محمد عزيز لحبابي
ميّز على محمد لحبابي.محمد عزيز لحبابي
| ||
 | ||
| معلومات عامة | ||
| زيادة | 25 دجنبر 1922 فاس | |
| لموت | 23 غشت 1993 (70 عام) الرباط | |
| لجنسية | لمغريب | |
| لحرفة | فيلسوف، شاعير، صوسيولوڭ و كاتب | |
| لّوغات لي كيعرف | عربية و لفرانساوية | |
| لفاميلة | ||
| شريك | فاطمة الجامعي لحبابي | |
| معلومات خرى | ||
| دين | إسلام | |
محمد عزيز لحبابي (مزيود ف 25 دجنبر 1922 ف فاس، توفى ف 23 غشت 1993 ف الرباط) هوّ فيلسوف، موتقاف، كاتب روائي و شاعر مغريبي لي كان كيكتب ب لعربية و لفرانساوية. لأعمال ديالو كيتّاسمو ب نضرة إنسانية، و كيركّزو على لأهمية ديال لحوار و لكلية.[1]
ف 1987، كان أول كاتب ناطق ب لعربية كيترشح ل جايزة نوبل د لأداب وخا ف اللخر ماتّعطاتش ليه و خداها لأديب الروسي يوزيف بروضسكي. ربحها عام من بعد لكاتب لمصري نجيب محفوظ. عندو بزاف د لأعمال ف لفلسفة و لأداب (قصايد و روايات)، لي تطرجمات ل شلّا لوغات.
هوّ لحفيد ديال عتمان لحبابي لي كان ؤستاد ف جامعة لقرويين، و ولد خت لفقيه و لمقاوم لمغريبي محمد بلعربي لعلوي. لفاميلة ديالو كانت مرفّحة و عطاتو فرصة باش ياخد تعليم مزيان.
بعدما خدا لباك ديالو ف لمغريب، مشا ل فرانسا و خدا ديپلوم ف لمدراسة لوطنية د اللوغات الشرقية لحية، و ديپلوم د الدراسات لعليا. دار الدوكتورا ديالو ف الصوربون تحت لإشراف ديال لفيلسوف لفرانساوي پيير ماكسيم شول. التيز د الدوكتورا تنشرات من بعد على جوج ݣزوات: من لوجود ل الشخص De l'être à la personne (1954) و لحرية ؤلا التحرير Liberté ou libération (1956).
كان باحت معاون ف لمركز لوطني د لأبحات لعلمية Centre national de la recherche scientifique مابين 1953 و 1959. ولّا من بعد ؤستاد د لفلسفة ف جامعة محمد لخامس ف الرباط. تعيّن دوايان ف نفس الجامعة ف 1961 و دوايان شرفي ف 1969. و قرّا تا ف جامعة لجزاير. ولّا من بعد مستشار علمي و مدير د لأبحات ف لمغريب ف 1974.[2] أسّس مجلة آفاق، و إتحاد لكتّاب لعربوفونيين ف لمغرب لكبير.[3] كان عضو ف لأكاديمية د لمملكة، و لأكاديمية لمتوسطية د لحوار ف الطاليان، و د لأكاديمية الدولية د لفلسفة و لفن ف سويسرا. ف 11 أبريل 1980، تّنتاخب عضو ف لأكاديمية د لعولوم مور لبحر Académie des sciences d'outre-mer.[2]
حاول لحبابي باش يخلق فلسفة مبنية على لإنسانية لإسلامية، و تبازى على ميطودولوجيا شخصانية متأتّرة ب لأفكار ديال هينري بيرݣصون و إمانويل مونيي. على الساس ديال لقرآن و الترات لإسلامي، حاول محمد لحبابي باش يحلل لمفاهيم ديال لإستقلالية د لفرد، لوعي الداتي، و لمسؤولية. بشكل عام، لحبابي بغا باش يزاوج مابين لفكر لإنساني لغربي و لفكر لعربي لإسلامي.[4]
- عضو ف أكاديمية لمملكة لمغريبية.[5]
- مرشح ل جايزة نوبل د لأداب (1987)
- "مفكرو الإسلام" (1945)
- De l'être à la personne : essai de personnalisme réaliste (1954)
- Liberté ou libération ? à partir des libertés bergsoniennes (1956)
- Du clos à l'ouvert : vingt propos sur les cultures nationales et la civilisation humaine (1961)
- Le personnalisme musulman (1964)
- Ibn Khaldûn : présentation, choix de textes, bibliographie (1968)
- L'économie marocaine : notions essentielles (1977)
- المعين. قاموس الفلسفة والعلوم الإنسانية، فرنسية-إنجليزية-العربية (1978)
- Le Monde de demain : le Tiers monde accuse (1980)
- بن خلدون: معاصرنا (1987)
- La crise des valeurs (1987)
- Prospective et demainisme (1988)
- جيل الظمأ (جيل لعطش) (1967)
- Espoir vagabond : roman maghrébin (1972)
- "إكسير الحياة" (1974). رواية خيال علمي.
- Le Passé enterré (1987)
- Morsure sur le fer (1979)
- Les Chants d'espérance (1952)
- Misères et lumières (1958)
- Douleurs rythmées (1974)
- Ivre d'innocence (1980)
- Ma voix à la recherche de sa voie (1980)
- Espérance malgré la mort (1988)
- Faces et préfaces (1991)
- Adil (1994)
- ↑ "Lahbabi, Mohamed Aziz (2007) - , in Encyclopædia Britannica, consulté le 28 mai 2007, à partir de Encyclopædia Britannica Online".
- 1 2 "LAHBABI Mohammed Aziz". Retrieved 2023-11-18.
- ↑ "Décès de l'écrivain marocain Mohamed Aziz Lahbabi - , paru dans l'édition du 25 août 1993 de l'Humanité".
- ↑ "لموسوعة لبريطانية، محمد عزيز لحبابي". Retrieved 2023-11-18.
- ↑ "Les membres de l'Académie". Site officiel de l'Académie du Royaume du Maroc. 2021.
