موت

من ويكيپيديا

لموت هو نهاية لحياة ديال لكائن لحي وهو وقف دايم ومافيهش الرجوع لجميع لوضائف لبيولوجية لّي كاتحافض على لكائن لحي. كايتستعمل لموت الدماغي بعض لمرات كا تعريف قانوني ل لموت.[1] كايبدا لكائن لّي كان حي يتحلل مور لموت دغيا. لموت هو عملية عالمية حتمية كاتوقع فنهاية لمطاف لجميع لكائنات لحية.

لموت يقدر يجي بسباب الشرف ولا لمرض ولا الافتراس ولا سوء التغدية ولا الانتحار.

من أوائل لقرن 21، كايموتو تقريبا كتر من 150.000 إنسان كل يوم، منهوم 100.000 ب سباب شّيخوخة.[2]

بزاف ديال التقافات والأديان عندها فكرة لحياة لاخرة، وحتى فكرة لحكم على الأعمال لمزيانة ولخايبة فحياة بنادم. وهادشي كايشمل لإيمان ب لقيامة و لجنّة و لجحيم ولا لاخرة (لمرتابط ب الأديان الإبراهيمية) ، ولا التناسخ و إعادة التجسد (لمرتابط بالديانات الدارمية) ، ولا اللاوجود بشكل دائم، ولمعروف باسم لعدم (لمرتبط ب اللادينية و لفلسفة لمادية).

لأنطروپولوجي لميريكاني إيرنست بيكير كيعتابر بلي بزاف د لمضاهر ديال تّقافة عند بنادم، بحال لفن، لموسيقا، دّين ؤ سّياسة، تطورات كا ميكانيزم ديفاعي نفسي ضد لفيكرة د لموت، حيت لإنسان هوّا لكائن لوحيد لي عندو وعي بلي واحد نّهار غادي يموت، ؤ هادشي كيسبب ليه قلق وجودي، ؤ كيخليه يقلّب علا معنى ل لوجود ديالو.[3] ف مقطع من كتابو "رفض لموت" كيݣول:

هادا هوّا رّعب: باش تكون جيتي من والو، تكون عندك سمية، وعي ب راسك، أحاسيس داخيلية عميقة، رغبة داخيلية ماكاتقاومش ل لحياة ؤ تّعبير علا دّات، ؤ وخا هادشي كامل غادي تموت

عيون لكلام[بدل | بدل لكود]

  1. ^ "brain death" (بنڭليزية).
  2. ^ "Life Span Extension Research and Public Debate: Societal Considerations" (PDF) (بنڭليزية).
  3. ^ "Ernest Becker's, The Denial of Death" [إيرنست بيكير، رفض لموت] (بنڭليزية).
Wikimedia Commons تقدر تزيد شوف بزاف د صور و معلومات ديال Death ف ويكيميديا كومنز.
Midori Extension.svg
هادي زريعة ديال مقالة خاصها تّوسع. تقدر تشارك ف لكتبة ديالها.