لهوية الجندرية

من ويكيپيديا
مقالة ؤلا فقرة تقدر تكون مامحايداش
لحيادية د هاد لمقال مشكوك فيها. عافاك شوف الصفحة د لمداكرة يلا كانو نيقاشات عليها، و حاول تصلح لمقال باش يكون كيمتّل جميع وجهات النضر على لموضوع لي عندها وزن.
بلدان لي كاتقبل لهوية الجندرية على حساب كيفاش بنادم كيشوف راسو

لهوية لجندرية ؤلا نّوع لإجتماعي (ب نّݣليزية: gender identity)، ف سوسيولوجيا كتوصف الجنس لي شخص كايشوف بيه راسو. بزاف ديال الناس كايشوفو راسهم يا إما راجل أولا مرا، دري ولا بنت. ف لأغلبية ديال لحالات، الجندر لي كيوصفو بيه ناس روسهم هو نفسو لي وصفهوم بيه دكتور فاش يالاه تزادو. ولكن بنسبة لبعض ناس، فاش يالاه تولدو قالو ليهم نتوما لجندر ديالكم كدا ولكن من بعد ما كبرو حسو بلي هوما كاينتاميو ل جندر أخور. هاد ناس كايتسماو متحولين جنسيا. بعض لمرات ناس خرين كايتسماو متحولين جنسيا فاش لأدوار لإجتماعية ديالهم، لي فرضها لمجتمع، ماكاتناسبش مع الجندر ديالهم.[1]

هويات مشتركة[بدل | بدل لكود]

أغلب ناس كايسحاب ليهم بلي كاينين غير جوج تصنيفات جندرية، ولي كاتسما تنائية جندرية، أي راجل ومرا. ولكن ف لعقود اللخرة، ناس عرفو بلي ماكاينينش غير هاد جوج، وإنما كاينين تصنيفات خرا. ولي ساهم أكتر ف أن هاد لموضوع باش ياخد قيمة كبيرة ف لعالم هو ضهور ديال حركات مجتمع لميم، لي ساهمات عبر تعليم ونضال لحقوقي، ف أنها تبين للناس بلي كاينين بزاف ديال تصنيفات لجندرية لي لواحد يقدر ينتمي ليها.

تعبير جندري[بدل | بدل لكود]

التعبير الجندري كاتعني كيفاش شخص كيلبس، كايبان، وكيتصرف، بطريقة لي تخلي ناس لخرين يعرفو الجندر ديالو. شخص لي كيلبس وكيتصرف بطريقة دكورية، يمكن نقولو عندو تعبير جندري دكوري. بينما شخص لي كيلبس وكيتصرف بحال أنتوية، نقدرو نقولو عندو تعبير جندري أنتوي. وهادشي راه مختالف على لهوية الجندرية، حيت ناس تقدر تختار كيفاش تبان ولا تصرف بطريقة معينة، واخا ماشي هادا هو لإحساس داخلي ديالهم.

تحول لجنسي و تغيير لجنس[بدل | بدل لكود]

  • تحول الجنسي هو فاش تايكون الجندر لي تولدتي بيه ماشي هو الجندر لي كاتعتابر راسك منتامي ليه. ناس لي كايعيشو هاد لحالة عندهم بزاف ديال تجارب لي مختالفة على بعضياتها، واخا كاينين ناس لي دازو من نفس تجربة. متلا، كاينين ناس لي دازو من ضطراب لهوية الجندرية. لإنسان لمتحول جنسيا كايحس بعض لمرات بلي خاصو يدير عملية باش يحول الجنس ديالو، أولا ياحد هرمونات، أولا يديرهم بجوج.
  • لعبور الجنسي هو مصطلح كايستعملوه بعض ناس لمتحولين جنسيا بعد ما يديرو عملية تحول جنسي. بعض ناس كايعتابرو هاد لمصطلح قديم وكيفضلو مصطلح متحول جنسيا كتعبير على لهوية الجندرية ديالهم.
Wikimedia Commons تقدر تزيد شوف بزاف د تّصاور و لمعلومات ديال Gender identity ف ويكيميديا كومنز.

عيون لكلام[بدل | بدل لكود]

  1. ^ "gender identity". مأرشيڤي من لأصل ف 2023-10-12. تطّالع عليه ب تاريخ 2023-04-16.