معلامة ويكيپيديا
معلامة ويكيپيديا
| ||
| ||
| معلومات عامة | ||
| نوع | معلم تذكاري و منحوتة | |
| لبلاد | پولونيا | |
| لموضع | سلوبيش | |
| لمدينة | plac Frankfurcki | |
| تاريخ د لبني | 22 أكتوبر 2014 | |
| لرتيفاع بلميترو | 250 | |
| معلومات إضافية | ||
| السيت الرسمي | لدائن مدعمة بألياف زجاجية | |
لمعلامة د ويكيپيديا (ب لپولونية Pomnik Wikipedii) هيّ واحد التمتال تدار ل تكريم لمساهمين ف ويكيپيديا، لي كاين ف مدينة سلوبيتسي، پولونيا، لي جات ف لحدود معا ألمانيا. التمتال صاوبو النحات لپولوني من أصل أرميني ميهران هاكوبيان.[1]
لمنحوتة مصاوبة من الجاج د لفيبر و لعلك، و كاتمتّل 4 د الناس عريانين هازّين اللوڭو ديال ويكيپيديا.[2][3] التامان ديالو تقام ب 50.000 زلوطي (كاتساوي علاين 13.500 أورو ؤلا 150.000 درهم مغريبية).[4]
ها الطرجامة ديال شنو مكتوب فوق اللوحة ديال لمعلامة:
«ب هاد لمعلامة، السكان ديال سلوبيتسي بغاو يكرّمو لألاف د لكتاتبيا لمجهولين ف لعالم كامل، لي ساهمو بشكل تطوعي ف لمصاوبة د ويكيپيديا، أكبر مشروع تدار بلا عتيبارات د لحدود السياسية، الدينية ؤلا التقافية. ف هاد لعام فاين تحيّد الريدو على هاد لمعلامة، ويكيپيديا متوفّرة ب 280 لوغة و فيها علاين 30 مليون مقال. لموحسينين لي خلّاو هاد لمعلامة تّدار عندهوم ليقين بلي ويكيپيديا من بين لعمايد ديال لمجتمع د لمعرفة لحرة، و بلي قادرة باش تساهم ف تطوير لحضارة ديالنا بشكل مداوم، ف لعدالة لإجتماعية و السلام بين لأوطان.»
تّقتارحات لفكرة د لمعلامة ف 2010 من عند ؤستاد جامعي كريسطوف ويتسيخوڤسكي، لمدير ديال مؤسسة كوليڭيوم پولينيكوم، لي تابعة ل جامعة أدام ميكيڤيتش.[4]
تدشّنات ف 22 أكتوبر 2014، ف ساحة فرانكفورت.[5]
-
ڤيديو ديال التدشين.
-
ميهران هاكوبيان (علّيمن ڭاع) معا شخصيات خرين. -
لماكيطة لأصلية د التمتال
_18.jpg)
- ^ Mattew Day (10 أكتوبر 2014). The Daily Telegraph (إيديتور). "Polish town to build statue honouring Wikipedia". telegraph.co.uk (ب نڭليزية)..
- ^ Filip Pobihuszka (10 أكتوبر 2014). "W nowosolskim Malpolu powstaje pierwszy na świecie pomnik Wikipedii". strefabiznesu.gazetalubuska.pl (ب لپولونية)..
- ^ "Wikipedia bekommt Denkmal". faz.net (ب لالمانية). 22 أكتوبر 2014..
- ^ a b "Poland to Honor Wikipedia With Monument". abcnews.go.com. 9 أكتوبر 2014..
- ^ "W nowosolskim Malpolu powstaje pierwszy na świecie pomnik Wikipedii". www.strefabiznesu.gazetalubuska.pl (ب لپولونية). تطّالع عليه ب تاريخ 8 نونبر 2014..