محمد الجم

	محمد الجم
	معلومات عامة
زيادة	3 غشت 1948 (75 عام); سلا
لجنسية	لمغريب
لحرفة	مومتيل، ممثل مسرحي و سيناريست
لّوغات لي كيعرف	عربية و الداريجة لمغريبية
	لفاميلة
لمحيط	علاء الدين الجم ()

محمد الجم (خلاق ف سلا نهار 3 غشت 1948)،^[1] هو مومتيل مغريبي بان بواحد الفرقة سميتها "القناع الصغير" وبالضبط ف مسرحية السلاحيف عام 1970، وكيتعتبر عام 1975 أهم محطة ف لكاريير ديالو، حيت أسس مع أسماء معروفة بحال عزيز موهوب و مليكة العماري، فرقة لمسرح لوطني، اللي قدمات مسرحيات ناجحة بحال «وجوه الخير»، «قدام ربح»، «ساعة مبروكة»، «جار ومجرور»، «الرجل الذي».

حياتو[بدل | بدل لكود]

ف عام 1970، لتاحق محمد الجم بفرقة «القناع الصغير» ديال نبيل لحلو، وشارك ف مسرحية «السلاحف»، وهي أول مشاركة ليه كفنان پروفيصيونيل، من بعد داكشي خدم مع أحمد الطيب لعلج ف بزاف ديال لمسرحيات أشهرها «قاضي لحلقة»، ولايني عام 1975 كان هو أهم محطة فمسيرتو لمهنية، حيت أسس مع وحدين خرين بحال عزيز موهوب، مليكة العمري و ناس خرين فرقة المسرح الوطني، اللي قدمات عروض ناجحة بحال «وجوه لخير»، «قدام ربح»، «ساعة مبروكة»، «جار ومجرور»، و «الرجل الذي».

النجاح اللي حققاتو الفرقة كيرجع بزاف للخبرة اللي جمعها هاد لفنان لكوميدي، حيت كان هو مول النصوص المسرحية لأشهر العروض اللي قدمتها لفرقة، فهو اللي ألف أول مسرحية ليها بعنوان «وجوه لخير»، جات من بعدها أعمال أخرى كتر من عشرين، 9 منها كتبها لفرقة لمصرح لوطني.ومن المصرح للتلفزيون، دخل لجم إكسپيريونص جديدة جعلتو نجم كوميدي كبير، حيت قدم أول سلسلة فكاهية بعنوان "عائلة سي مربوح"، جات من بعدها سلسلة سير حتى تجي، ومن بعد جات "جوا من جم" اللي قدمها ف شهر رمضان من عام 2010 تبعتها سلسلة "لعام طويل" سنة 2011.