محمد
محمد، سميتو لكاملة هي أبو القاسم محمد بن عبد الله بن عبد المطلب، هو زعيم ديني سياسي وعسكري جا من قبيلة قريش. وكايعتابروه لمسلمين هو نّبي لخر ولوحيد ديال لإسلام و مجدد لإسلام لأصلي عقيدة التوحيد لي نزلها الله على لأنبياء بحال ادم، إبراهيم، عيسى. وكيتعتابروه لمسلمين لخر و اعظم لأنبياء على حساب ما جا فتٌّراث لسلامي، محمد تزاد ف مكة مابين 570م و توفي صلى الله عليه وسلم ف لمدينة ف632م.[1] عادة تينطقو لمسلمين لعبارة د "صلى الله عليه وسلم" مورا ماتيقولو سميًتو. كاتقال ب صيغات آخرين بحال "عليه الصلاة والسلام" ولا "اللهم صل على محمد".
الطابع د النبي محمد اللي كان تيختم بيه لبريًات ديالو اللي تيسيفطهم للملوك.
وقال عليه لكاتب ليهودي مايكل هارت:
كان الاب ديالو ميت قبل مايتزاد، وماتت مو وهو صغير بزاف. ربَاهْ جدو عبد المطلب، و من بعد عمو أبي طالب. ماعمرو مامشا للمدرسة وماكانش تيعرف يقرا ويكتب. بدا يخدم صغير بزاف. فاللول خدم سرًاح ومن بعد داز للبيع و الشرا. كان معقول ف خدمتو، وملًي دار 25 عام تزوج مع واحد السيدة سميتها خديجة بنت خويلد.
محمد مات فعام 632 وكان فعمرو 61 عام, وخلًا لعرب مجموعين وموحًدين وكمًلو موراه النشر ديال لإسلام اللي وصل تال الأندلس وجنوب فرنسا فلغرب والشينوا فالشرق.
مقالة متعمقة: قرآن
تولد محمد فمكة شهر ربيع لول من عام لفيل. قبل ثلاتة ؤخمسين سنة من لهجرة (لهجرة ديالو من مكة لمدينة)، لي كيوافق سنتي 570 ولا 571 حيت تاريخ لولادة ديالو مختالفين فيها لعلماء بالظبط لكن الصح هو سبعينات لقرن ستة ميلادي، تولد يتيم لأب وماتت مو ؤعمرو صغير، لمرحلة لأولى من حياتو تربا على يد جدو عبد المطلب ومن بعد لوفاة ديالو، رباه عمو أبي طالب لي غادي يكبر على يديه، وكان فديك لوقت راعي ؤ خدام مزيان فالتجارة. تزوج بخديجة بنت خويلد ؤ فعمرو خمسة ؤعشرين عام لي غادي يولد منها كل ولادو من غير إبراهيم بن محمد. كان قبل الاسلام مكيبغيش يعبد لأصنام ؤ الوثنيات لكانت منتاشرة فمكة فديك لوقت حيت كيشوفوها ماشي منطقية وكتضيع لوقت. نزل عليه الوحي ؤفعمرو ربعين عام ولي غادي يتكلف بالرسالة وبدا كيدعي لقوم ديالو لعبادة الله ثلاث سنين سرًا، لكن بعد عشر سنين بدا كيدعي الناس لإسلام جهرا فمكة. وهاجر للمدينة المنورة لكانت سميتها يثرب فديك لوقت عام 622م، وعندو تلاتة وخمسين عام من بعد ما تآمرو عليه شي وحدين من قريش لي مبغاوش دعوتو لكانوا باغيين يقتلوه، ؤ عشر سنين لخرة من حياتو دار ساس لحضارة لإسلامية وبدا كيتوسع لإسلام بشكل كبير بزاف بدا من مكة والمدن المجاورة ولقبائل ليحداه، توحدو لعرب بعد مئات ديال السنين من لعداوة وغادي يحارب لعنصرية وناس ديال القبيلة لمعصبين، حيت اول واحد ادن فالإسلام هو بلال بن رباح لي كان كحل.
فاش وصل محمد لربعين عام، ولف يمشي لغار حراء، فجبل سميتو نور بعيد على مكة 2 أميال، هادشي كل عام، كان كياخد معاه لما و لماكلة باش يݣعد فيها شهر يتعبد فيها و يفكر، و لمسلمين كيقولو انه نهار لإثنين، عام 610م
من بعد ماجاه الوحي, دوز النبي محمد ݣاع وقتو تيدعي الناس باش يدخلو فالدين الجديد اللي جاب, اللي كانت سميتو لإسلام, و سافر مع بزاف د الناس اللي كانو مآمنين بيه لبزاف د لبلايص باش ينشرو هاد الدين.
- ↑ "Britannica, Muhammad". Archived from the original on 2023-10-12. Retrieved 2023-04-23.
 |
ويكيميديا كومنز عندا تصاور و معلومات على محمد. |
| عالمي | |
|---|---|
| وطني | |
| أكاديميا | |
| فنانين | |
| ناس | |
| غيرهم | |
