لأشابة د لقانون
لأشابة د لقانون
| ||
| معلومات عامة | ||
| عنوان أصلي | Mistborn: The Alloy of Law | |
| نوع د لكتاب | فانطازيا | |
| طبعات ؤ طرجمات | Mistborn: The Alloy of Law | |
| مؤلف | براندن سانديرسن | |
| لبلاد لأصلية | الولايات المتاحدة د ميريكان | |
| لّوغة لأصلية | نڭليزية | |
| تاريخ د نّشر | 8 نونبر 2011 | |
لأشابة د لقانون (ب نّݣليزية The Alloy of Law) رواية ديال سّتيمپانك ؤ لفنطازيا ديال لكاتب لميريكاني براندن ساندرسون خرجات ف 8 نونبر 2011. هاد رّواية هيّا رّابعة ف سّيرية د ميستبورن، ؤ لّولة ف سّيرية لفرعية د "واكس ؤ ويين" Wax and Wayne series لي كاتطرا ف لإيرا تّانية، 300 عام مورا لأحدات ديال لكتاب تّالت.
هاد رّواية مسبوقة ب لبطل د لأزمان (2008) ؤ متبوعة ب ضلال د دّات (2015). لأشابة د لقانون هيّا أول رواية ف هاد سّيرية لي كيبان فيها لمفهوم د "تّوينبورن" Twinborn، لي هوما سحّارا كيجمعو مابين جوج نواع د سّحور، لألومانسيا ؤ لفيروكيميا.
- واكسيليوم لادريان Waxillium Ladrian: من أحفاد أحفاد بريز لي كان من شّخصيات د سّيرية لّولة د ميستبورن. راجل د لقانون ؤ موخبير لي عندو 20 عام د لخبرة ف تتبع ؤ لقبض على لمجرمين. صحابو كيعيّطو ليه واكس.
- ويين Wayne: موساعيد ديال واكس.
- ماراسي كولمز Marasi Colms: بنت كانت كاتقرا لقانون ف لجامعة ف لبدية د سّيرية، ؤ كانت معجبة ب واكس ؤ لموغامرات ديالو لي قرات عليهوم.
- ستيريس هارمز Steris Harms: خطيبة ديال واكس.
- مايلز داݣوتر Miles Dagouter: راجل د لقانون سابق لي كان هوّا ؤ واكس تعاونو ف شي وقت.
- ليسي Lessie: مرات واكس لقديمة لي كانت تا موساعيدة ديالو ف لخدمة.
لأشابة د لقانون تكلاصات مزيان ف ليستات د أكتر رّوايات تباعو، ؤ بزاف د نّقاد عجباتهوم معا بعض لكريتيك.
| عام | جايزة | تصنيف | نتيجة | عين |
|---|---|---|---|---|
| 2011 | جايزة ويتني | أحسن تعاويد تأملي | ربح | [1] |
| جايزة لختيار د ݣودريدس | أحسن رواية د لفانطازيا | ترشيح | [2] | |
| 2012 | جايزة ديڤيد ݣيميل د لفانطازيا | أحسن رواية | ترشيح | [3] |
- ↑ "2011 Whitney Award Winners". Archived from the original on 28 يونيو 2017.
- ↑ "Best Fantasy Novel". ݣودريدس. Archived from the original on 12 يوليوز 2017.
- ↑ Rothfuss, Patrick (20 أبريل 2012). "Alloy Of Law, Voting, and the Gemmell Award". patrickrothfuss.com. Archived from the original on 30 يونيو 2017.
 هادي زريعة ديال مقالة خاصها تّوسع. تقدر تشارك ف لكتبة ديالها. |
