موضهارات مارس 1965 ف لمغريب
موضهارات مارس 1965 ف لمغريب، هي موضهارات طلابية وقعات ف لمغريب خصوصا فدارلبيضا ؤماتو فيها ناس.
سياق[بدل | بدل لكود]
فلول ديال شهر مارس 1965، وزير تربية لوطنية يوسف بلعباس خرج مدكرة كيمنع فيها تلامد لي عندهم كتر من 16 لعام باش يعاودو لبروڤي، لعام لخر د لكوليج.[1]
ديك ساعة تلامد كانو مسييسين بزاف ؤلأغلبية ديالهم داخلين فتيحاد لوطني ديال طلبة لمغريب لي كان عندو علاقات معا تيحاد لوطني د لقوات شعبية.[1]
لوقائع[بدل | بدل لكود]
فـ22 مارس معا جوايه لعشرا، تجمعو دراري فتيران د لكورة ديال ليسي محمد لخاميس فدارلبيضا باش يديرو مسيرة حتيجاجية حتال لمندوبية ديال تعليم، والاكين فطريق لبوليس فرقهم.[1]
لغد ليه فـ23 مارس، عاودو رجعو طلبة ل ليسي محمد لخاميس ؤمشاو موراها لدرب سلطان ؤباب مراكش فين ساكنة طبقة لعاميلة، ؤبداو كيهاجمو لمحلات ؤيحرقو طوبيسات ؤطوموبيلات. لعسكر خرج دبابات ديالو ؤمعا جوايه 3 بدا كيطلق لقرطاس على ناس.[1]
لعواقب[بدل | بدل لكود]
من بعد تلت شهور، ف 7 يونيو 1965، لماليك لحاسان تاني علن على حالة ستيتناء ؤسد لبرلامان.
ؤ ف 29 أكتوبر 1965، زعيم ديال حيزب تيحاد لوطني لقوات شعبية لمهدي بن بركة خطفوه ؤغبروه فباريز.
ف 1968، واحد لمجموعة ديال زوعاما ليساريين من بينهم محمد بنسعيد أيت يدر، أحمد حرزني ؤ سيون أسيدون حلو منضمة ماركسية لينينية سماوها منضمة 23 مارس باش يتفكرو ضحايا ديال داكشي لي وقع فدارلبيضا، لهدف ديالهم كان هو يديرو تغيير ف لبلاد باستعمال سلاح.[2]
عيون لكلام[بدل | بدل لكود]
- ^ a b c d Omar Brouksy (2005-03-21). "Que s'est-il vraiment passé le 23 mars 1965 ?". jeuneafrique.com (ب لفرانساوية).
- ^ Saïd Aïssaoui (2017-12-10). "Organisations secrètes marocaines #5 : «Le mouvement du 23 mars», de la naissance à la création de l'OADP". yabiladi.com (ب لفرانساوية).