السعودية

السعودية، رسميا لمملكة لعربية السعودية هي بلاد ف لغرب ديال آسيا، واخدة لأغلبية ديال شبه لجزيرة لعربية، و أكبر دولة ف الشرق لأوسط من ناحية لمساحة. تايحدّوها من الشمال لعراق و لأردن، من الشرق لكويت و قطر و لإمارات و لبحرين، من لجنوب ليامان و سلطنة عمان، و من لغرب لبحر لحمر.

السعودية واخدة سميّتها من لعائلة ديال آل سعود، اللي حاكمة لبلاد من 1932. قبل كانت سميتها مملكة لحجاز و نجد، و حكموها بزاف د لبدان ف التاريخ منها لأمويين و لعباسيين و لفاطميين و الدولة لعتمانية. لبلاصة اللي السعودية دابا معروفة ف لعالم حيت هي لبلاصة اللي خرج منها لإسلام، و تولد و عاش فيها النبي محمد. بزاف د لبلايص مهمة ف لإسلام (بحال مكة و لمدينة، و لكعبة) جات ف السعودية، و تيجيو ليها الناس اللي باغين يمشيو للحج ولاّ لعمرة من لعالم كلّو. هادشي تيخلي السعودية بلاد عندها بلاصة مهمة، و تادخّل بزاف د الربح من هادشي (12 مليار دولار ف لعام).^[1]

تيسكنو ف السعودية تقريبا 34.2 مليون د الناس، و لعاصمة ديالها هي الرياض. اللغة الرسمية د لبلاد هي لعربية، و لفلوس اللي تاتخدّم هي الريال السعودي. السعودية عندها قتصاد صحيح (مرتبة هي 19 أكبر قتصاد ف لعالم) حيت عندها لپطرول بزاف (هي تاني أكتر بلاد كاتصدّر لپطرول ف لعالم^[2]). هي داخلة ف بزاف د لمنضمات لعالمية بحال لأمم لمتحدة و لجامعة د الدول لعربية و منضمة التعاون لإسلامي و مجلس التعاون د دول لخليج و جي 20 و صندوق النقد الدولي و منضمة التجارة لعالمية و أوپيك.

عيون لكلام

^ "الحج والعمرة يدرّان على السعودية 12 مليار دولار سنوياً - العربي الجديد (2017)". مأرشيڤي من لأصل ف 2021-04-21. تطّالع عليه ب تاريخ 2021-02-28.
^ "أكبر 5 منتجين للنفط الخام في العالم ضيوف أديبك 2019 - العين الإخبارية (2019)". مأرشيڤي من لأصل ف 2022-05-28. تطّالع عليه ب تاريخ 2021-02-28.

تقدر تزيد شوف بزاف د تّصاور و لمعلومات ديال Saudi Arabia ف ويكيميديا كومنز.

[1] "الحج والعمرة يدرّان على السعودية 12 مليار دولار سنوياً - العربي الجديد (2017)". مأرشيڤي من لأصل ف 2021-04-21. تطّالع عليه ب تاريخ 2021-02-28.

[2] "أكبر 5 منتجين للنفط الخام في العالم ضيوف أديبك 2019 - العين الإخبارية (2019)". مأرشيڤي من لأصل ف 2022-05-28. تطّالع عليه ب تاريخ 2021-02-28.

[1]

[2]