سيون أسيدون
سيون أسيدون
| ||
 | ||
| معلومات عامة | ||
| زيادة | 6 ماي 1948 آسفي | |
| لموت | 7 نونبر 2025 (77 عام) الدار البيضا | |
| لجنسية | لمغريب | |
| لحرفة | ناشط حقوقي | |
| لّوغات لي كيعرف | عربية، لفرانساوية و تاشلحيت | |
| معلومات خرى | ||
| دين | إلحاد | |
سيون أسيدون (تولد ف ماي 1948 ف آسفي، توفى ف 7 نونبر 2025 ف الدار لبيضا[1]) هو مناضل مغريبي يهودي ضد الصهيونية. أسيدون من لمناضلين ديال ليسر لماركسي لمغريبي، و كان من لمؤسسين ديال لحركة ديال 23 مارس. دوّز أسيدون ف لمسيرة النضالية ديالو كتر من 12 لعام د لحبس السياسي ف السبعينات و التمانينات (ما بين 1972 و 1984).[2]
تولد سيون أسيدون شهر ماي 1948 ف آسفي، ف نفس لعام اللي تأسسات الدولة د إسرائيل. لأصل ديالو من عائلة يهودية مغريبية أمازيغية. رحل ملّي كان صغير مع عائلتو ل أݣادير، و ملّي ضربها زلزال 1960 رحلو للدار لبيضا. سيون كان عندو ديك الساعة 12 عام.[3]
سيون مشا مبعد ل فرانسا مع عائلتو، و كمل قرايتو د الرياضيات ف باريز، و تمّا فين تعلّم لأفكار ديال ليسار. من مورا ما سالا قرايتو، دخل للمغريب ف 1967. ف 1986 أسس شركة ديال لانفورماتيك.
سيون أسيدون مجوّج من فلسطينية ميريكانية و عندهم ولد سميتو ميلال. هو منسق و قيادي ف لحركة د مقاطعة إسرائيل لعالمية (بي دي إس)[4]، و عضو مؤسس د "ترانسپارانسي لمغريب" ف 2005.
- ↑ رحيل سيون أسيدون أحد أبرز مناهضي الصهيونية بالمغرب - لجزيرة (2025)
- ↑ "سيون أسيدون - آخر الثوريين الماركسيين (2020)". Archived from the original on 2023-06-04. Retrieved 2021-02-12.
- ↑ "أسيدون: لم أختر أن أسمى "صهيون" - أخبار اليوم (2009)". Archived from the original on 2022-07-01. Retrieved 2021-02-12.
- ↑ "اليهودي المغربي الذي يناضل ضد التطبيع - العربي الجديد (2020)". Archived from the original on 2023-05-14. Retrieved 2021-02-12.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |
