيبقى فيه الما طول العام. هاد الما اللي فيه الملحة كيوفر بيئة مزدهرة لسلسلة غذائية غنية ب بزاف ديال النواع الحيوانية، فين الطيور و الثدييات كيتواجدو بزاف. المصب، اللي من زمان منظم ك حتياطي طبيعي، كيعتابر محطة توقف للمهاجرة و مطرح للشتا ل بزاف ديال الطيور اللي كيدوزو بين أوروپا و إفريقيا عبر جبل طارق. الطيور الخواضة هما أول المستفدين، منهم شي وحدين، ف طور الإنقراض، اللي ما كيبقاوش يبانو غير ف المغرب. [مصدر؟]
الطريق للوصول للمحمية ساهلة من الطريق الوطنية نمرة 1. علاين ستين كلم ف الجنوب ديال أݣادير، خاص لواحد يدور على ليمن ف الرون پوان اللي كاتدي ل سيدي رباط و هو دوار سياحي. و يدوز للدوار و يدور عاود لليمين ف الرون پوان. الطريق غادي تولي پيسط رملية كاتوصل حتى الباب ديال المحمية و الپاركينݣ. واد ماسا راه طرف من المنتزه الوطني ديال سوس ماسا. [مصدر؟]
واد ماسة فيه تيار قوي بزاف حنت العرض ديالو ما بين 15 مترو و يقدر يوصل حتال 40 مترو. هاد الواد كاينين على جنابو مزروعات طبيعية كاتصعب على لواحد باش يقرب ليه و كتخلي الصيد على الرجلين علاين مستحيل. هاد الواد كيشكل من ڭلتات كتختلف ف نوعية لحوت لي فيهم، لما ديالو صافي كيوري جمال الرمال وسط لمجموعات ديال النبتة لي سميتها ميريوفيس (Myriophylles). كاينين جوج د النواع ديال الحوت ف لواد: لبوري و الباس لكحل (black bass).[2]
باراج يوسف بن تاشفين كاين ف لأطلس الصغير, هاد الباراج عندو علو ديال 85 م و طول ديال 707 م وتم ستغلالو ف المياه ف 1972. راه ساد واحد الفرع ديال واد ماسة و كيدير ضاية صطناعية طولها علاين 7 كلم و ب سعة صالحة ديال 304 مليون ديال M3 على مساحة حوض ديال 3800 هكتار. الهدف هو إنشاء مساحة ديال 18,000 هكتار ف سهل الشتوكة مخصصة ب الأساس ل زراعة الخضراوات و الفواكه الحامضة. [مصدر؟]
سهول الشتوكة كتشكل التكملة ديال سهل سوس, محدودة ب واد ماسة، و خاضعة ل نظام ديال تساقطات د الشتا قاسي ب متوسط ديال 100 ملم ف العام. ما كاين حتى واد ف هاد السهل و المصادر الوحيدة ديال الما محدودة ف الفرشة المائية (الطاقة المقدرة ديالها هي 110 مليون ميترو مكعب). [مصدر؟]
 |
ويكيميديا كومنز عندا تصاور و معلومات على واد ماسة. |
- ↑ "Parc National de Souss-Massa and Aglou" (ب نڭليزية). مأرشيڤي من لأصل ف 2007-10-15. تطّالع عليه ب تاريخ 2025-01-05.
- ↑ abouabdallah.e-monsite.com[ليان مهرس ديما] — ليان د لأرشيف: ليان
| قل من 3.000 كم | |
|---|---|
| قل من 1.000 كم | |
| قل من 500 كم | |
| قل من 300 كم | |
| قل من 100 كم | |
| طول مامعروفش | |
