محمد لخصاصي
محمد لخصاصي
| ||
| معلومات عامة | ||
| زيادة | 1944 مراكش | |
| لموت | 22 غشت 2024 (79/80 عام) الرباط | |
| لجنسية | لمغريب | |
| لحرفة | سياسي، ديپلوماسي، سفير و ؤستاد جاميعي | |
| لّوغات لي كيعرف | عربية و لفرانساوية | |
محمد لخصاصي (مزيود ف 1944 ف مراكش، توفى ف 22 غشت 2024 ف الرباط) هوّ سياسي و ديپلوماسي مغريبي. لخصاصي كان قيادي ف حيزب لإتحاد لإشتراكي، و كان شاد منصب ديال سفير د لمغريب ف سوريا.[1][2][3]
لخصاصي كان أستاد جامعي ديال التاريخ ف جامعة محمد لخامس ف الرباط، و كان متخصص ف لعلاقات بين لمغريب و جزاير قبل لإستعمار لفرانساوي.[4]
بدا محمد لخصاصي لكاريير السياسية ديالو ب منصب ديال لكاتب لعام د لإتحاد لوطني ديال الطالابا د لمغريب. تّحكم عليه بسباب هادشي غيابياً ب لإعدام، معا بزاف د لمناضلين ليساريين. ف 20 غشت 1980، جاهم عفو ملكي. شد لخصاصي عدد د لمناصب لقيادية ف لإتحاد لإشتراكي د لقوات الشعبية، منها رئيس مؤتمر لحيزب، و كان نائب برلماني على مراكش عدد د لمرات.
كان لخصاصي ضمن جناح لفقيه لبصري، و كان مسؤول على راديو "مغرب الشعوب" ف ليبيا ف اللخر د الستينات. كان من بين لي تحاكمو مور أحدات مولاي بوعزة ف مارس 1973، ف مجموعة عمر دهكون.[5]
ف 7 نونبر 2008 تعيّن لخصاصي سفير د لمغريب ف سوريا، و بقى ف هاد لمنصب تال 2012.