بورݣراݣ
| بورڭراڭ | |
|---|---|
 | |
| جدول مائي | |
| السمية لأصلية | أبو رقراق  |
| مصب المجرى المائي | لمحيط لأطلسي |
| الرافد | Oued Grou |
| بلاد | لمغريب |
| تقع في التقسيم الإداري | سلا، الرباط |
| الإحداثيات | 34°1′55″N 6°49′51″W |
| لوضعية التراتية | ترات تقافي ديال لمغريب |
 | |
لواد د بورݣراݣ.
بورݣراݣ هو واحد لواد فلغرب د لمغريب، الطول ديالو 240 كلم، تيخرج من لأطلس لمتوسط (جبل متورزݣان حدا مولاي بوعزة) وتيصبً فلمحيط لأطلسي، مابين لمدون د سلا و الرباط.
لمعدل د الصبيب د بورݣراݣ هو 23 ميترو مكعب ف التانية، ولكن فوقت لفيضانات، يقدر يوصل تال 1500.
ف لعصر لقديم و لقرون لوسطانية كان واد بورݣراݣ كيتسما واد سلا[1] ولّا واد سلات.[2] ف لقرون لوسطانية، كان معروف حتى ب واد أسمير ولّا إسمير. لمراكشي سماه واد الرمان، و بن لخطيب سماه "واد لغبط"، بينما لحسن لوزان خدّم سمية "بو رقراق".[2]
على حساب ل. برونو، السمية ديال بورڭراڭ جات من لأمازيغية "أسيف أروغراز" و عندها علاقة معا قبيلة رڭراڭة، لي هيّ قبيلة مصمودية ستاقرات حدا لواد.[2]
لمسار د بورݣراݣ.
لأتار ديال السكنة حدا واد بورڭراڭ كايرجعو ل ما قبل التاريخ ف لفترة النيوليتية، كيما كايبيّنو أدوات موستيرية د السيليكس لي تلقاو حداه. ماكاينينش أتار ديال لبني ف لمنطقة قبل مايجيو لفينيقيين.[2]
بورݣراݣ عندو تاريخ قديم و مرتابط بزاف ب لمدون د سلا و الرباط. من بين أهم لأحدات اللي وقعو ف بورݣراݣ:
- ف 1269 بناو لمرينيين قناة مابين لواد و باب لمريسة ف سلا، اللي خلا لما يوصل تال تما، و ولا لمرسى ف لباب د لمدينة نيشان.
- ف لقرن 17 تأسسات لجمهورية د بورݣراݣ، اللي خدات سميتها من لواد، واللي كانت دولة جمعات سلا و الرباط و لوداية، و كان لواد عنصر مهم فيها.
- ف لقرن 18، خصص السلطان مولاي سماعيل الربع ديال لمداخيل د لحوت لي كايتصيّد ف بورڭراڭ للمصاريف ديال لمجيبة د لما للجامع لأعظم د سلا.[2]
- ف 1755 تبدلو التضاريس د لواد مورا الزلزال د لشبونة، و مابقاش صالح باش يكون فيه مرسى.
- ف 1936 حبسو لبركاصات من لواد و بدات تاتبنا لقنطرة د مولاي لحسن، اللي كانت هي أول قنطرة على لواد.
ف 1974، تبنا السد ديال سيدي محمد بن عبد الله على بورݣراݣ, ف 17 كلم من المصب ديالو. كاين 7 د السدود خرا صغيرة عليه. لهدف دهاد السدود هو أولا تجمع لما اللي تيعاون فالشريب ولفلاحة، وثانيا باش ينتج الضو اللي تيمشي للمصانع.[3]
بدا لمشروع د لمارينا د بورݣراݣ ف 2006، و لهدف ديالو هو تتقاد الضفة د لواد من الجوايه بجوج د الرباط وسلا، ويكونو فيه بزاف د لحوايج ولأنشطة اللي يقدر يديرهم الواحد إما سائح ولا تا اللي ساكن تمًا.
بزاف د لمغنيين غناو على بورݣراݣ حيث عندو تاريخ كبير كتيرشي حيت تيجمع مابين سلا والرباط. من بين لإنتاجات اللي كانو عليه كانلقاو:
- أوپيريط مشروع بورقراق, اللي معروفة تا بسميت "أنا رباطي، أنا سلاوي"، اللي كتبها لمسرحي أحمد الطيب لعلج، واللي لحًنها لموسيقار عبد السلام عامر.[4]
- ↑ كريستيان ماركس. "The western coast of Africa in Ptolemy's Geography and the location of his prime meridian [شّط لغربي ديال إفريقيا ف لجغرافيا د پطوليمايوس ؤ لموضع ديال لميريديان رئيسي]". doi:10.5194/hgss-7-27-2016.
{{cite journal}}: Cite journal requires|journal=(معاونة)CS1 maint: unflagged free DOI (link) - 1 2 3 4 5 سيدي محمد العيوض (2020). من سلا إلى شالة: ذاكرة مدينة (ب العربية). جمعية رباط الفتح للتنمية المستديمة. pp. 15–17.
- ↑ "معلومات على نهر ابي رقراق - تعرف على كل ما يخص نهر ابى رقراق". Archived from the original on 2021-09-21. Retrieved 2020-05-07.
- ↑ "نهر أبو رقراق في الأغنية المغربية - ليتيحاد ليشتيراكي (2018)". Archived from the original on 2021-09-27. Retrieved 2020-05-07.
 |
ويكيميديا كومنز عندا تصاور و معلومات على بورݣراݣ. |
| قل من 3.000 كم | |
|---|---|
| قل من 1.000 كم | |
| قل من 500 كم | |
| قل من 300 كم | |
| قل من 100 كم | |
| طول مامعروفش | |
| عالمي | |
|---|---|
| وطني | |
| غيرهم | |
