مداكرة:ميليو

واش عبارة وسايطي كينا ف الداريجة؟

معمري سمعت هاد وسايطي.. واش غير ترجمة حرفية ولا شي مصطلح ماكينش ؟ (انا من كازا، ممكن تكون ديال شي مدينة خرا)، انا بالنسبة ليا من الاحسن تكون ميليو حيت هيا لي كاتقال بزاف... ميليو اوفونسيف كنقولو عليه 10، و ميليو ديفونسيف كانقولو عليه كاصور.. Elkhiar (مداكرة) 19:38، 27 يناير 2023 (+01)

تانا بصراحة ماعمّري سمعتها. لأخ @سمير تامر: لي كان دار لمقالات على كورة و هوّا من أڭادير. تقدر تكون لكلمة مخدّمة تماك.-- Ideophagous (مداكرة) 19:49، 27 يناير 2023 (+01)

حتا دفايعي عمري سمعتها صراحة... الكلمة لي كاتبان ليا ف داريجة نيت هيا ديفونصور.. فكورا كانستعملو غالبا داكشي بلفرونصي، ديفونصور، ميليو، اتاكون... ولا كانستعملو نماري بحال بيطور كانقولو كيلعب 9 مثلا Elkhiar (مداكرة) 11:05، 28 يناير 2023 (+01)

◀ Elkhiar صافي حوّلت الصفاحي بجوج. كانضن حسن نمشيو معا لكلمات لي متداولين كتر عند لمغاربا. ف لبدية د لمقال ماشي موشكيل يلا خلينا "وسايطي" و "دفايعي"، حيت يكونو مخدّمين ف شي بلاصة ف لمغريب وخا نكونو ماسامعينش بيهوم. Ideophagous (مداكرة) 11:58، 28 يناير 2023 (+01)