الرماني

الرماني
‫الرماني‬ (ar) ⵕⵯⵎⵎⴰⵏⵉ (tzm)
لبلاصة
لبلاد	لمغريب
لإقليم	إقليم لخميسات
السكان
شحال دالسكان	11,433 (1994)
شحال دلفاميلات	2,838 (2014)
معلومات خرين
الرمز لجغرافي	6545553

رّماني مدينة مغريبية و جماعة ترابية حضرية كاينة ف إقليم لخميسات، جهة رّباط سلا قنيطرة، ساكنين فيها 11.433 واحد، على حسب لإحصاء لعام 2014.

بلاكة طريق لرماني

تشوير، رماني.

بناية ف شارع ف رماني.

أراضي خضرا ديال رماني.

ولاد دحو لغوالم ف رماني.

أبقار وطبيعة، لمغريب، رماني.

رماني

==

تعليم

• نسبة لأمية (نّاس لّي ما كايعرفوش يقراو ولا يكتبو) : 27,6%.
• نسبة سّكان لّي قاريين فوق ليسي (ليسي و جامعة): 20,9%.

قتيصاد

• نسبة نّاس نّشيطين (لّي يقدرو يخدمو): 45,5%.
• نسبة شوماج لبطالة (نّاس لّي ما خدامينش و تايقلبو على خدمة): 19,3%.
• نسبة نّاس لّي خدامين ف دّولة (ولا لبيطاليين لّي سبق ليهوم خدمو): 20,5%.
• نسبة نّاس لّي خدامين ف لپريڤي (ولا لبيطاليين لّي سبق ليهوم خدمو):35,2%.

رماني هي واحد لقرية قروية ف إقليم لخميسات، تابعة لجهة رباط سلا لقنيطرة. حسب إحصائيات 2004، وصل عدد سكّان ديالها تقريباً لـ12172 نسمة، ومن بينهم 5 ديال لأجانب، عايشين فـ2614 أسرة.

تسمية رمّاني

جا لاسم ديال رمّاني على حساب واحد لواد صغير كان عامر بشجر رمان، وكان كيتسمّى «واد رمان» فواحد لمنطقة سميتها زبيدة، ومن بعد ولّى معروف باسم «واد زبيدة».

لجغرافيا ديالها

كتواجد مدينة رمّاني على بعد تقريباً 80 كلم من لعاصمة رباط، و120 كلم على دار لبيضا. كتحيط بها مساحة كبيرة ديال لغابات ولأراضي لفلاحية لّي كيتزرع فيها لقمح ولقطنيات ولكروم، وكاين حتى تربية لماشية. لمنطقة معروفة ومحبوبة عند صيادة حيث فيها ثروة حيوانية برية مهمة. وقريب منها كاين سد كبير عكراش، لي غني ب لحوت وكيزوّد ب لما صالح لشرب مدن بحال رباط وسلا وتمارة ومناطق أخرى ف زعير. رماني كتميز كذلك ب طّبيعة ديالها نقية ولهوا زوين، وزيد عليها قريبة من رباط ودار لبيضا، وهذا كيعطيها موقع مزيان.

تاريخها

تأسس مخيم مرشان سنة 1911. وكان مرشان، أو معسكر مرشان، هو لاسم لقديم لمدينة رماني، وكان يقع في لمنطقة لفاصلة بين زعير لغربية لمزارعة وزعير لجنوبية لكفيان، بمنطقة زبيدة. وكان اسم مرشان كيدل ديك ساعة على مركز إداري كيشبه حسب لي كنعرفو ليوم ب لعمالة أو لولاية.

كانت لمدينة مركز مهم لسكّان ولقريات لي دايرين بيها، كانو كيقصدوها ل قضاء أغراضهم لإدارية وليومية، بحال استشارة ديال طبيب، وإرسال رسائل، ويقادو بعض لحاجات. وفي ما بعد، ولات لمنطقة مركز لحل نزاعات ولمشاكل، خصوصاً نّزاعات لمرتبطة ب لعقار، وهذا لي كان كيحكم لمنطقة في ديك لفترة.

قتيصاد

بدات رماني كتعرف ازدهار تدريجي، حيث دّارت فيها ضيعات لفلاحية لّي كان أغلبها تابع للمستعمر، وظهرات بعض لمعاميل لمرتبطة ب صّناعة لغذائية. وتبنات فيها فنادق ومدارس وملاعب ل تّرفيه. وخلال هذه لمرحلة، بدات ليد لعاملة لمغريبية تتوافد على لمنطقة من جهات مختلفة من لمغريب، خاصة من دكالة وقلعة سراغنة وشياظمة وسوس وبني مسكين، إضافة إلى صحرا لمغريبية. وكان بزاف ديال لوافدين كيشتغلو ب تّجارة في لأسواق لأسبوعية، ومن بعد ستقر عدد كبير منهم بمدينة رماني.

كانت رماني كتحسب عاصمة زعير، وهي لبلاصة لي يمكن تشبيه ديالها ليوم ب لإقليم. ومن عام 1911 حتى لحدود سنة 1960 تقريباً، عرفات لمدينة تنوع تقافي مغربي واضح، جمع بين سكّان لوافدين من مناطق كثيرة من لمغريب، وحتى حضور فرنسيين وأمريكيين ل منطقة. وهاد تنوع عطى لرماني واحد طابع خاص، رغم ظروف لاستعمار، حيث تميزات بتعايش فئات مختلفة داخل بلاصة وحدة.

وبحكم طّابع لفلاحي لمنطقة، كان كيتنظم في نهاية كل عام، وقبل بداية لموسم لفلاحي، حفل كبير كيحضرو ليه سكّان، وملي كيسالي كينطلق موسم لحرث.

تقسيم لإداري

كانت مدينة رماني تابعة لعمالة رباط، ومن بعد ولّات تابعة لعمالة لقنيطرة، ودابا كتنتمي لعمالة لخميسات فجهة رباط سلا لقنيطرة.

لمشاكل وتحديات

ف سّنوات لأخيرة، خصوصاً من 1995 حتى لدابا، كيگولو بعض سكّان ولمهتمين؛ أن مدينة رمّاني عرفات مجموعة من تحدّيات على لمستوى تّنموي. هاد تحديات كتبان فقلّة فرص شغل وضّعف ف بعض لخدمات ولبنيات تحتية.

ومن بين لمشاكل لي كيداولو عليها:

رتفاع نسبة لأمية مقارنة مع بعض لمناطق لقريبة. قلة لاستتمارات ولمشاريع لاقتصادية، شي لي أثّر على فرص لخدمة. ضعف ف تّدبير لمحلي (لحكامة) حسب بعض لفاعلين لمحليين، ولّي خلّا تنمية تمشي ببطء. كيهاجرو بعض سكّان لمدون أخرى باش يقلبو على لخدمة ويحسنو ظروف لعيش. بعض طرقان حالتها لّي مازال محتاجة لإصلاح وصّيانة. وكيتگال أن لمنطقة، رغم أن فيها إمكانيات طبيعية وفلاحية مهمّة، ما زادوش استغلوها ب شكل لكافي، وهاد شي أتر على تّجارة ولفلاحة لّي بقات ف لغالب غير ديال لمعيشة.

مصادر

هادي زريعة ديال مقالة خاصها تّوسع. تقدر تشارك ف لكتبة ديالها.