انتقل إلى المحتوى

الحسين عموتة

من ويكيپيديا
الحسين عموتة
الحسين عموتة ✎
الحسين عموتة
معلومات عامة
تزاد24 أكتوبر 1969 ✎
بلاصة د زيادةلخميسات ✎
لجنسيةلمغريب ✎
اللوغة الأملوغات أمازيغية ✎
لّوغات لي كيعرفعربية، لوغات أمازيغية ✎
لكاريير ديال الشخص
لحرفةكوايري، مدريب د لكورة ✎
الرياضة
الرياضةكورة ✎
الفريقلفتح رباطي، تيحاد لخميسات، نادي الرياض، السد القطري، نادي الشارقة ✎
پوسطوسايطي ✎
شارك فلألعاب لأولمپية د الصيف 1992 ✎
⚽ لفراقي ✎
أعوامفرقةلمتشاتبيوتا
1988–1990راية تيحاد لخميسات——
1990–1996راية لفتح رباطي——
1996–1997راية نادي الرياض——
1997–2001راية السد القطري——
2001–2003راية نادي الشارقة——
2003–2003راية نادي قطر——
⚽ لمونتخاب لوطني ✎
أعوامفرقةلمتشاتبيوتا
1990–1992راية لمنتخب لوطني لمغريبي د لكورة51

الحسين عموتة (مزيود ف 24 أكتوبر 1969) هو كوايري ومدريب د لكورة مغريبي.[1] كان مدريب ديال لمنتخب لوطني د كورة د لأردن مابين 2023 و 2024.

​لمسيرة ديالو

[بدل | بدل لكود]

كـلاعب

[بدل | بدل لكود]

مع لفرقة

فـلـموسم ديال 1988–1989، انـتـقل عـموتة من لـفريق ديال لـأمل (U19) ديال لـإتحاد لـزموري لـلـخميسات لـلـفرقة لـأولى. ومن بعد ما تـسالا لـعام لـي موراهو، انـتـقل لـلـفتح لـرياضي لـرباطي. تـمّاك دوز لـأغلبية ديال لـمسيرة ديالو كـلاعب تـل لـصيف ديال 1996، وربح معاهم كـأس لـعرش مـرة واحدة. ومن بعد، انـتـقل السعودية فين انـضم لـفرقة لـرياض.

من بعد موسم واحد فـالسعودية، مشى لـقطر فين لعب مع لـسد، وربح معاهم لـبطولة وكـأس لـأمير فـموسم 1999–2000. ومن بعد كادن عامين تماك، كـمّل لـمسيرة ديالو فـلـإمارات مع فرقة لـشارقة لـي لعب معاها تـل لـلخر ديال 2002. وكانت آخر مـحطة ليه هي مع فرقة قطر تـل صيف 2003، فين سالى لـمسيرة ديالو كـلاعب.

​ مع لمنتخب

​ كان عـموتة جزء من لـمنتخب لـمغربي لـي شارك فـلـألعاب لـأولمبية لـصيفية ديال 1992. وشاركات فـلـماتش لـتاني ديال لـمجموعة ضـد لـسويد.[2].

​ من غير هادشي، لعب عـموتة ماتشات أخرين مع لـمنتخب لـأول. وكان أول ماتش مـعروف ليه هو فـ 2 سبتمبر 1990 فـلـتصفيات ديال كـأس لـأمم لـإفريقية 1992 فـلـرباح ضـد موريتانيا بـ 4–0.[3] وزيادة على ماتش آخر فـهاد لـتصفيات وجوج ماتشات وديين، شارك فـماتش واحد فـتصفيات كـأس لـأمم لـإفريقية 1994.[4]

​ كـمدرب

​ من بعد شي سنين من لـنهاية ديال لـمسيرة ديالو كـلاعب، ولا مدرب رئيسي لـفرقتو لـقديمة لـإتحاد لـزموري لـلـخميسات لـمدة عامين، ومن بعد كـمّل فـهاد لـمنصب مع لـفتح لـرباطي ابتداءً من موسم 2008–2009. ربح مع لـفرقة فـهاد لـفترة كـأس لـإتحاد لـإفريقي 2010 وكـأس لـعرش مـرة واحدة. فـصيف 2011، من بعد ما سالى لـخدمة ديالو فـلـرباط، ولا مدير تقني فـلـسد لـقطري، وفصيف لـي موراه تحول لـمنصب لـمدرب الـرئيسي وبقى فيه تـل لـلخر ديال نونبر 2015. فـهاد لـفترة، ربح مع لـفرقة لـبطولة مـرة واحدة، وكـأس سوبر لـقطري مـرة واحدة، وكـأس أمير قطر جوج ديال لـمرات.

​ لـفرقة لـموالية لـي دربها هي لـوداد لـرياضي ابتداءً من يناير 2017، ولـي ربح معاها فـنفس لـعام لـبطولة لـوطنية ودوري أبطال أفريقيا. ولكن من بعد كتر من عام بـشوية، سالات لـتجربة ديالو معاهم. من بعد هادشي، تولى تدريب لـمنتخب لـمغربي لـلمحليين لـمدة عام. فـلـبدية، شارك مع لـمنتخب فـبطولة أمم إفريقيا لـلمحليين 2020 لـي ربحها فـلـلخر. وفـلـلخر ديال هاد لـعام، وصل مع لـمنتخب لـربع لـنهاية ديال كـأس لـعرب 2021.

​ من بعد هادشي، رجع لـلـوداد فـغشت 2022، ووصل معاهم لـفينال ديال كـأس لـإتحاد لـإفريقي لـي خسروه ضـد نهضة بركان. وفـالـبدية ديال دجنبر من نفس لـعام، سالات لـفترة ديالو كـمدرب رئيسي. ومن ماي تـل يونيو 2023، درب لـجيش لـملكي فـماتش واحد،[5] قبل ما يـتـعيّن من طرف لـإتحاد لـأردني كـمدرب لـمنتخب لأردن لـرجال.

لإنجازات ديالو

[بدل | بدل لكود]

دار الحسين عموتة بزاف د لإنجازات مع لفراقي اللي درّب، منها:

مصادر

[بدل | بدل لكود]
  1. ↑ "الحسين عموتة". Archived from the original on 2023-08-03. Retrieved 2023-03-24.
  2. ↑ "Schweden Olympia - Marokko Olympia, 28.07.1992 - Olympische Spiele - Spielbericht". www.transfermarkt.de (ب الألمانية). Retrieved 2026-10-26.
  3. ↑ Strack-Zimmermann, Benjamin. "Morocco vs. Mauritania". www.national-football-teams.com (ب الإنجليزية). Retrieved 2026-10-26.
  4. ↑ Strack-Zimmermann, Benjamin. "Mali vs. Morocco". www.national-football-teams.com (ب الإنجليزية). Retrieved 2026-10-26.
  5. ↑ "Hussein Ammouta - Leistungsdaten im Detail". www.transfermarkt.de (ب الألمانية). Retrieved 2026-10-26.
هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها.