لخميسات

لخميسات
‫الخميسات‬ (ar) ⵅⴻⵎⵉⵙⵙⴻⵜ (tzm)
لبلاصة
لبلاد	لمغريب
لإقليم	إقليم لخميسات
السكان
شحال دالسكان	125,834 (2024)
شحال دلفاميلات	34,344 (2024)
لجغرافيا
لعلو	409 م
خط الطول بـ °	-6.07955933
خط لعرض بـ °	33.80882019
معلومات خرين
الرمز لجغرافي	2558470
لخريطة

لخميسات مدينة مغريبية ساكنين فيها 131.123 واحد، على حسب لإحصاء لعام 2014. جات لمدينة على الطريق لوطنية A2 مابين الرباط و مكناس.

تاريخ

​أصل السمية فالتاريخ لقديم ديال لبلاصة ما كاينينش شي حاجة مكتوبة او موتقة ، كيف هو لحال فلغالب ديال المناطق لأمازيغية فلمغرب لكبير. فلبدية ديال لحماية لفرانساوية على لمغريب (1912)، كانت لخميسات غير فيلاج صغير فيه شي 1000 ديال الناس؛ ولأهمية لي عندها دابا خداتها لبلاصة فوقت لفرنساويين، وبالأخص من بعد لإستقلال ديال لمغريب (1956).

التقافة

​مدينة لخميسات معروفة بالزرابي لأمازيغية وبالفنتازيا ولمواسم، ومن أهم لمواسم فلخميسات كاين موسم أيت يدين لي كيجمع بزاف ديال لفرسان ولخيالة ديال لمدينة.

​وكاينين عاوتاني مواسم خرى بحال موسم آيت عبو، وسيدي لغندور، وآيت واحي، وغيرها من لمواسم لعامية.

​وعرفات لمدينة تنوع تقافي كبير، حيت عرفات هجرة كبيرة من كاع الجوايه ديال لمملكة وماشي غير من لفيلاجات الزمورية بوحدهم، وسباب فداكشي كيرجع للموقع لجغرافي ديالها وللقرب ديالها من لمدن لكبيرة.

​و فلوقت لحالي، لمدينة كتميز بتنوع تقافي كبير لي خلاها تكون مركز فين كتلاقى التقافات لمغربية، كما أنها ما فيها حتى شي شكل من لأشكال ديال لمهن.

السكان

لعام	1994	2004	2014	2024
لعدد ديال السكان	88.839	105.088	131.542	125.834

​السكان لي هاجرو فلغالب فالنص التاني ديال لقرن 20 من لفيلاجات لي دايرة بلمدينة، الأصل ديالهم فلأغلبية أمازيغي. ولكن لهضرة لي كتستعمل فلعادة هي الداريجة لمغربية.

لموقع ولمناخ

​جات لخميسات فلحاشية الشمالية الشرقية ديال لهضاب لخصبة فالشمال ديال لمغريب (زعير) على علو كيوصل لشي 445 متر. مدينة مكناس كاينة على بعد شي 65 كلم (طريق) فلشرق؛ أما لعاصمة لمغربية الرباط فجات على بعد شي 93 كلم فلغرب.

​لمناخ فلغالب معتدل حتى لسخون؛ والشتا (شي 450 ملم فلعام) كيطيح بالأخص فلشهورا ديال لشتا.

ف التقسيم لإداري

لخميسات كاتّعتابر مدينة مغريبية و جماعة ترابية حضرية كاينة ف إقليم لخميسات، جهة رّباط سلا قنيطرة.

تعليم

• نسبة لأمية (نّاس لّي ما كايعرفوش يقراو ولا يكتبو) : 26,8%
• نسبة سّكان لّي قاريين فوق الليسي (ليسي و جامعة): 22,2%

لإقتصاد

فلفيلاجات لي دايرين بلخميسات، كتمارس لفلاحة فلخلا على واحد النطاق واسع؛ أما لكسيبة (لغنم، لمعز، الدجاج) فولات قليلة بلمقارنة مع قبل.

و كيتصاوبو حتى الزرابي فلخدمة ديال لدار. لمدينة براسها كتلعب دور ديال مركز جهوي للصناعة لتقليدية، والتيجارة، ولخدمات، وكتوفر لمراكز ديال التكوين والصحة لي مهمين فلمنطقة.

• نسبة نّاس نّشيطين (لّي يقدرو يخدمو): 42,9%
• نسبة الشوماج (نّاس لّي ما خدامينش و تايقلبو على خدمة): 26,6%
• نسبة نّاس اللي خدامين ف دّولة (ولا لمشومرين اللي سبق ليهوم خدمو): 20%
• نسبة نّاس اللي خدامين ف لپريڤي (ولا لمشومرين اللي سبق ليهوم خدمو): 38,6%

أهم الشخصيات

• الحسين عموتة
• نجاة عتابو

ويكيميديا كومنز عندا تصاور و معلومات على لخميسات.

مصادر

هادي زريعة ديال مقالة خاصها تّوسع. تقدر تشارك ف لكتبة ديالها.