محمد الطود

من ويكيپيديا
Ambox important.svg مقالة ناقصينها تصاور. هاد لمقالة ناقصينها تصاور، حاول تزيد تصاور ماعليهاش كوپيرايت ف/من كومنز. باش تعرف كيفاش تزيد تصويرة ف مقال، شوف دّوزان.
محمد الطود
معلومات عامة
زيادة 1928
لقصر لكبير
لموت 7 نونبر 2007 (78/79 عام)
سلا
لجنسية لمغريب
لحرفة فنان د لعود و شاف د أوركيسطرا
لفاميلة
شريك لعالية مجاهد
معلومات خرى
ستيل أندلسي
Spotify: 0hgJUULY1cVpc61SvHBxWM Modifica els identificadors a Wikidata


محمد الطود (تولد ف 1928 ف لقصر لكبير - مات ف 7 نونبر 2007 ف سلا) كان موسيقار و منشد مغريبي ديال لموسيقا لأندلسية، اللي كاتسمًا تا لموسيقا د لآلة. محمد الطود كان من الناس اللّي وتّقو وطوّرو هاد لموسيقا ف لقرن 20، مع فنانا آخرين بحال مولاي أحمد لوكيلي و عبد الكريم الرايس و محمد العربي التمسماني.[1]

حياتو[بدل | بدل لكود]

تولد محمد بن عبد السلام الطود عام 1928 ف لقصر لكبير، ف عائلة محافظة. كان بّاه حافض لقرآن و علّمو التجويد من صغرو.

ف 1951 دخل مع لإذاعة ديال الرباط و كان تيجوّد فيها لقرآن كل نهار ربع ساعة، حتا تلاقا مع محمد مبيركو، اللي كان لمدير د لجوق لأندلسي د لإذاعة، و دخّلو معاه منشد للجوق. بقا الطود مع لجوق، و ف 1989، ملّي مات لأستاد ديالو مولاي أحمد لوكيلي، ولاّ هو الرئيس د لجوق.

من ماي 1989 ل فبراير 1992 شارك محمد الطود ف لمشروع د "أنطلوجية الآلة"، اللي دارتو وزارة التقافة مع دار ثقافات العالم ف باريز، و شاركات فيه 5 د لمجموعات د لأندلسي وطنية، باش يوتّقو ݣاع النوبات اللي كانت باقا محفوظة ديال لآلة.

كان محمد الطود مجوّج مع لفنانة لعالية مجاهد، و عتازل لموسيقى ف 1998. نهار 7 نونبر 2007 مات ف سلا، لمدينة اللي كان تيسكن فيها، و تدفن ف لمقبرة د باب معلقة ف نفس لمدينة.

عيون لكلام[بدل | بدل لكود]

Bio-Morocco-stub.svg
هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها.