فاطمة الجامعي لحبابي
فاطمة الجامعي لحبابي
| ||
| معلومات عامة | ||
| زيادة | 16 مارس 1944 | |
| لموت | 6 فبراير 2024 (79 عام) | |
| لجنسية | لمغريب | |
| لحرفة | كاتيبة و أستاذة جامعية | |
| لّوغات لي كيعرف | عربية و لفرانساوية | |
| لفاميلة | ||
| شريك | محمد عزيز لحبابي | |
فاطمة الجامعي لحبابي (مزيودة ف 16 مارس 1944، توفات ف 6 فبراير 2024) هي أديبة و أكاديمية مغريبية. و هي مرات لفيلسوف لمغريبي محمد عزيز لحبابي.
خدات فاطمة لحبابي ليصونس ف اللوغة لعربية و لأداب لعربي من جامعة محمد لخامس، و ف 1977 خدات ماسطر من كلية دار لعولوم ف جامعة لقاهرة. ف 1978، خدات دپلوم ف التوتيق لماكيني من مدراسة الصيونص د لإعلام ف الرباط. ف 1988، خدات دوكتورا د الدولة من الصوربون.[1]
خدمات لحبابي ف التعليم التانوي مابين 1967 و 1970، و قرّات ف لمدراسة لوطنية د لإدارة ف الدزاير مابين 1971 و 1974، ف لمدراسة لمحمدية د لمهندسين، و ف لكليات د لأداب د الرباط و فاس. ولّات عضوة ف عدد ديال لهيئات التقافية، من بينها: "مجلس أمناء منتدى الفكر العربي" ف عومان، "المجلس العربي للطفولة" ف لقاهرة، مصر، "جمعية الفلسفة ف لمغريب، تيحاد كتاب لمغريب، "لمجلس التنفيذي للجواش الإفريقي" ف لقاهرة، و الجمعية لمغريبية لمستقبلية.
كانت فاطمة لحبابي رئيسة د التحرير ديال جوج مجلات هوما "دراسات فلسفية وأدبية" و "تكامل أصناف المعرفة"، و كانت عضوة ف التحرير ديال مجلة "الكتاب المغربي"، و عضوة مراسلة ديال مجلة "Mots".
- «لغة أبي اعلاء المعري في رسالة الغفران»،(1988).
- «المغرب العربي في الخطاب الملكي من الاستقلال إلى قمة مراكش»، (1989).
- «تحليل معجمي-إحصائي ودلالي لخطب العرش للملك الحسن الثاني من 1961 إلى 1982».
- Avant projet d’un catalogue collectif automatique : monographies arabes conservés dans les bibliothèques marocains, Casablanca, imp. Najah El jadida, Casablanca , 1983.
طرجمات:
- «ابن خلدون معاصرا» (1974).
صدرات لحبابي كتوبا لي كاتضمّ خدمة ديال الندوات ف سلسلة "أبحاث وأعلام"، بحال كتوبا على عبد الله ڭنون، عبد لهادي بوطالب، أحمد بن شقرون، عبد الكريم غلاب، جامعة لقرويين، لمسرح لمغريبي، النضال لوطني لأداب لإفريقي، لبيئة و التنمية، و لعوامل اللاقتيصادية ف التنمية.[2]