لمداكرة د لخدايمي:DarijaBot/عطاشة 4: زيادة د تحويلات
سلام أ دّراري @سمير تامر, Reda benkhadra, و Anass Sedrati: عندي هنا بزاف د لأفكار باش نزيدو تّحويلات.
- لعنوان لموقابيل ب لعربية خاصو يتزاد ديما كا تحويلة ل لمقال ب دّاريجة (متلاً بورݣراݣ يقدر لبوت يشوف لعنوان لموقابيل ليها ف لعربية ar:أبو رقراق ؤ يزيد هاد لعنوان كا تحويلة ل بورݣراݣ يلا ماكانتش ديجا موجودة)، من غير يلا كانو بحال بحال، ؤلا يلا كان لعنوان ب لعربية مستعمل ف شي مقال أخور عندنا. ف هاد لحالة لّخرة، يلا ماكانتش صفحة د تّوضيح، لبوت يقدر يطاڭي إمغارن ف صّفحة د لمداكرة باش يشوفو واش خاصها تزاد صفحة د تّوضيح ؤلا خاص دوك جوج صفحات يتدمجو.
- يلا كان لعنوان فيه تشكال، خاص يتحول بلا تشكال، ؤ لعنوان لقديم يولي تحويلة.
- لعناوين لي فيهوم نماري سوا ب رّمز ؤلا ب لكتبة (متلا بوكوس لول، يوبا تاني)، خاص يتزادو شّكال كاملين ديال لكتبة ديال ديك نّمرة ف تحويلات (متلا بوكوس 1، بوكوس لأول، بوكوس لولاني، بوكوس واحد ...). هاد لبلان نقدرو نديروه ل أي كلمات خرين كايتعاودو بزاف ف لعناوين ؤ عندهوم طرقان مختالفين د لكتبة ؤلا موقابيلات مختالفين لي يقدرو لقاريين يبحتو بيهوم.
- بشكل عام، كيما مشروح ف لعطاشة، نقدر ندير فيشي إكسيل فيه ليستة د لمقالات لي ناقصينهوم تحويلات، نزيدوهوم بيدينا ف ليكسيل، ؤ فاش يعمر، يتزداو تّحويلات من طاراف لبوت.
عطيوني رّي ديالكوم، ؤ قتيراحات خرين يلا عندكوم. --Ideophagous (نقاش) 10:55، 14 نونبر 2021 (+01)
- وعليكم السلام خاي منير. أنا متافق مع هاد لأفكار كاملة 1-2-3-4 و جاوني مخيرين. عجباتني لقضية ديال الطاڭ د إمغارن ملي لبوت يبغي يقرر، باش تكون قرارات مزيانة. شكرا بزاف على لخدمة اللي كادير وتحية ليك.-- Anass Sedrati (نقاش) 19:42، 14 نونبر 2021 (+01)