لبحر لحمر

من ويكيپيديا
اذهب إلى التنقل اذهب إلى البحث

لبحر لحمر بلأقمار الصناعية

لخليج د لعقبة ف لأردن، اللي تيطل على لبحر لحمر

لبحر لحمر، هو بحر دخلاني ديال لمحيط لهندي، جا ما بين إفريقيا و آسيا. تيتلاقا لبحر لحمر مع لمحيط ف لمضيق ديال باب لمندب، و لخليج د عدن. من لجهة ديال الشمال، تيتلاقا لبحر لحمر مع لبحر لبيض لمتوسط ف لقناة ديال السويس.

لمساحة ديال لبحر لحمر هي تقريبا 438.000 كم². الطول ديالو تقريبا 2250 كم، و لعرض ديالو كيتبدّل، و لكن أعرض نقطة فيه فيها 355 كم. امعدل د لغرق ديال لبحر لحمر هو 490 ميطرو، و أغرق نقطة فيه غارقة ب 3040 ميطرو تقريبا.

لبحر لحمر معروف بالسياحة و فيه بزاف ديال لأنواع ديال لخزّ ولمرجان (200 نوع) و لحوت (1000 نوع)[1]، و هو أكثر بحر ستوائي جا ف الشمال ف لعالم كامل. لبلدان اللي تاطّل على لبحر لحمر هي: السعودية، ليامان، دجيبوتي، إيريطيريا، السودان، مصر، إسرائيل، لأردن.

لعيون[بدل | بدل لكود]

Wikimedia Commons تقدر تزيد شوف بزاف د صور و معلومات ديال Red Sea ف ويكيميديا كومنز.